அவளும், நானும்

விபச்சாரியும், பட்டதாரியும்.

வேலையில், விடியலைத் தேடினாள் விலைமாது,

வேலையை, விடிந்ததும் தேடினான் பட்டதாரி.

காலையில், குளியலை நாடினாள் குடும்ப ஸ்திரீ,

காலையிலும், குடிக்கத் தொடங்கினான் குடிகாரன்.

மாலையில், மதில்களில் மயில்களின் கூட்டம்,

லீலையில், தொடர்ந்தன மதுசூதனர்களின் சூதாட்டம்.

ஆலையில், வேலை முடிந்ததும் சங்குகளின் ஓசை,

ஆரவாரமாய் புறப்பட்டான் புதுமாப்பிள்ளை சூசை.

ஓடையில் நீந்திய நீலகண்டன் நீச்சல் அறியாததால்,

பாடையில் ஏந்தினார்கள் கூச்சலுடன் குடும்பத்தினர்.

ஸ்டார் ஹோட்டல்களில் பணத்திற்காக அழகிகளின் ஆட்டம்,

ஸ்ட்ராப்போட்டு ஜூஸ் குடித்தனர் பணமுதலைகள் கூட்டம்.

உயிருள்ள உடலுக்கு ஒருதுளி தண்ணீர் கொடுக்காதவன்,

உயிரற்ற ஜடத்துக்கு ஒருவாளி கண்ணீர் தொடுத்தான்.

கட்அவுட் டுடன் நடிகை வீட்டுவாசலில் ரசிகன்,

கெட்அவுட் என்றாள் ரசிகனை நடிகை ரஸிகா.

திருட்டு இன்பத்தை நாடிய இருளப்பன்,

இருட்டு அறையில் துன்பத்தில் வாடினான்.

என்கண்ணே, காஞ்சனா உன் புருஷன் நோஞ்சானா,

அஞ்சலில் வாஞ்சையுடன் கொஞ்சினான் Ex பஞ்சாட்சரம்.

கோயில் பூட்டை உடைத்த பூஞ்சோலை பூபதிக்கு,

கையில் விலங்கை பூட்டினார் ஏட்டு ஏகாம்பரம்.

அரசியல்வாதி மேடையில் வீசினார் சொல்வீச்சு,

கேட்ட  தொண்டன் மேடைக்கு வீசினான் கல்வீச்சு.

முகிலாவுக்கு மாமியாரின் வார்த்தை வேதனைகள்,

ஷகிலாவுக்கு சாமியாரின் வார்த்தை போதனைகள்.

கூடுவாஞ்சேரியில், சேரிவாசிகள் நடத்தினர் சந்தனக்கூடு,

கூடுமானவரை கடல் பாசியை கடத்தினர் சந்தானத்தோடு.

தண்ணீருக்காகக் கண்ணீர் வடித்தாள் குடிசைவாசி,

தண்ணீருக்காகப் பன்னீர் குடித்தாள் குதூகுலதாசி.

வாடையில் கஷ்டப்படும்போது ஆடை கொடுக்காதவன்,

பாடையில் ஏற்றும்போது பட்டுஆடை போர்த்தினான்.

பலாத்காரமாய் சூறையாடினான் நாயகியை வில்லன்,

பவ்யமாய் சூறையாடினான் நாயகியை நாயகன்.

சூறையாடலுக்கு சூறையாடினாள் நாயகி,

தயாரிப்பாளர், தயாளனின் செக் புக்கை.

(With, Sign)

சாம்பசிவம்-

இதைத்தான், திங்கிறவன் திங்க திருப்பாலைக்குடியான் தெண்டங் கொடுத்தான்னு சொல்றாங்களோ ?