குலப்படியான்

ஹலோ வீட்ல யாரு ?
நாந்தான் இருக்கேன் நீங்க யாரு ?
 
நாங்க சுகாதாரத்துறையிலிருந்து வந்து இருக்கோம். தடுப்பு ஊசி போடணும்
சரி எதற்காக போடணும் சொல்லுங்க ?
 
பெரியவங்க, வேற யாரும் இல்லையா ?
யேன் எனக்கு பதில் சொல்லத் தெரியாதா ?
 
எடக்கா பேசுறியே... சரி வீட்ல மொத்தம் எத்தனை பேரு இருக்கீங்க ?
என்னையும் சேர்த்து பதினொரு பேரு இருக்கோம்.
 
அடடே... சரி எல்லோரையும் கூப்பிடு குரோனா பரிசோதனை செய்யணும்.
ஏற்கனவே கொரோனா வந்துதான் எங்க சித்தப்பு செத்துப் போனாரு இதென்ன புதுசா... குரோனா ?
 
ஆமாயா புதுசா இப்போ புருனேயில இருந்து வந்துருக்காம்.
ஐயய்யோ எங்க அண்ணன் அந்த நாட்டுலதானே இருக்காரு... முதல்ல அவருக்கு போன் போட்டு கேட்கணுமே ?
 
அப்படியா ? அப்ப உங்க குடும்பத்தை அவசியம் பரிசோதிக்கணும், முதல்ல வயசானவங்கள்லருந்து யாராருனு சொல்லு ?
அய்யா, ஆச்சி, அப்பா, அம்மா, சின்னம்மா, அண்ணி, அக்கா, தங்கச்சி, தம்பி, பாப்பா, நான் ஒன்னு.
 
சரி முதல்ல வரிசையா, அய்யா பேரு, வயசை சொல்லு ?
அய்யாத்துரை...வ
 
அய்யா பேரு துரையா... ?
இல்லை பேரு, அய்யாத்துரை வயசு 93
 
சரி அடுத்து ஆச்சி பேரு, வயசை சொல்லு ?
பூச்சியம்மாள் வயசு 87
 
அடுத்து, அப்பா பேரு, வயசை சொல்லு ?
அப்பாவு வயசு 65
 
அம்மா பேரு, வயசை சொல்லு ?
அங்கம்மா வயசு 58
 
சின்னம்மா பேரு, வயசை சொல்லு ?
மங்கம்மா வயசு 55
 
? ? ? .........
என்ன சார் ?
 
சரி, உங்க அண்ணி பேரு, வயசு ?

கன்னிகா பரமேஸ்வரி வயசு 27
 
? ? ? அக்கா பேரு, வயசு ?
மாளவிக்கா வயசு 26
 
? ? ? உன்னோட பேரு, வயசு ?
குலப்படியான் வயசு 24
 
இதென்னையா புதுசா இருக்கு ?
குலதெய்வத்து பேரு... சார்
 
ம்... ஏதோ குழப்புறே சரி, தங்கச்சி பேரு, வயசு ?
தங்கமயில் வயசு 20
 
தம்பி பேரு, வயசு ?
ஆசைத்தம்பி வயசு 17
 
? ? ? பாப்பா பேரு, வயசு ?
பாப்பாத்தி வயசு 6
 
சொன்னது பூராம் உண்மைதானா சாமி ? ஏதோ கில்லர்ஜி வலைப்பூவுல ஜோவடிச்சு வர்றது மாதிரி இருக்கே,,,, ?
எல்லாமே சரியான தகவல்தான் சார்.
 
நீங்க இஞ்செக்ஸனை ரெடி பண்ணுங்க சரி, முதல்ல அய்யாவை கூப்பிடு.
அவரு அய்யாபட்டி கல்யாணத்துக்கு போயிட்டாரு...
 
சரி ஆச்சியை கூப்பிடு.
அது ஆச்சியூர் கிரஹப்பிரவேசத்துக்கு போயிடுச்சு.
 
உங்க அப்பாவை கூப்பிடு.
அவரு அப்பாச்சிமேடு கோயிலுக்கு போயிருக்காரு...
 
? ? ? என்னய்யா... புது தினுசா பேசுறே ? சரி அம்மாவை கூப்பிடு.
அவுங்க அம்மாபேட்டை சடங்குக்கு போயிட்டாங்க.
 
? ? ? சரி உங்க சின்னம்மாவை கூப்பிடு.
அது சின்னம்மாள்புரம் எலவுக்கு போயிருச்சு.
 
என்னய்யா எல்லோருமேவா... சரி உங்க அண்ணியை கூப்பிடு.
அவுங்க அண்ணியேந்தல் காதுகுத்துக்கு போயிட்டாங்க.
 
உங்க அக்கா ?
அது அக்காமடம் கோயில் கும்பாபிஷேகத்துக்கு போயிடுச்சு.
 
? ? ? சரி உன் தங்கச்சியை கூப்பிடு.
அது தங்கச்சியம்மாபட்டி நிச்சயதார்த்தத்துக்கு போயிருச்சு
.
? ? ? உன் தம்பி இருக்கானா ? அவனையாவது கூப்பிடுயா...
அவன் தம்பிக்கோட்டை திருவிழாவுக்கு போயிட்டான்.
 
பாப்பா இருக்குனே அது இருக்கா இல்லை பேத்தியூருக்கு போயிருச்சா ?
அது ஸ்கூல் லீவுக்கு பொன்பேத்திக்கு போயிடுச்சு.
 
? ? ? நீ மட்டும் இங்கே என்னத்தை புடுங்குறே ? வீட்டை பூட்டிட்டு எங்கேயாவது போக வேண்டியதுதானே ?
அதான் சார் கணவன்துறைக்கு காதர்பாய் வீட்டு சுன்னத்துக்கு போறதுக்காக, கிளம்புனேன் நீங்க வந்துட்டீங்க...
 
? ? ? டேய் முடியலைடா....
முடியலைனா... ஊசி போடுங்க சார் அண்ணன் பேரை சொல்லலையே ?
 
? ? ? வேண்டாம்டா அவனை புருனே ஷேக் பார்த்துக்கிருவாரு...
அடுத்து எப்ப சார் வருவீங்க ?
 
இனி இந்த தெருவுக்கே வரமாட்டேன்டா... ஆளை விடுடா சாமி.
சரி சார் நான் ஊருக்கு கிளம்புறேன் பாப்பாமடம் பஸ்ஸுக்கு நேரமாச்சு.
 
கில்லர்ஜி தேவகோட்டை