நஞ்சில் ஓர் பாளையம்

 

வணக்கம் நண்பர்களே... நினைப்பதெல்லாம் நடந்து விட்டால் தெய்வம் ஏதுமில்லை என்ற கவியரசர் கண்ணதாசனின் அற்புதமான பாடலை எமது பாணியில் மாற்றி எழுதி இருக்கிறேன் கீழே யூட்டியூப்பின் இணைப்பும் கொடுத்துள்ளேன்.

 
இதோ எனது பாடல்...
 
நடப்பதெல்லாம் கடந்து விட்டால்
கவலை ஏதுமில்லை
நடப்பதையே நினைத்து விட்டால்
குழப்பம் வருவதில்லை

தொடர்ந்த வழக்கு முடிப்பதில்லை
அரசு வழக்கத்திலே
குழப்பதிலே வைப்பதுதான்
நமது பழக்கத்திலே

நடப்பதெல்லாம் கடந்து விட்டால்
கவலை ஏதுமில்லை
நடப்பதையே நினைத்து விட்டால்
குழப்பம் வருவதில்லை

ஆயிரம் வழக்குகள் இருக்கும் இதில்
அரசியல் உள்நோக்கம் இழுக்கும்
யாரோ தொடர்வார் யாரோ முடிப்பார்
இருப்பதும், இழுப்பதும் புரியாது

தொடர்ந்தவர் இறப்பர் இருப்பவர் மறப்பர்
கணக்கு வழக்கு தெளிவுகள் தெளிவேது
நடப்பதெல்லாம் கடந்து விட்டால்
கவலை ஏதுமில்லை

இங்கே சிறைச்சாலை தொடங்கும்
அங்கே சிறை வாழ்க்கை முடியும்
எதுதான் தண்டனை எதுதான் அபராதம்
என்பது யாருக்கும் புரியாது

வெளியில் போனால் வழியில்
கண்ட புகைப்படம் வந்து விடும்
சிறை வாழ்வின் சூட்சுமம்
கண்டால் சுகங்கள் தெரிந்து விடும்

நடப்பதெல்லாம் கடந்து விட்டால்
கவலை ஏதுமில்லை
நடப்பதையே நினைத்து விட்டால்
குழப்பம் வருவதில்லை
 
பாடல்-ஆச்சி-ரியர்-கில்லர்ஜி
 
வருடம் - 1962
படம்: நெஞ்சில் ஓர் ஆலயம்
பாடல்: கண்ணதாசன்
இசை: விஸ்வநாதன் - ராமமூர்த்தி
பாடியவர்: P.B. ஸ்ரீனிவாஸ்

இதோ கவியரசர் கண்ணதாசனின் பாடல் வரிகள்

நினைப்பதெல்லாம் நடந்து விட்டால்
தெய்வம் ஏதுமில்லை
நடந்ததையே நினைத்திருந்தால்
அமைதி என்றுமில்லை

முடிந்த கதை தொடர்வதில்லை
இறைவன் ஏட்டினிலே
தொடர்ந்த கதை முடிவதில்லை
மனிதன் வீட்டினிலே

நினைப்பதெல்லாம் நடந்து விட்டால்
தெய்வம் ஏதுமில்லை
நடந்ததையே நினைத்திருந்தால்
அமைதி என்றுமில்லை

ஆயிரம் வாசல் இதயம்
அதில் ஆயிரம் எண்ணங்கள் உதயம்
யாரோ வருவார் யாரோ இருப்பார்
வருவதும் போவதும் தெரியாது

ஆயிரம் வாசல் இதயம்
அதில் ஆயிரம் எண்ணங்கள் உதயம்
யாரோ வருவார் யாரோ இருப்பார்
வருவதும் போவதும் தெரியாது

ஒருவர் மட்டும் குடியிருந்தால்
துன்பம் ஏதுமில்லை
ஒன்றிருக்க ஒன்று வந்தால்
என்றும் அமைதியில்லை

நினைப்பதெல்லாம் நடந்து விட்டால்
தெய்வம் ஏதுமில்லை
நடந்ததையே நினைத்திருந்தால்
அமைதி என்றுமில்லை

எங்கே வாழ்க்கை தொடங்கும் அது
எங்கே எவ்விதம் முடியும்
இதுதான் பாதை இதுதான் பயணம்
என்பது யாருக்கும் தெரியாது

பாதையெல்லாம் மாறி வரும்
பயணம் முடிந்துவிடும்
மாறுவதை புரிந்து கொண்டால்
மயக்கம் தெளிந்துவிடும்

நினைப்பதெல்லாம் நடந்து விட்டால்
தெய்வம் ஏதுமில்லை
நடந்ததையே நினைத்திருந்தால்
அமைதி என்றுமில்லை
 
இதோ யூட்டியூப் இணைப்பு
https://www.youtube.com/watch?v=S43iTnij-I0
நன்றி – கில்லர்ஜி தேவகோட்டை