எள்ளுப்பெயரன் ஆளட்டும்

மத்திய அரசும் சரி, மாநில அரசும் சரி மக்களுக்காக சேவை செய்யிறோம்னு சொல்லி விட்டு தனது மக்களுக்கு சொத்து சேர்ப்பதே குறிக்கோளாக இருக்கின்றார்களே இந்த பெட்ரோலுக்கான வரிகளை நீக்கினால்தான் என்ன ? மற்ற அனைத்து விலைவாசிகளும் ஏறுவதற்கு இதுதானே மூலகாரணம். உலக அளவில் எல்லா நாடுகளுமே கச்சா எண்ணை விலை குறைவால் பெட்ரோலின் விலையை குறைத்து விட்டது.
 
ஆனால் இந்தியாவுக்கு மட்டும் செய்வினை செய்துட்டாங்கே... உங்கள் மக்கள் நல்லபடியாக வாழவேண்டாமா ? ஊருப்பய காசை கொள்ளையடிச்சு உம்மாவுக்கு பாத்தியா ஓதுறீங்களே... கடைத்தேங்காயை எடுத்து வழிப்பிள்ளையாருக்கு உடைக்கிறீங்களே... இது நியாயமாரே ? இந்தப் பணத்தை கோடிக்கணக்கில் சேர்த்து வச்சு என்னதான் செய்யப் போறீங்க ? கொள்ளையடிங்க, கொஞ்சம் மனசாட்சி வேண்டாமா ? மரத்திலிருந்து கிளையை ஓடித்து கொள்பவன் புத்திசாலி வேறோடு சாய்ப்பவன் முட்டாள்.

 

பதவி என்பது பொன் முட்டையிடும் வாத்தல்லவா ? நீங்கள் இதுகூட தெரியாத வாத்து மடையர்களா ? நல்லது கொஞ்சம் செய்து மக்களுக்கு சற்றேனும் மகிழ்வைக் கொடுக்க கூடாதா ? மத்திய அரசே... நல்லது செய்து மாற்றத்தைக் கொடுக்க கூடாதா ? மாநில அரசே...
 
மக்களின் மனதை ஏதாவது புரளியைக் கிளப்பி விட்டு அதில் அவர்களை குழப்பி விடுவது இன்னும் எத்தனை காலம் ? நல்லதை நினையுங்கள் நல்லதை செய்யுங்கள் உங்களது கொள்ளுப்பெயரன் மட்டுமல்ல, எள்ளுப்பெயரன் வரை நாங்கள் வாக்களிப்போம். இந்த வார்த்தை சம்சாரிக்கு மட்டுமல்ல, பிரம்மச்சாரிக்கும் சேர்த்துதான்.
 
இந்திய ஒரு ரூபாயை பெறுவதற்கு, அமெரிக்க பதினேழு டாலர்களை கொடுத்த காலத்தை மாற்றி அமெரிக்க ஒரு டாலரை வாங்க, இந்திய எண்பத்து மூன்று ரூபாயை கொடுக்க வைப்பதற்கா இந்த சுதந்திரம் ? இதுக்கு பேசாமல் அந்த இங்கிலீசுக்கார மச்சானையே ஆள விட்ருக்கலாமே... ஆடம்பர வாழ்க்கைக்கு ஆசைப்படாதீர்கள். முன்னாள் பிலிப்பைன்ஸ் அதிபர் இமெல்டா மார்க்கோஸை நினைத்துப் பாருங்கள் இன்றிருப்பார் நாளை இல்லை.
 
கில்லர்ஜி அபுதாபி

சிவாதாமஸ்அலி -
இராணுவத்தினரின் சவப்பெட்டியில் ஊழல் செய்த, பெர்னாட்ஷாவுக்கே மீண்டும் வாக்களித்து ரட்சித்தவர்கள் நமது மக்கள்.