சாத்தான்குளம், சாமியார் சாரங்கபாணி

இப்பதிவின் முந்தைய தொடர்ச்சிகளை படிக்க கீழே சொடுக்குக...

பதினெட்டாம்படி கருப்பர் துணை

ச்சீ இந்த ஜூஸ் புளிக்கும்

நீயும், நானும் பொணம்டா...

உலகம் தோன்றியதிலிருந்து...

அந்த் தருணங்கள்

எமராத் லைசென்ஸ் இண்டர்நேஷனல் லைசென்ஸுக்கு இணையானது இதை வைத்து நான் ஜெர்மனி, ஒமான் நாடுகளில் விசிட்டிங்கில் ஓட்டியிருக்கிறேன். அதன் பிறகு கார் வாங்குவதற்காக ஆறு மாதம் காத்திருந்தேன் காரணம் லைசென்ஸ் எடுத்து ஆறு மாதங்களுக்குள் ஏதாவது சிறிய விபத்து நடந்தாலும் லைசென்ஸ் மீண்டும் பறிக்கப்பட்டு ஸ்கூலில் போய் படித்து வா என்று அனுப்பி விடுவார்கள் பிறகு கார் வாங்கி ஓட்டிய பிறகுதான் நம்மிடமும் இவ்வளவு திறமை இருக்கின்றதே... என்ற நம்பிக்கை வந்தது காரணம் நான் சிறிய வயதில் நாற்பது K.M வேகத்தில் நடைவண்டி ஓட்டியவன்.

சமீப காலமாக ஒரு புது வியாதி மலையாளிகளால் இந்த நாட்டில் பரவி வருகிறது இதை ஆழ்ந்து சிந்தித்துப் பார்த்தால் ? அறிவாற்றல்தான் நான் எப்பொழுதுமே சொல்வதுபோல மலையாளிகள் அறிவாளிகளே ஆனால் அதை நன்மைகளுக்கு பயன் படுத்த மாட்டார்கள் என்பது எனது ஆணித்தரமான கருத்து அதை பதிவு செய்யவே இந்த விழிப்புணர்வு பதிவு மற்றபடி எனக்கு யாரிடமும் காழ்ப்புணச்சி அல்ல !

இங்கு டிரைவிங் பழகி சரியானபடி ஓட்டிக் காண்பித்தாலே லைசென்ஸ் பெறமுடியும் இதில் மாற்றமில்லை இங்கு போலீசாரிடம் லஞ்சம் செல்லுபடியாகாது இந்நாட்டு மக்களுக்கு சில சலுகைகள் கிடைக்கும் அதனுள் பேசுவதற்கு இடமில்லை (கப்சிப்) டிரைவிங் பழகிக்கொண்டு இருப்பவர்களை சிலர் கணக்கெடுத்து அவர்களிடம் பணம் கொடு நம்மகிட்டே ஆள் இருக்கு ஒரே தடவையில் பாஸாகி விடலாம் என்று ஆசை வார்த்தை காட்டுவார்கள் இதில் மயங்காதவர் யார் ? காரணம் லைசென்ஸ் பெறுவது என்பது இங்கு சிங்கக்கொம்புதானே இவர்களும் பேச்சில் மயங்கி இரண்டாயிரம் திர்ஹாம்ஸ் தொடங்கி முடிந்த அளவு அவர்களிடம் கறந்து விடுவார்கள் சரி உனக்கு என்றைக்கு டெஸ்ட் வர்ற ஆவணி பதினான்கு சரி அன்னைக்கு நம்ம ஆளு டெஸ்டுக்கு வருவாரு நான் உன்னுடைய தகவல் அனைத்தும் சொல்லி விட்டேன் ஆனால் இதை நீ மற்றவர்களிடம் சொல்லக்கூடாது வரும் போலீஸாரிடம் நீ இதைப்பற்றி பேசக்கூடாது மேலதிகாரிக்கு விசயம் தெரிந்தால்.... அவருக்கும் பிரச்சனை, எனக்கும் பிரச்சனை, நீயும் வாழ்நாள் முழுவதும் லைசென்ஸ் எடுக்கவே முடியாது என்று சாத்தான்குளம் சாமியார் சாரங்கபாணி பாணியில் சொல்லி மிரட்டி வைத்து விடுவார்கள்.

அன்று காலை இவனும் போன் செய்வான் அவனும் நீ உன்னுடைய குலதெய்வம் குத்துக்கல் குலோத்துங்கனை வேண்டிக்கிட்டுப்போ எல்லாம் நல்லபடியாக நடக்கும் என்று வாழ்த்தி அனுப்பி விடுவான் இவனும் உலக நாயகன் அப்படினு ஏதோ சொல்றாங்களே அதே மாதிரி உலக கடவுள்கள் அனைவருக்கும் அன்றைக்கு கால்ஷீட் கொடுத்து அபுதாபிக்கு அழைப்பான் போய் நல்லபடியாகவோ...  எப்படியோ.. யாருக்குத் தெரியும் அந்த இரண்டு போலீஸுக்கு மட்டும்தானே தெரியும் இல்லை கடவுளுக்கு தெரியும்னு சொல்றீஙகளா ? தெரிந்தாலும் அவரிடம் நாம் கேட்க முடியாதே.. ஓட்டிக் காண்பித்து வருகிறான் பெயில் என்று வைத்துக் கொள்வோம். (பெரும்பாலும் இதுதானே) உடன் இவன் அவனை போனில் அழைப்பான் அவன் என்ன சொல்வான் தெரியுமா ?

அடச்சே போப்பா உனக்கு இன்றைக்கு நேரம் சரியில்லை நம்மஆளு இன்றைக்கு லீவு போட்டுட்டாரு சரி விடு சாயங்காலம் ரூமுக்கு வந்து பணத்தை தந்துடுறேன்.

சொன்னபடியே வந்து பணத்தைக் கொடுப்பான் இவன் சொல்வான் நீ வச்சுக்க...

அடுத்த தேதி வரும்ல அப்பச் சொல்லு அப்போதைக்கு வாங்கிக்கிறேன் நீயே வச்சுக்க இது தப்பு.

என்று நம்பிக்கைத்தீயை மூட்டி விட்டுப் போய் விடுவான் இத்தீ காட்டுத்தீயாய் பரவும் ஆனால்  ரகசியமாய் பரவும் நகரின் நம்பிக்கையான ஸ்தாபனம் என்று ஊரில் கேள்விப்பட்டு இருப்பீங்களே அதேபோல...

அடுத்த தேதியில் க்ளிக் ஆகிவிட்டது என்று வைத்துக் கொள்வோமா ? காரணம் இவனது முயற்சி என்றாவது திருவினை ஆக்குமல்லவா ?

பார்த்தாயா... தாடி ட்ரிம் பண்ணி இருந்தாரே.. அவர்தான் நம்மஆளு... இதையெல்லாம் வெளியிலே சொல்லக்கூடாது.

(மூதேவி 90 % போலீஸும் அப்படித்தானடா இருப்பாங்க)

இவன் என்ன செய்வான் ? மாமன், மச்சான், சகலை, ரகளை எல்லோருக்கும் சொல்லி அவங்களையும் மொய் வைக்க வைத்து விடுவான். இதெல்லாம் பிழைக்கத் தெரிந்த வழிகள்.

ஏமாறுபவன் அப்பாவி ஏமாற்றியவன் அயோக்கியன், இது அந்தக்காலம் ஏமாற்றுபவன் அறிவாளி ஏமாறுபவன் முட்டாள், இது இந்தக்காலம்.

இறைவன் இருவருக்கும் என்னைப் போலத்தானே இரண்டு கிலோ மூளையைக் கொடுத்தான் உன்மீது நம்பிக்கை வை நண்பா வெற்றி உமதே.

முற்றும்

Chivas Regal சிவசம்போ-

பதிவு பதினெட்டாம்படி கருப்பரிடம் தொடங்கி சாத்தான்குளம் சாமியாரிடம் வந்து முடிந்து இருக்கிறதே...