கோனாபட்டு, கோபக்காரன் கோதண்டம்

மொடிச்சியப்பனும், கலிவரதனும் அபுதாபி விமான நிலையத்துக்கு காரில் போய்க் கொண்டு இருந்தார்கள்.

டேய் கலிவரதா அந்தா... சிக்னல்ல நொங்கு வித்துக்கிட்டு நிக்கிறானே கோதண்டம் பெருங்கோவக்காரன்.

அவனா,,, கோனாபட்டுக்காரன்ல... அப்புடியென்ன... கோவப்பட்டான் ?

ஒரு வாட்டி நானும், இவனும் நந்திவர்மனும் துபாய் ஷேக் ஸையித் ரோட்டுல போய்க்கிட்டு இருந்தோம் நந்திவர்மன் இவன்கிட்டே குவைத்தை எழுதிக் கொடுனு கேட்டான்.

செரி.....

இவேன் அதெல்லாம் முடியாது அது குவைத்ல இருக்கிற கில்லர்ஜியோட நண்பர் துரை செல்வராஜூன்னு ஒருத்தர் இருக்காரு அவரு விட்டு, வேணும்னா சவூதி அரேபியாவை எழுதித் தாரேன் வீணாக் கேட்டு கோவத்தை கெளப்பாதேனு சொன்னான்.

நந்திவர்மன் விடமாட்டானே...

ஆமாடாங்றேன்... நச்சரிச்சுக்கிட்டே வந்தான் திடீர்னு காரை நிப்பாட்டிட்டு வேர்ல்ட் டவர் புர்ஜ் கலீஃபாவை புடுங்கி நந்தியை அடிக்கப் போயிட்டான்.

அய்யய்யோ நீ தடுக்காம என்ன செஞ்சே ?

நான் பாத்துக்கிட்டு சும்மா இருக்க முடியுமா ? ரெண்டு பயல்களும் நம்ம ஆளுங்களாச்சே படக்குனு டவரு தூரைப் புடிச்சுக்கிட்டு உக்காந்துட்டேன்.

நல்லவேளை இல்லைனா... புடுங்கி நந்தியை அடிச்சுருப்பான்.

கிழிஞ்சு போச்சு நான் ஒக்காந்துக்கிட்டு தூரைப்புடிக்கவும் இவேன் படக்குனு போயிக்கிட்டு இருந்த மெட்ரோ ட்ரைனை எடுத்து நந்திவர்மனை அடிச்சிட்டான்.

அடச்சே... அப்பொறம் ?

அவன் சட்டுனு தடுத்ததுல சுண்டு வெரலு நெகம் பேந்து போச்சு விடுவானா நந்திவர்மன் ?  ஒன்னை வெரலுக்கு அவராதம் கட்ட வெக்கலே எம்பேரை குந்திகர்மன்னு மாத்திக்கிறேண்டானு உகாண்டா கோர்ட்டுல கேசைப் போட்டுட்டான்.

அப்பொறம்... ?

இவெங்கெலோட சேந்ததுனாலே... சாச்சிக்கு என்னையும் புடிச்சு உகாண்டாவுக்கு இழுத்தடிக்கிறாங்கே...

ச்சே காலவெணையா ஒனக்கு ?

யென்ன... செய்யிறது நம்ம சாதிக்காரங்கெளா போயிட்டாங்கே... ?

போனவாரம் நம்ம நெல்லைத்தமிழரை பார்க்க பஹ்ரைன் போனேன் அப்ப நம்ம செங்கோடனை பஹ்ரைன் மாட்டுச்சந்தையிலே பாத்தேன் என்னமோ... கோதண்டங்கூட சண்டைனு சொன்னான்.

அந்தக்கூத்து தெரியுமா ? அதுக்கும் நாந்தான் சாச்சி.

அதுலே, நீ யெங்கே... போனே ?

கோதண்டம் சார்ஜா கடல்ல குளிச்சுக்கிட்டு இருந்துருக்கான் கெரகத்துக்கு அந்தப் பக்கமாப்போன சரக்கு கப்பல்க்காரன் சும்மா போகாம ஹாரன் அடிச்சுக்கிட்டே போயிருக்கான் இவெனும் சொல்லி சொல்லி பாத்துருக்கான் அந்தப்பயவுள்ள கேக்காம ஹாரன் அடிக்கவும் இவென் கோவத்துல கப்பலைப் புடிச்சு தூக்கி வீசிட்டான்.

அப்பொறமென்ன... இவென் குளிச்சிட்டு வீட்டுக்குப்போக வேண்டியதானே ?

இந்த மூதேவி கப்பலை பீச்சாங்கையிலே புடிச்சது அந்தப் பக்கமாவே வீசவும் அது அப்படியே அபுதாபிலே வந்து விழுந்துடுச்சு.

யாரு, மேலயும்... வெழலையே... ?

அட யேன்டா நீ வேற.... அது விழுந்ததே செங்கோடன் வீட்லதானே... ?

அடப்பாவமே... செங்கோடன் எதுக்கெடுத்தாலும் கோடரியே எடுப்பானே ?

ஆமாங்கிறேன் வாசல்ல கட்டிக் கெடந்த நாயி மேல வுழுந்து அதுக்கு வாலு துண்டா ஓடிருச்சு விடுவானா... செங்கோடன் ? அபுதாபி கோர்ட்டுலதானா.. கேசைப் போட்டுப்புட்டான்.

இதுலே நீ எதுக்கு சாச்சி ?

அந்த நேரம் பாத்து அவென் வீட்ல நீராத்தண்ணி குடிப்போமேனு போயித் தொலைஞ்சிட்டேன் சாச்சிக்கு இது போதாதா ? எல்லாம் மொடிச்சியப்பனுக்கு தெரியும்னு செங்கோடன் என்னை கோர்த்து விட்டுப்புட்டான் இப்ப நானும் கோர்ட்டும், கேசுமா அலையிறேன்.

ஒனக்கு நேரம் சரியில்லைனு நெனைக்கிறேன் எதுக்கும் நம்ம சோலந்தூர் சோசியர் சோனைமுத்துவை பாரேன்...

ஆமாடா போன வாரந்தான் அவருக்கு விசிட் விசா அனுப்பி வரச்சொல்லி பாத்தேன் அவரு சொல்றாரு ஒனக்கு கெரகம் உச்சத்துல ஏழாம் வீட்ல குடியிருக்கான் அதுனாலே நீ சொந்த வீட்டை வித்துப்புட்டு வாடகை வீட்ல குடியிருனு சொல்றாரு...

நீ யென்ன.... நெனைக்கிறே ?

நான் அபுதாபியை மனசு சே. குமாரு ரொம்ப நாளாவே கேட்டுக்கிட்டே இருக்காரு அவருக்கு லீசுக்கு விட்டுப்புட்டு உசிலம்பட்டிக்கு போயி ஏதாவது பொட்டிக்கடை வச்சுக்கிட்டு இருக்கலாம்னு நெனைக்கிறேன்.

இதுக்கு, அத்தாச்சி யென்ன... சொல்லுது ?

நீங்க உசிலம்பட்டி போயி பொட்டிக்கடை வைங்க, அபுதாபியை லீசுக்கு விட வேண்டாம் நம்ம மேனேஜரை வச்சுக்கிட்டு நானே மெயின்டைன்ஸ் பண்ணிக்கிறேன் பத்தும் பத்தாததுக்கு ஒங்க ப்ரெண்டு கில்லர்ஜி இருக்காருனு.... அவ சொல்றா...

அதுவும் சரிதாண்ணே... கூடமாட ஒத்தாசைக்கு நானும் இங்கே அபுதாபிலதானே இருக்கேன்.

ஆமாடா... வர்ற ஆவணிக்குப் பொறகு ஆரம்பிக்கலாம்னு இருக்கேன்.

நல்லது அப்படியே செய்யி.

ஒனக்கு யாவாரம் எப்புடி.. போகுது ?

மலேசியாவை இந்தோனிஷியாக்காரி ஒருத்தி நல்ல வெலைக்கி கேக்குறாளேனு அவளுட்ட வித்துப்புட்டு வந்து அந்தப் பணத்தைப்பூராம் கொட்டி கொண்டக்கடலை அவிச்சு வித்தேன் பணத்தை எங்கிட்டு கொண்டு போகுதுனு தெரியலை... போயிக்கிட்டே இருக்கு.

ய்யேன் யாவாரம் விக்கிதுல ?

எங்கே....ணே... வாங்கித்திங்கிற அரபிக்காரனெல்லாம் கடனுக்குத்தான் வாங்குறான் மறுநாள் விசாரிச்சா ஊரைக்காலி பண்ணிப்புட்டு அம்பேரிக்கா போயிட்டான்னு சொல்லி நம்மை அம்போனு விடுறாங்கே...

சரிடா ஏர்போட்டு வந்துருச்சு நான் சாங்காலம் சிங்கப்பூருல மீட்டிங்கி முடிச்சுட்டு நாளான்னைக்கு ஸ்விஸ் பேங்குக்கு போயிட்டு வருவேன்.

மீட்டிங்கிக்கு மேனேஜரைக் கூட்டிக்கிட்டு போகாமே தனியாப்போறே.. ?

அவனுக்கு ஏதோ முக்கியமான சொந்த வேலை இருக்காம் அதான் நான் மட்டும் போறேன்.

அப்படியா....... ச்சே நான் அவனும் வந்தா நல்லதுனு நினைச்சேன்...

அவேன் வராட்டினா நீ யேன்டா சலிச்சுக்கிறே ?

இல்லண்ணே... ஒனக்கு தொணையா இருப்பானேனு சொன்னேன்.

டேய்... இது வைரம் பாஞ்சகட்டை எங்கயும் தனியாப் போவேன்டா..

சரி.... நல்லபடியா போயிட்டு வாண்ணே.

மொடிச்சியப்பனை சுமந்த விமானம் சிங்கப்பூரை நோக்கி சீறியது. ஏர்போர்ட்டை விட்டு வெளியேறிய கலிவரதனுக்கு மனதில் தோன்றியது அண்ணனை சிங்கப்பூர் ஃப்ளைட் ஏற்றி விட்டுட்டேன் என்று அத்தாச்சி வீட்டுக்கு ஒரு எட்டு போய் சொல்லிட்டு ட்ரைல் பார்ப்போமே முதல்ல போன் செய்வோம் என்று அலைபேசியை எடுத்து மொடிச்சியப்பனின் மனைவி மொக்கச்சியம்மாளை அழைத்தால் அரபு மொழியில் கீழ்கண்டவாறு சொன்னது சட்டென மொடிச்சியப்பனின் கம்பெனி மேனேஜர் மச்சக்காளை நம்பருக்கு அழைத்தாலும் கீழ்கண்டவாறே ஒரே மாதிரி சொன்னது.

இதன் தமிழாக்கம் நீங்கள் தொடர்பு கொள்ள நினைக்கும் வாடிக்கையாளர் தற்போது தொடர்பு எல்லைக்கு அப்பால் இருக்கிறார் சிறிது நேரம் கழித்து அழைக்கவும் நன்றி.

காணொளி