ஓடவும் முடியாது, ஒளியவும் முடியாது

இன்றைய இளைய தலைமுறையினருக்கு புரிதல் என்பது துளியளவும் இல்லை எல்லோருமே பட்டதாரிகள் ஆனால் படிப்பிற்கும், அறிவிற்கும் பந்தமில்லாத வர்க்கமாக வாழ்கின்றனர். இது அதிக சதவீதமாகவே இருப்பது வேதனையான விடயமே...

செய்யும் தவறுகளை ஏற்றுக்கொள்ளும் பண்பு இல்லை ஒரு மனிதன் தவறுகளை ஏற்றுக்கொள்ளும்போது எதிர்காலத்தில் தனது செயல்பாட்டில் தவறுகள் இருக்கின்றதா ? என்பதை ஆலோசித்து வாழும் பழக்கம் கிடைக்கிறது. அந்த பண்பு இல்லாதவர்கள் தனது வாழ்நாள் முழுவதுமே தவறுகளை மறைக்க எதிர்வாதம் செய்தால் ? தனது தவறுகளை அடையாளம் காணஇயலாமல் போய்விடும். நமது காலத்தில் நாம் வீட்டிலுள்ள ஏதாவதொரு சாதாரண பொருளைக்கூட தவறுதலாக கீழே போட்டு உடைத்து விட்டோம் என்றால் உடன் பயந்து அழுது விடுவோம். காரணம் அப்பா வந்தால் அடிப்பார், அதற்கு முன் வீட்டிலிருந்த அம்மா இரண்டு அடி கொடுத்து விடுவார் பிறகு தாத்தா, பாட்டி இதர மூத்த உறவுகள் இருந்தாலும் அவர்களிடமும் அடியோ, அல்லது பேச்சோ பெற்றாக வேண்டும். இதன் காரணமாக நமக்கு முன்னெச்சரிக்கையோடு வாழும் பண்பும், கவனமும் வளர்கிறது. இன்று வீட்டிலுள்ள பொருளை அது விலை உயர்ந்த அலைபேசியாக இருந்தாலும் கீழே விழுந்தவுடன் சற்றும் பதட்டமில்லாமல் உடைந்த அலைபேசியை கையில் எடுத்துக்கொண்டு முதலில் சிரிக்கின்றனர். இதற்கு அடிப்படை காரணமென்ன ? நமது தாத்தா பாட்டி முதியோர் இல்லத்தில் ஆகவே ஆலோசனை சொல்ல ஆளில்லை நாம் பிள்ளைகளை அடித்தோ, பயமுறுத்தியோ வளர்ப்பதில்லை ஏன் ? நமக்கு இருப்பதோ ஒரே பிள்ளை சத்தமிட்டால் ஏதாவது ஏடாகூடமாக செய்து விட்டாலோ... அல்லது தற்கொலைக்கு முயன்றால் என்ன செய்வது ? என்ற பயம்.

ஆசிரியரிடமிருந்தும் நல்ல பண்புகள் வளர்வதில்லை காரணம் நாம் ஆசிரியரிடம் பிள்ளைகள் முன்பே சொல்லி வைக்கிறோம். ///புள்ளையை அடிச்சே... கையை ஒடிச்சுருவேன்/// என்று பிறகு என்னாகும் இப்படித்தான் இந்த மனப்போக்கோடு வாழும் பிள்ளைகள் பருவ வயதை தொட்டதும் காதல் என்ற மாயவலைக்குள் சிக்கி வெளியே வரத்தெரியாத சூழலில் சிக்கி விடுகின்றனர். பெற்றோர்களிடமும் சொல்ல முடியாது காரணம் உறவுகளின் நிலைப்பாடு அப்படி... அதுவும் ஏதாவது ஜாதிப்பிரச்சனை என்றால் எல்லாம் இழந்த பிறகே பெற்றோர்களுக்கு தெரிய வருகிறது.

இதோ கள்ள உறவு தவறில்லையாம் நமது நீதியரசர்கள் நமக்கு கொடுத்திருக்கும் அற்புத பரிசு இந்திய கலாச்சாரத்துக்கு உலக அளவில் பெரும் மதிப்பு உண்டு என்பது உலக மக்கள் அனைவரும் அறிவர் அதாவது இந்தியர்களைத் தவிர இதை சீர்குழைக்க சதி நடக்கிறது இது தொடங்கியது இன்று நேற்றல்ல, இந்தியா சுதந்திரம் பெற்ற காலத்திலேயே இதன் வேலைகள் முடுக்கி விடப்பட்டன... அதன் தொடக்கமாக கூட்டுக்குடும்பங்கள் உடைத்தெறியப்பட்டன... ஆம் ஒரே வீட்டுக்குள் இருபது நபர்கள் வாழ்ந்தால் வியாபாரங்களை பெறுக்குவது எப்படி ? இரண்டு, இரண்டாக உடைத்தால் பத்து குடும்பங்களாகும் பத்து தொலைக்காட்சி பெட்டிகள், பத்து துணி உலர்த்தும் இயந்திரங்கள், பத்து கணினிகள், பத்து மின் சலவைப்பெட்டிகள், பத்து மின் அடுப்புகள், பத்து மாவரைக்கும் இயந்திரங்கள் இப்படி இத்யாதி, இத்யாதிகள். திரைப்படத்துறைக்கு தணிக்கைகுழு என்ற அமைப்பு இருக்கிறது அனைவரும் அறிந்ததே... அவைகளில் நுழைந்து நமது பண்பாட்டை நசுக்கினார்கள். அதை நாம் அனைவரும் உணராமலேயே மூழ்கி கிடந்தோம், கிடக்கின்றோம் இவையெல்லாம். உலகையே இயக்கி ஆளும் இலுமினாட்டிகளின் வேலை அந்த கம்முனாட்டிகளை அடையாளம் காண்பது அத்தனை சிறிய விடயம் அல்ல நாம் மதி மயக்கத்தில் இருக்கின்றோம். ஆகவே நல்லது, கெட்டதை பகுந்து அறியும் விழிப்புணர்வு இல்லை.

இதோ தொலைக்காட்சிகளில் ஸ்மால்பீஸ் என்ற நிகழ்ச்சியில் மூழ்கி அடுத்த வீட்டு நிகழ்வுகளை காண்பதில் சுகம் கண்டு, மூன்று மாதங்கள் வீட்டில் அடைந்து கிடக்கிறோம், அது முடிந்ததும் அடுத்த மூன்று மாதம் ஆம் இனி ஓடவும் முடியாது, ஒளியவும் முடியாது இவைகளின் பின்னணி என்ன ? என்றாவது நாம் ஆராய்ந்து பார்க்க வேண்டாம் ஆராய்வோம் என்றாவது நினைத்துப் பார்க்கின்றோமா ? இல்லை காரணம் நாம் இன்னும் கூடுதலாக இதிலிருந்து எதிர் பார்க்கிறோம் எப்படி ? பிரேசிலில் நடத்துகின்றார்கள் பிக் பிரதர் என்ற தொலைக்காட்சி நிகழ்ச்சிகள் அதனைப் போலவே அதில் காண்பிப்பது என்ன ? முக்கால் நிர்வாணக் காட்சிகள் நாமும் அவர்களைப் போல பார்த்தாலென்ன ? என்ற வன்மபுத்தி பக்கத்தில் அம்மா இருக்கின்றாரே... கவலையில்லை, மகள் இருக்கின்றாளே... கவலையில்லை, மாமியார் இருக்கின்றாரே... கவலையில்லை, மனைவி இருக்கின்றாளே... கவலையில்லை, கொழுந்தியாள் இருக்கின்றாளே... சேர்ந்தே பார்ப்போமே... என்ற வக்கிரபுத்தி. மனிதனுக்கு இறைபயம் இல்லாது போனதே இதற்கு அடிப்படை காரணம்.

இதோ ஐயப்பன் கோவிலுக்குள் பெண்களும் வரலாம் என்று நமது நீதியரசர்கள் தீர்ப்பு ஆண்டாண்டு காலமாய் பாதுகாத்து வந்த ஐதீகங்கள் தளர்த்தப்படுகின்றன.. இறைவனின் ஆகம செயல்பாட்டுக்குள் நீதிக்கு வேலையென்ன ? இவைகள் எல்லாமே நமது கலாச்சாரத்தை சீரழிப்பதே உள்நோக்கம் இதற்கு நமது ஆட்சியாளர்களும் உடந்தையே.... கட்டப்பொம்மன் காலத்திலிருந்தே காட்டிக்கொடுக்கும் எட்டப்பன்கள் உண்டு அவர்களின் வாரிசுகளும் தொடர்ந்து வருகின்றார்கள் என்பதை நாம் நினைவில் கொள்ளவேண்டும். இந்திய கலாச்சாரம், பண்பாடு சந்தி சிரிக்கும் நிலைக்கு வரப்போவது உறுதி. அந்நிலையை தொட்டால் நான் சிலரைப்போல நாடு விட்டு போவேன் என்று சொல்ல விரும்பவில்லை இவ்வுலகை விட்டே போய் விடுவதே கௌரவம் என்று உணர்கிறேன்.

வாழ்க எம் பாரதம்.

சிவாதாமஸ்அலி-

கள்ள உறவு தப்பில்லைனு காலம் போன காலத்துலயா சொல்றது ? இருபது வருசத்துக்கு முன்னாலயே சொல்லி இருக்கலாம். ஹூம் நமக்கு கிடைச்சுது இவ்வளவுதான்.