Sweet Day in SWITZERLAND

You Want See Big size ? Just Click One Time Photo Inside.

SWITZERLAND நாட்டில், விசா முடியும் காலம் நெருங்கி விட்டதால் கூடுதலான இடங்களுக்கு செல்ல முடியவில்லை, SCHAFFHAUSEN என்ற ஊரில் RHEIN FALL இருக்கிறது புகைவண்டி நிலையத்திலிருந்து நடந்தே போய் விடலாம், நம்மூர் திருமூர்த்தி அருவி போலவே சிறிதான உயரத்திலிருந்து அருவி கொட்டுகிறது ஆனால் வேகம் கூடுதலானது, அதன் நடுவில் சிறியமலை படகில் போய் அதன் மேலே ஏறிச்சென்று சுற்றுப்புறத்தை காணமுடிகிறது, படகு தத்தளிக்கும்போது என்னைப் போன்ற பயந்த சுபாவம் உள்ளவர்களுக்கு அச்சமாகத்தான் இருக்கிறது, இரண்டு திசைகளிலும் பாலங்களில் புகைவண்டி செல்வது கண் கொள்ளாக்காட்சி, கண்ணாடி போன்ற தண்ணீரில் அறியவகை மீன்கள் நீந்திச் செல்வது அழகான காட்சி, மீன் பிடிப்பதற்கு SCHAFFHAUSEN நகராட்சி தடை செய்திருக்கிறது, 

அருவியில் விழப்போன ஒரு அமெரிக்கனின் புகைப்படக் கருவியை (CAMARA) எதிர்பாராத விதமாய் நான் சட்டென பிடித்து விட்டேன், அதற்கு நன்றி சொல்லாத அவன், 50 Dollar($) எடுத்து நீட்டினான் நான் அவனை முறைத்துப் பார்த்து விட்டு Throw Here என்று தண்ணீரைக் காட்டினேன், அவன் என்னை ஆச்சர்யமாய் பார்த்து மன்னிப்பு கேட்டு விட்டு, என்னை எந்த நாடென்று கேட்டான், நான் சொன்ன பிறகு சொன்னான், You or Great Indian என்று, அவன் வாயால் இந்தியனை GREAT என்று சொல்ல வாய்பளித்த இறைவனுக்கு, ஒட்டு மொத்த இந்தியனின் சார்பாக மனதிற்குள் நன்றி சொல்லிக் கொண்டேன்.

தெருக்களை ஒழுக்கமான முறையில் எப்பொழுதும் சுத்தமாக வைத்திருக்கிறார்கள், சாலைகளில் பெரும்பாலும் மின்சார பேருந்துகளே அதிகம் செல்கிறது, இதற்கென தனியாக மின்கம்பங்கள் கிடையாது அதன் மின்சாரக் கம்பிகளை வீடுகளில்தான் இணைத்து இருக்கிறார்கள், ஏனெனில் பெரும்பாலும் பழமை வாய்ந்த வீடுகள், இடிப்பதற்கு வாய்ப்புகள் குறைவு, வட்டவடிவ சாலைகளில்கூட மின்சார இணைப்புகளோடு பேருந்து அழகாக செல்கிறது, பேருந்தில் ஓட்டுனர் மட்டுமே இருக்கிறார், பிரயாணச் சீட்டை நாமே பேருத்துக்குள் இருக்கும் தாணியங்கி இயந்திரத்தில், (SWISS FRANCS) நாணயத்தைப் போட்டால் பயணச்சீட்டும், பாக்கியும் வெளியே வரும் பெரும்பாலான இடங்களில் EURO (€) வைப்பெற மறுக்கிறார்கள், வங்கி சென்று பணமாற்றும் வரை கடன்அட்டையைத்தான் (Credit Card) உபயோகப்படுத்தினேன். 

இதில் ஆச்சர்யமான விசயம் பேருந்தில் ஏறிய நான் செல்ல வேண்டிய இடத்தை பதிவு செய்யும்போது SWISS FRANCS 2.80 கேட்டது, நான் 3.00 EURO (€) வை உள்ளே செலுத்தினேன் இயந்திரம் நொடிக்குள் பணமாற்றம் (Money Transfer)  செய்து பாக்கி 0.77 SWISS FRANCS சை வெளியே தள்ளியது,

உதவும் மனப்பான்மையில் ஆண்களைவிட, பெண்களே அதிகம் என்பதை அந்த நாட்டில் நான் காணமுடிந்தது, 

SWITZERLAND வங்கிகளைப்பற்றி, தெரிந்து கொள்ள முயற்சித்தேன் இதற்காக இரண்டு முறை பணம் மாற்ற சென்றேன், விபரம் தெரிவிக்கும் (Information  Section) இடத்தில் வேலை நேரம் முடிந்து விட்டது, வங்கியை புகைப்படம் மட்டுமே எடுத்து (தெரியாமல்) வரமுடிந்தது.

Coming More Photos' Swiss Part – 2

F.P- 12 Feb 2013