அரக்கோணம், அரைக்கேனம் மரைகானம்

குட்ஈவ்னிங் ஸார், மரைக்கானம்..... வேலையை தூக்கிட்டியலாம் ?

வாய்யா, வண்ணமயில் வாகனா, நீ கொண்டு வந்த ஆள் என்ன ? செஞ்சான் தெரியுமா ? வந்த, அன்னைக்கு ஆபீஸ் பணத்தை பேங்க்ல கரண்ட் அக்கவுண்ட்ல கட்டச் சொன்னதுக்கு E.B லபோய், கரண்ட் பில்லை கட்டிட்டு வந்துட்டான், மறுநாள் ஆண்டுச் சந்தாவை கட்டிட்டு வரச்சொன்னா, ஆண்டாள் மகள் டைப்பிஸ்டு சாந்தாவை கட்டிட்டு வந்து நிக்கிறான், சரி போகட்டும் அவன் வாழ்க்கை பிரட்சினைனு விட்டுட்டேன், போன வாரம் ஆபீஸ் பண்டு பணத்தை கொடுத்துட்டு வரச்சொன்னா, கிளர்க் பாண்டுரங்கன்ட்ட பணத்தை கொடுத்துட்டு வந்து நிக்கிறான், அவனே மலை முழுங்கி மலைச்சாமி அவன் ஆபீஸ் லோனே, இன்னும் முடியலே அவன் கிட்டருந்து நாங்க எப்ப, பணம் வசூல் செய்ய ? நேற்று லட்டர்களை எல்லாம் போஸ்ட் பண்ணிட்டு வரச் சொன்னதுக்கு, எல்லா லட்டர்களையும், ஆபீஸ் போர்ட்ல வால்போஸ்டர் மாதிரி ஒட்டி வச்சுட்டான், சரஸ்வதி தியேட்டரில வேலை பார்த்தவன்னு சொன்னீயே அப்பவே தெரியும், இப்படி செய்வான்னு, காலைலே என்ன செஞ்சான் தெரியுமா ? அவசரத்துக்கு, பணத்தை கொடுத்து, மல்லி பொடி வாங்கி என் மனைவி மல்லிகா கிட்ட கொடுத்துட்டுவான்னு சொன்னதுக்கு, மல்லிகைப்பூ வாங்கி கொடுத்துட்டு வந்துருக்கான் ! மதியம் சாப்பிட வீட்டுக்கு போனா எம்பொண்டாட்டி மல்லிகா, கொள்ளிக் கட்டையை வச்சுக்கிட்டு பத்ரகாளியாட்டம் நிக்கிறா, இந்தக் கேணப்பயலாலே, தெருநாறி மானங்கெட்டதனமா போச்சு, இனிமே இவணுக்கு சிபாரிசு செஞ்சு வராதே, ப்ளீஸ்.

…. ? ? ?

CHIVAS REGAL சிவசம்போ- (தனக்குள்)

சின்ன கேள்விதானே கேட்டான் ? நமக்கே அடிச்சது, இறங்கிடுச்சே....

Video