Sir Post

Dear பாரதி & செல்லம்மா...

கேட்டீரே மாற்றத்தை கண்டீரா நாற்றத்தை ?

புதுமைப் பெண்களடி பூமிக்கு கண்களடி என்றீரே

கண்கள் கலங்குதடி.. ஞாபகம் உண்டோ ?

இந்த வரிகள்கூட மற்றொரு பாடலில் நீர் எழுதியதே !

நாங்கள் கலங்க போவது தெரிந்து எழுதி வைத்த தீர்க்கதரிசியே...

நல்லவேளை இவைகளை எல்லாம் காணாது போய் விட்டீர் இல்லை எனில் தற்கொலையாளர்களின் பெயர்ப் பட்டியலில் உமது பெயரும் இடம் பெற்றிருக்கும். பெண்களுக்கு சுதந்திரம் வேண்டுமென்பதில், உம்மைக் காட்டிலும் ஒண்ணேமுக்கால் காணி தாராளமானவன் நான். அடுப்பூதும் பெண்களுக்கு படிப்பு எதற்கு ? என்று முன்னோர்கள் கேட்டு வைத்தது இப்படியாகும் என்று கணித்திருந்ததனால்தானோ ? அழகியின் அழகை ஆராதிப்பவன் கவிஞன் அந்த ஆராட்டை மனதினுள் மட்டும் ஏற்பவள் வளர்பிறையாவாள் தலையினுள் எட்டும்வரை ஏற்பவள் தேய்பிறையாவாள்.

பெண்கள் தங்களின் மதிப்பை அறியாதவர்களாக போய்க் கொண்டு இருக்கிறார்கள். பெண்களுக்கும், குதிரைக்கும் மதிப்பு போய் விட்டால் இந்த உலகம் அழியும்வரை அது திரும்பக் கிடைக்காது என ஒரு வேதத்தில் சொல்லப்பட்டு இருக்கிறது. அது உண்மைதான் என நடைமுறையில், தெரிகிறது புதுமை விரும்பியில் முதலாமாவன் நான் அதற்காக பழமையை குழிதோண்டி புதைப்பதில் உடன்பாடு இல்லாதவன். ஒரு ஆணால் சாதிக்க முடியாத சில விசயங்கள் பெண்ணால் சாதிக்க முடியும் என்று சொல்வதை மறுக்கத் திராணியில்லாத ஆண்வர்க்கத்தை சேர்ந்தவன் நான். திராணியில்லாதவன் என குறிப்பிட்டதின் காரணம், அவர்கள் சாதிப்பதே ஆண்களிடம்தானே நமக்கு ‘’அதை’’ மறுக்கத் திராணியிருந்தால் அவர்கள் சாதிக்க முடியாது பெண்களை மதிக்கத் தெரியாதவன் மனிதனாகவே வாழத் தகுதியில்லாதவன்,

நான் பெண்களை மதிப்பவன் ஏனெனில் எனக்கு...

அப்பத்தா என்றொரு பெண் இருந்தாள் (1983)

அம்மாயி என்றொரு பெண் இருந்தாள் (1998)

மனைவி என்றொரு பெண் இருந்தாள் (2001)

மாமியார் என்றொரு பெண் இருந்தாள் (2012)

அம்மா என்றொரு பெண் இருக்கிறாள்

சகோதரி என்றொரு பெண் இருக்கிறாள்

மகள், என்றொரு பெண் இருக்கிறாள்

நாளை, மருமகள் என்றொரு பெண்ணும்,

பேத்தி என்றொரு பெண்ணும் வரவிருக்கிறார்கள்.

எனது மரணகாலம் வரை இந்த பெண்களின் உறவுமுறை தொடரும்.

சாம்பசிவம் - எல்லாம் சரி இந்தக் கடுதாசி மேலே எப்படி போகும் ?