பொம்மை மனிதர்கள்

வணக்கம் நட்பூக்களே... ஒருமுறை திருமண நிச்சயதார்த்த விழாவுக்கு என்னை அழைத்திருந்தார்கள், சிறிய பேருந்து அமைத்து இருந்த காரணத்தால் நானும் அதிலேயே சென்று வந்தேன். எந்த ஊர் ? பெயரைச் சொன்னாலும் ஊரைச் சொல்லக் கூடாது என்பார்கள் ஆகவே தமிழகத்தின் உள்ளேதான் போன விடயம் சுபமாக நிகழ்ந்தது.
 
நிகழ்வு முடிந்தது அடுத்த இரண்டு மாதத்தில் திருமண தேதியும் குறிக்கப்பட்டது. புகைப்படங்களும் எடுத்து தள்ளப்பட்டன... நிகழ்வு முடிந்து மாலை நான்கு மணிக்கு நல்ல நேரத்தில் புறப்படுவதாக உத்தேசம். மதிய உணவு முடிந்து கடலை போட்டுக் கொண்டு இருந்தோம். நம்ம வாய்தான் சும்மா இருக்காதே நாறவாயாச்சே...
சரி பெண்ணைக் கூட்டிக்கிட்டு கிளம்புங்க நேரமாச்சு... என்றேன்
 
அதற்கு அனைவரும் ‘’கொல்’’ என சிரித்தார்கள், அதற்கு மாமா மகன் என்னிடம் மாப்ளே நீதானா சொல்லு பொண்ணோட தாய்மாமனிடம்…
அப்புறம் என்ன நாங்க கூட்டிக்கிட்டு கிளம்புறோம்.
என்றேன், இது முழுக்க, முழுக்க வேடிக்கை பேச்சுதான் என்பது அனைவரும் அறிந்ததே... நிச்சயமாக பெண்ணை அழைத்துக் கொண்டு வரமுடியாது விடவும் மாட்டார்கள். அதற்கு பெண்ணின் தாய்மாமன் என்னிடம் சொன்னார்.
நீங்க வேணும்னா மாப்பிள்ளையை விட்டுட்டு போங்க... அதான் முறை.
 
இதைக் கேட்டு மற்றவர்கள் சிரித்தாலும் எனக்கு மனதில் அரித்துக் கொண்டே இருந்தது. காரணம் சிறிய தமாசு பேச்சு இதற்கு அவரும் தமாசாக
அதனால என்ன அழைச்சுட்டு போங்க...
என்று சொல்லி இருக்கலாமே... ஏனிந்த பேச்சு இதிலேதும் உள்குத்து இருக்குமோ... அந்நிய சம்பந்தம் இணைய வழி ஏற்பாடு யாரை யார் அறிய இயலும் ? காலமே பதில் தரும் என்று நினைத்துக் கொண்டேன்.
 
இன்றைய பெண் வீட்டார்கள் அனைவருமே இதே கோணத்தில்தானே காரியங்களை செய்ய காய்களை நகர்த்துகின்றார்கள். எனக்கு இதில் சுமையொன்றுமில்லை நானொரு விருந்தாளி அவ்வளவுதான். மனதுள் ஒன்று கணித்தேன். அடுத்த இரண்டாவது மாதத்தில் இனிதே திருமணமும் மாப்பிள்ளை ஊரில் நிகழ்ந்தது. காலம் உருண்டோடியது.
 
எனது கணிப்பு தவறவில்லை இன்று மாப்பிள்ளை பெண் வீட்டாரின் எடுப்பார் கைப்பிள்ளை காலம் எல்லோரையும் கணக்கு வைத்தே காய்களான மனிதர்களை நகர்த்தி விளையாடுகிறது. காரணம் இறைவனின் பிடியில் மனிதர்கள் யாவரும்...
 
நீயும் பொம்மை நானும் பொம்மை நினைச்சு பார்த்தால் எல்லாம் பொம்மை
மேலே சொடுக்குக - கே.ஜே.யேசுதாஸின் முதல் பாடல்
               
கில்லர்ஜி தேவகோட்டை

Share this post with your FRIENDS…