நத்தம், நண்பன் நம்பிராஜன்

இன்று கண்டிப்பாக

சொல்லிவிட

வேண்டியதுதான்

ஆம்

எத்தனை காலம்தான்

மனதுக்குள் வைத்து

பூட்டி வைப்பது

அவள் எனது டேபிளுக்கு

அடுத்த டேபிள்க்காரி

பணியில் சந்தேகமெனில்

உடன் வந்து கேட்பது

என்னிடமே..

காரணம் எனக்கு எல்லாம்

தெரியும் என்று அவள் நம்பி

வாழ்கிறாள் இந்த நம்பிராஜனை

நம்பியார் காதல் பாட்டு

பாடினால் நம்ப முடியுமா ?

அதைப்போல்தான் எனக்கு

எல்லாம் தெரியும் என்பதும்

இதற்கு காரணம் நானா ?

இல்லை இவள் என் மீது

வைத்திருக்கும் காதல்தானோ...

அவள் கேட்கும் சந்தேகங்களுக்கு

மட்டும் என்னிடமிருந்து உடன்

கிடைக்கின்றதே விடை

கடந்த ஒரு வாரமாகவே அவளது

பார்வையில் ஒருவித மாற்றம்

பேச்சுகளில் தடுமாற்றம் ஏன் ?

காதலேதான் இது காதலேதான்

நேற்று உங்களிடம் தனியாக

பேசவேண்டும் என்றாள்ல் ?

அர்த்தமென்ன ?

காதல் காதல் காதல்

இல்லை நாளை நாம்

நம் காதலைச் சொல்ல

முந்திக்கொள்ள வேண்டும்

இல்லையென்றால் இவ்வளவு

பெரிய மீசைக்கு அர்த்தமில்லை

மறுநாள் காலை குளித்து முடித்து

டிப்-டாப்பாக உடையணிந்து

அலுவலகம் சென்றேன்

எனக்கு முன்பே அவள் அலுவலகத்தில்

நாணத்தோடு என்னைப் பார்த்தாள்

பக்கத்தில் போய் நின்றேன் தாபத்தோடு

அவள்தான் முதலில் சொன்னாள்

ஐ லவ் யூ நம்பிராஜன்

நானும் சொன்னேன் ஐ லவ் யூ நர்மதா.

செருப்பு பிஞ்சுடும் மூதேவி முளைச்சு மூணு இலை விடலை அய்லவவாம்ல... அய்லவு நானும் பிஞ்சக்காட்டுக்கு போயி கத்திரிக்கா பரிச்சாந்துட்டேன் வெயிலு ஏறி வந்துடுச்சு இன்னும் சமுக்காளத்தை போத்திக்கிட்டு கெடக்கே ஏண்டா... கொங்காமட்டை எந்திரிச்சு மாட்டைப் பத்திக்கிட்டு வயலுக்கு போடா எல்லாம் ஆத்தாக்காரி கொடுக்கிற செல்லம் அவளைத் தூக்கிப் போட்டு மிதிச்சா சரியா வரும்.....

பிஞ்சையிலிருந்து வந்த அப்பா திட்டவும் எழுந்து முகத்தை கழுவி விட்டு ஆத்தாளிடம் நீராத்தண்ணி வாங்கி குடித்து விட்டு மாடுகளை அவிழ்த்துக் கொண்டு வயலுக்கு உழுவதற்கு போனான் நமது நத்தம் நண்பன் நம்பிராஜன்.