மலைத்தமிழன் Weds மாலைத்தமிழன்

யேண்டி, மோகனா உன்னோட காதலரை ஏன் கழட்டி விடணும்னு சொல்றே ?

பின்னேயென்ன... தியேட்டருப் போனால் திரையிலே வணக்கம் போடும்வரை திரையை விட்டு தலையை திசை திருப்ப மாட்றான்...

அப்படினா யூஸ்லெஸ்னு சொல்றே...

ஆமாடி வேற எவனும் மாட்டினால்... சொல்லு ஆமா புதுசா புடிச்சியே உன் ஆளு எப்படி ?

ய்யேன் ஆளைப்பத்தி சொன்னால் வேதனைப்படுவே.... சரி நம்ம வேதமூர்த்தி சும்மாதான் திரியிறானாம் சொர்ணா சொன்னாள்.

அவன் சரியா வரமாட்டான் சினிமாவுக்கு கூப்பிட்டாலும் ராகுகாலம் பார்ப்பானாம் நம்ம கனிமொழி கழட்டி விட்டது அதுனாலேதானே...

அப்ப ஸெகண்ட் இயர் படிக்கிறானே... மலைராசுவைப் பாரேன்..

அவன் மலை முழுங்கியில10 பைசா நகட்ட மாட்டானே...

உனக்கு எப்படித்தெரியும் ?

ஃபர்ஸ்ட் வருசத்துல இதுக்குத்தானே கழட்டி விட்டேன்.

கார்மேகத்தைப்பத்தி என்ன நினைக்கிறே ?

அவன் பேருக்கேத்த மாதிரிதான் இருக்கான் பகல்லயே தெரிய மாட்றான் இருட்டுல எப்படியிருப்பான் நீயே நினைச்சுப்பாரு.. ?

யேண்டி டைம்பாஸுக்குத்தானே....

அவன்தான் டைம்பாஸுக்கு கூட வேஷ்டுனுதானே வேணி கழட்டி விட்டாள்.

என்னடியிது உன்பாடு இப்படியாகிப் போச்சே... ச்சே

சரிடீ... உன் ஆளைப்பற்றி சொல்லவே இல்லை ?

ய்யேன் ஆளைப்பத்தி சொன்னால் வேதனைப்படுவே.... நம்ம ராமமூர்த்தியை ட்ரைப் பண்ணிப்பாரேன்...

அவன் நம்மளையே நாமம் போட்டவனாச்சே...

சரி கோதண்டத்தை புடியேன்.

அவன் தண்டோராக் கிராக்கியாச்சே... நம்ம கோகிலாதான் எல்லாத்தையும் சொன்னாளே...

நம்ம தங்கமணி....

அவன் பேரு மட்டும்தான் அப்படி ஈயம் பூசக்கூட வழியில்லை.

சரி பூதப்பாண்டி நல்லா டிப்-டாப்பா இருக்கானே...

அவன்தானே... பூமிகாவை போண்டியாக்குனவன்.

அரியநாயகம் வெயிட்டான பார்ட்டி அவனைப்புடியேன்.

ஹூம் நல்ல ஆளைச்சொன்னே பாரு அவனே காலையில கண்மாயில.. சுத்திசுத்தி வந்து அரிசி பொறக்குறவன் வெளங்குனாப்பலதான்.

தாமரைக்கண்ணன்...

அவனே ஒரு தரை டிக்கெட்டு அவனைப்போயி.... சரி உன்னோட ஆளைப்பத்திதான் சொல்லேன்.

அடியேன்டி ஃபேஸ்புக்குல மலைத்தமிழன் அப்படினு வெளிநாட்டு பார்ட்டியைப் புடிச்சேன்.

ஃபேஸ்புக்லயா அதுவும் வெளிநாடு பார்ட்டியா ? இதுல உனக்கு வருமானம் எப்படி வரும் டைம் பாஸ்தான் ஆகும்.

ஆமாடி காதும், காதும் வச்சது மாதிரி லம்பா அடிக்கலாம் அப்படினு நினைச்சுத்தான் ஜாய்ண்ட் செய்தேன் அது என்னடானா... பிராடு பிச்சை முத்துவா.. இருக்கு.

சரி என்னதான் ஆச்சு ?

இரண்டு மாசமா வண்டி லைன்ல நல்லாத்தான் ஓடுச்சு டக்குனு கொலுசு தொலைஞ்சு போச்சு அம்மாவுக்கு தெரிஞ்சா திட்டுவாங்க உடனே வாங்கனும்னு மெஜேச்ல பிட்டைப் போட்டேன்.

சரி பார்ட்டி ட்ராப்ட் அனுப்புச்சா ?

அதையேன் கேட்கிறே கொலுசுதானே.. உன்னோட கம்மலை அடகு வச்சு வாங்கிக்க... இந்த மாசம் சம்பளம் வந்ததும் உனக்கு வெஸ்டர்ன் யூனியன்ல  20000 ரூபாய் அனுப்புறேன் மறுநொடியே வாங்கிகிறலாம் உடனே கம்மலை திருப்பிக்க அப்படினு சொல்லுச்சு.

அடகு வச்சியா ?

எனக்கு அடகு கடையெல்லாம் போயி பழக்கம் இல்லைனு சொன்னேன், அப்படினா... என்னோட ஆளு ஒருத்தனை அனுப்பி வைக்கிறேன் அவன் கிட்டே கொடு அவன் பணம் தருவான் இந்த மாசசம்பளத்தை வீட்டுக்கு அனுப்பிட்டேன் அதனால அடுத்த மாசம் சம்பளம் வாங்கவும் 31ம்தேதி 20000 ரூபாய் அனுப்பி வக்கிறேனு சொல்லுச்சு சரி பின் வாங்குனா.. பார்ட்டி தப்பா நினைச்சுடும் நமக்குத்தான் சொளையா 20000 ரூபாய் வருதே அப்படினு என்னோட செல் நம்பரையும் கொடுத்தேன்.

அப்புறம் என்னாச்சு ?

ஒருத்தான் கால் பண்ணுனான் இந்த மாதிரி ஃபேஸ்புக் நண்பர் மலைத்தமிழன் 4000 ரூபாயை கொடுத்துட்டு கம்மலை வாங்கிக்கிற சொன்னாருனு சொன்னான் சரி வா அப்படினு சொன்னேன் மாவுடியான் மாதிரி இருந்தான்.

கம்மல் எவ்வளவு கொடுத்தியா ?

ஆமா... ½ பவுனு மறுவாரமே ஃபேஸ்புக்ல பார்த்தால் அதே ஐ.டியிலே பெயர் மாறியிருக்கு..

எப்படி ?

மாலைத்தமிழன் அப்படினு... ப்ரொப்ஃபைல் போட்டோவும் அட்ரஸும் மாறி ஒரு புறா பறக்குது உடனே எனக்கு போண் செய்தவன் செல்லுக்கு அடிச்சா இந்த நம்பர் நிலுவையில் இல்லைனு சொல்லுது.

அப்புறம் என்னாச்சு ?

அவன் வெளிநாடே இல்லை பொய் சொன்னது போலவே உண்மையாகவே கம்மல் தொலைஞ்சு போச்சுனு அம்மாகிட்டே சொல்லி வாங்கி கட்டிக்கிட்டேன்.

இது எப்போ நடந்துச்சு ? எங்கிட்டே சொல்லவே இல்லை.

ஜனவரி மாசம், இப்பவும் நாலும் மாசம் ஆச்சு.

யேன்டி ஜனவரி மாசம் சொன்னவன் அடுத்த மாசம் 31ம் தேதி பணம் அனுப்புறேன்னு சொல்லியிருக்கான் பிப்ரவரியில ஏதுடி ? 31

? ? ?

சரி அவனோட பழைய ப்ரொப்ஃபைல் போட்டோ இருக்கா ?

ம் செல்லுல முன்னாடியே எடுத்து வச்சேன் இதோ பாரு...

ஹூம்... சரிதான் மொட்டையடிச்சது உனக்கும்தான்.