பாளையங்கோட்டை, பாட்டி பார்வதி

1986 என்று நினைவு அன்று ஒரு எவர்சில்வர் கம்பெனியில் வெல்டராக வேலை செய்து கொண்டு இருந்தேன் கம்பெனி ஓனரின் அம்மா வயது 90-க்கும் மேலிருக்கும் திடகாத்திரமானது கம்பெனியை ஒட்டிய சிறிய வீட்டில் கம்பெனியை பாதுகாத்துக் கொண்டு தாத்தாவும், பாட்டியும் இருந்தார்கள் மற்ற லேபர்கள் டிங்கர்கள் என்பதால் அடுத்த கூடாரத்தில் வேலை செய்து கொண்டு இருப்பார்கள் பத்து டிங்கர் லேபர்களை ஒரு வெல்டர் சமாளித்து விடலாம் நான் வெல்டிங் வைத்துக் கொண்டு உட்கார்ந்து இருக்கும் கூடத்தில் பக்கத்திலேயே உட்கார்ந்திருக்கும் இருவரும் பேசிக்கொண்டே இருப்போம் எனக்கும், பாட்டிக்கும் அடிக்கடி ஏதாவதொரு பிரச்சனையில் வாக்கு வாதமாகி விடும். 

இதில் அடிக்கடி உறவு முறைகளை கேட்டு என்னை திணறடித்து விடும் எப்படியோ சமாளித்து சொல்லிக் கொண்டே படித்தும் கொண்டேன் என்பதும் உண்மையே ஒருநாள் முழுவதும் யோசித்து பாட்டியை சுற்றி வளைத்து பாட்டிக்கு கணவராக வருவதுபோல் சுமார் ஆறு உறவுகளை வளர்த்து விட்டு உனக்கு முறை என்ன ? என்று கேட்டேன் பாட்டியும் ஒருநாள் முழுவதும் யோசித்தும் விடை சொல்ல முடியவில்லை பிறகு விளக்கம் சொல்லி உனக்கு கணவர் முறை என்று சொன்னேன் அதிர்ந்து விட்டது அதன் பிறகு பாட்டி என்னுடன் வார்த்தைகளை அளந்து பேசும். பாட்டி தற்போது இல்லை அந்த நினைவுகளை வைத்து எழுதிய பதிவு இதைப்படித்து விட்டு பாட்டியைப் போல் என்னிடம் அளந்து பேசாதீர்கள்.

ஏண்டா செல்லத்துரை கல்யாணம் செய்யப் போறீயே.... உனக்கு உறவு முறையெல்லாம் தெரியுமாடா ?

ஏய்... கிழவி எனக்கென்ன முறை தெரியாதுனு நினைச்சியா ?

சரி நான் ஏழு உறவுமுறை கேள்விகளை கேக்குறேன் சொல்லுடா பாப்போம் ?

சரி கேளு..

01. உன் பொண்டாட்டியோட நாத்துனா மக புருசன் உனக்கு என்ன முறை வேணும் ?

02. உன் கொழுந்தியாளோட, அக்கா புருசனோட சகலையோட மாமனாரோட தங்கச்சி புருசன் உனக்கு என்ன வேணும் ?

03. உன்னோட கொள்ளுப் பேரனோட தாத்தாவோட ஆத்தாவோட நாத்துனா புருசனோட கொழுந்தியா உனக்கென்ன வேணும் ?

04. உன் மகளோட மாமனாரோட ரெண்டாம் தாரத்து மகனோட பொண்டாட்டி உனக்கு என்ன வேணும் ?

05. உன் மச்சினனோட பொண்டாட்டியோட கொழுந்தன் மாமனாரோட மூத்த தாரத்து மகன் உனக்கு என்ன வேணும் ?

06. உன் மகன் பொண்டாட்டியோட ஆத்தாளோட மருமகனோட மகனோட அப்பத்தா உனக்கு என்ன வேணும் ?

07. உன் மாமனாரோட தங்கச்சி புருசனோட கொழுந்தியா புருசனோட மகளோட புருசன் உனக்கு என்ன வேணும் ?

? ? ?

என்னடா... பேயறைஞ்சது மாதிரி முழிக்கிறே... பதிலைச் சொல்லு ?

நட்பூக்களே.. செல்லத்துரை உறவு முறைகளை சரியாக சொன்னானா ? அவன் சொல்வதற்கு முன் நீங்களும் வரிசைப்படி சொல்லுங்களேன் இந்திய நேரப்படி நாளை (04.10.2017) மாலை 05.00 மணிக்கு செல்லத்துரையின் பதில்களையும், தங்களது விடைகளையும் ஒரே நேரத்தில் திறந்து விடுவேன் மீண்டும் வந்து தெரிந்து கொள்ளுங்கள் நன்றி – அன்புடன் கில்லர்ஜி

அண்டாக்கா கஸம் அபு காக்கா கஸம் திறந்திடு தீஸே...

இதோ விடைகள்

01. மகன் முறை

02. பெரியப்பா அல்லது சித்தப்பா

03. அக்காள் அல்லது தங்கை

04. மகள் முறை

05. அண்ணன் அல்லது தம்பி

06. மனைவி

07. மச்சான்

சரியாக ஏழு விடைகளையும் சொன்ன திருமிகு. அதிராவுக்கு பூங்கொத்து.

நேற்று நள்ளிரவு கடைசியாக கிடைத்த தகவல்படி செல்லத்துரை தற்போது பாளையங்கோட்டையிலிருந்து வேலூருக்கு மாற்றப்பட்டானாம், காரணம் கிழவி தற்பொழுது சொர்க்கபுரியில்

மேலும் கூடுதல் தகவல். அறிய மண் டிவியில் இன்று இரவு 08:30-க்கு

எங்கள் ப்ளாக்கில் தற்பொழுது எனது கைவண்ணத்தில் உருவான சீராமவி