வெள்ளி, மார்ச் 30, 2018

My Name is தமிழ்VANAN



பூவிற்கு வாசமுண்டு என்றால்
என் பேருக்கும் வாசமுண்டு காரணம்
என் பெயர் ஸ்ரீபூவு
உன்னை நாட்டையாளும் ராஜா என்றால் 
என்னையும் சொல்லலாம் காரணம்
என் பெயர் எச். ராஜா
உனக்கு குழந்தைகள் உண்டென்றால் 
என்னிடமும் உண்டு காரணம்
என் பெயர் குழந்தைவேலு

உன்னிடம் அன்பு உள்ளதென்றால் 
என்னிடமும் உண்டு காரணம்
என் பெயர் அன்புமணி
உனது வீட்டில் பலாமரம் உள்ளதென்றால் 
என்னிடமும் உண்டு காரணம்
என் பெயர் ரூபலா
உனக்கு இசையுணர்வு உண்டென்றால் 
என்னிடமும் உண்டு காரணம்
என் பெயர் சங்கீதா

உனக்கு கீர்த்தனைகள் தெரியுமென்றால் 
என்னிடமும் அவை உண்டு காரணம்
என் பெயர் கீர்த்தனா
உனக்கு மொழியுணர்வு உண்டென்றால் 
என்னிடமும் உண்டு காரணம்
என் பெயர் தேன்மொழி
உனக்கு கவியுணர்வு உண்டென்றால் 
என்னிடமும் உண்டு காரணம்
என் பெயர் கவிமுகேஷ்

உனக்கு பதவிஆசை உண்டென்றால் 
என்னிடமும் உண்டு காரணம்
என் பெயர் ஆசைத்தம்பி
உனக்கு அழகு உண்டென்றால் 
என்னிடமும் உண்டு காரணம்
என் பெயர் அழகுமுத்து
உனக்கு விவேகம் உண்டென்றால் 
என்னிடமும் உண்டு காரணம்
என் பெயர் விவேக்

உனக்கு ஐஸ்வர்யம் உண்டென்றால் 
என்னிடமும் உண்டு காரணம்
என் பெயர் ஐஸ்வர்யா
உனக்கு கலையார்வம் உண்டென்றால் 
என்னிடமும் உண்டு காரணம்
என் பெயர் கலைச்செல்வி
உனக்கு வித்யாசமான கருத்தென்றால் 
என்னிடமும் அவை உண்டு காரணம்
என் பெயர் வித்யா

உன்னிடம் கார் உண்டு என்றால் 
என்னிடமும் உண்டு காரணம்
என் பெயர் கார்மேகம்
உனக்கு அண்ணன்கள் உண்டென்றால் 
எனக்கும் உண்டு காரணம்
என் பெயர் அண்ணாதுரை
உனக்கு தமிழுணர்வு உண்டென்றால் 
என்னிடமும் உண்டு காரணம்
என் பெயர் தமிழ்வாணன்.

இன்று எனது மகன் தமிழ்வாணன் அகவை 25 வெள்ளி விழா ஆண்டு வாழ்த்துங்கள் நட்பூக்களே... டு 

புரோட்டாவுடன்...

செவ்வாய், மார்ச் 27, 2018

சிவகாசி Chivas Regal சிவசம்போ


இப்பதிவின் தொடர்புடைய முந்தைய பதிவுகளை படிக்க கீழே சொடுக்குக...

வணக்கம் நான்தான் சிவகாசி சிவாஸ் ரீகல் சிவசம்போ எழுதுறேன் இந்த மாதம் ஏதோ மந்திர மாதம் போல மஞ்சத்து மந்திரம் தொடங்கி தலையணை மந்திரமாகி பின்னே தலையில அடிச்ச மந்திரமாகி, கடைசியில தரையில அடிச்ச மந்திரம் வரை நானும் பலிச்சேன்.. கழுதை தேஞ்சு கட்டெறும்பு ஆனது போல நம்ம கில்லர்ஜியோட மஞ்சத்துல தொடங்கிய தலைப்பும் படிப்படியா குறைஞ்சு யெஞ் சகலை மன்னாருவை தரையில அடிச்சுட்டாரு... யேன் போதைக்கு சீ..சீ.. யேன் அறிழிவுக்கு எட்டுனது வரை நான் தெளிஞ்சுக்கிட்டது மேழ் மக்கழிளிருந்து... கீல் மக்கழ்வரை எல்லா குடும்பங்கள்லயும் பிரச்சனை வர்றது இந்த பொம்பளைங்களாலதான் அம்பானி வீட்ல மில்லியன் கணக்குல பணமிருந்தும் அவங்க அண்ணன்-தம்பிங்க பிரிஞ்சு போயிட்டாங்க இருபத்துஏழு மாடியில வீடு கட்டி மேலே ஹெலிகாப்டர் வந்து இறங்கும் வசதியிருந்தும் கூடி வாழ்த் தெரியாமல் பிரிஞ்சு போயிட்டாங்க காரணம் என்ன ? இன்றைக்கு அத்தனை மாடியிலும் சுமார் எழுநூறு வேலைக்காரர்கள் வந்து, போயி, தங்கி அனுபவிச்சுக்கிட்டு இருக்காங்க.. கூடி வாழ்ந்தால் கோடி நன்மை இது இத்தனை பணமிருந்தும் புரியவில்லையே... விட்டுக் கொடுத்தார் கெட்டுப் போவதில்லை. சுமார் இரண்டரை லட்சம் கோடிகள் மக்கள் பணத்தை சுருட்டி வாழ நினைச்சாங்க இன்று இருப்பது எங்கே ? கப்பன் பார்க் பக்கத்திலே.... இது தேவையா ? இவ்வளவும் சுருட்ட விட்ட பாவத்துக்கு காலை இழந்து அடி வாங்கி செத்து கப்பன் பார்க்கில் பிறந்துட்டு சென்னை மணல்தான் கிடைச்சுருக்கு அதுலயும் குலவழக்கு சடங்குகள் கிடைக்கலையாம். ஏ.பி.நாகராஜனின் திருவிளையாடலை பார்த்தீர்களா ? போகும்போது என்ன வரும் ? கூடவே வளர்த்த மீசைதான் வரும் வேறென்ன ? உலகத்திலேயே பணக்காரன் யார் தெரியுமா ? கடைசிவரை தாய்-தந்தையரோடு வாழ்ந்தவன்தானாம். அதைவிட கோடீஸ்வரன் யார் தெரியுமா ? கடைசிவரை தாத்தா-பாட்டிகளை வைத்து அவர்களோடு இணைந்து வாழ்ந்தவன்தானாம் ஹூம் என்னத்தை சொல்லி ஏடுரைச்சாலும் கந்தன் புத்தி கருவாட்டு நாத்தம்தான்னு நம்ம ஜிங்கா மங்கா ஸ்வாமிகள் சரியாத்தான் சொல்லி வச்சு இருக்காரு அது மட்டுமா ? தனிக்குடித்தனம் சனிப்பிடித்தனம்னு சொல்லி இருக்காரே...

நான்யேன் குடிகாரனானேன் சிவனேன்னு திரிஞ்ச என்னை கண்ணாலம்னு ஒரு எலவைக் கூட்டினாங்கே மந்திரத்தோட எபெக்ட் நெப்போலியனையே தூக்கி விட்ருச்சு மறுநாள்லருந்து இப்படித் திரியிறேன். எல்லோரும் என்னை சிவாஸ் ரீகல் சிவசம்போ ன்னு சொல்றாங்கே.... என்ன செய்ய... ? இந்தப் பொம்பளைங்களே இப்படித்தான் தெளிஞ்சுக்கங்க.. மக்கழே தெலிஞ்சுகங்க.. இருந்தாலும் அதிராம்பட்டணம் அதிரடி அதிரா என்னையும் மதிச்சு அங்கிள்னு ஜொள்ளுறது மனசுக்கு ஜந்தோஷமா இருக்கு.... இருந்தாலும் அதுலயும் டவுட்டு.... அதிரா மோடிஜியிலருந்து.... ட்றம்ப், கமல்ஹாசன், ஏஞ்சலின் சித்தப்பா, செத்து ஆவியாப் போன கண்ணதாசன், வாலி, விஸ்வாமித்திரர் வரை அங்கிள்னு ஜொள்றபோது நம்மளை லந்து பண்ணுறாங்களோனு.... ஜந்தேகமும் இருக்கூ.... இதுக்குமேலே எமுதுனா... சீ... சீ... எழுதுனா குடிகாரப்பய ஒழர்ர்ர்ர்ர்ரான்னு சொல்லுவாங்க... நமக்கு எதுக்கு ஊர் வம்ஸ்.

சாம்பசிவம்-
அடடே... பரவாயில்லையே... நீ கூட வெப்ஸைட் படிக்கிறியே ?

காணொளி
Whose uncle is he ?

நட்பூக்களே இந்த மந்திரப் பதிவுகள் நான் அபுதாபியில் இருக்கும் பொழுது எழுதியது தேதி 30.07.2013  பதிவுலகில் பிரபலம் ஆனபிறகு வெளியிடுவோம் என்று காத்து காத்து விழிகள் பூத்ததே மிச்சம் வலையுலகில் பிரபலம் ஆவது எமக்கு பிராபலம் போல ஆகவே இதை இப்பொழுதாவது வெளியிடுவோம் என்று தங்களது பார்வைக்கு வெளியிட்டேன் கில்லர்ஜி

சனி, மார்ச் 24, 2018

தரையடி மந்திரம்


இப்பதிவின் தொடர்புடைய முந்தைய பதிவுகளை படிக்க கீழே சொடுக்குக...

சென்னை குஸ்தி வாத்தியார் குருசாமியின் குடிசை மனைவி மைனாவோடு தட்டியின் மறைவில் மன்னாரு...

ந்தே ஓன்நைனா சொல்லிகினுகீது ஓந்தட்டு வண்டிய ஒந்தங்கச்சி வூட்டுகாரனுக்கு கொடுக்காணு...
ஆமா புள்ளே
ன்னா... ஓமாங்கிறே ? 
நொண்ணன்தானடி,
ந்தே நொண்ணனா... அந்த சோமாறிக்கு கொடுத்தீனா ?  யேன் வயித்துல யேத்தி வச்சுருக்கியே லோடு அதுக்கு நாளேக்கி இன்னா சொல்வே ?
அடிப்பயவுள்ளே இப்புவே மவுனைப்பத்தி கவுலையா ?
ந்தே கம்னாட்டி இந்த ஜல்சா வச்சுகினே கைய ஒட்சுருவேன் கேட்டதினு கம்னுகீரே ?
அடியே... எம்புள்ளே கையஊண்டி கர்ணம் அடிப்பான்டி.
நீ நடந்து போக வாணாம்னு தட்டுவண்டி எடுத்துப் போகசொன்னா நீ எம்புள்ளய கர்ணம் அடிப்பானுங்கிறே.. ?  
இன்னாச்சு ஒன்க்கு எங்க ஆத்தா ஏதும் சொல்லிகினுச்சா ?
ஓன் நோத்தாக்கிட்ட எவ பேசுவா ?
யென்னாடி நீ ரொம்பத்தான் சத்தாய்கிறே..
இந்தே கேட்டுக்க காலைய வண்டிய இழுத்துக்கினு வாரே நீ பேப்பர் பொறுக்கிகினு பொழுது சாய காசிமேடு வா ! நான் அதுக்கள்ளே அங்கே ஒரு குட்சை பாத்துக்கினுகீறேன்.
ன்னாடி சட்டுபுட்டுனு கலாய்கீறே யேன் அப்பன்ட ராவுல கேக்றேண்டி.
அந்த குடிகார கயிதை ன்னா... சொல்லும் தெரியாது ஒன்க்கு காத்தால நீ வாறியா ? வர்லியா ?
அந்த ஏரியாவுல நம்க்கு ஆரும் தெரியாதுடி.
யேன்... லிக்கி கீரான், அரளி கீரான், நம்ம மூஷி கீரான் வேற, ன்னா வேணுங்கீரே.. ?
அவங்கே பூராம் டுமீல் பார்ட்டீடி வேண்டான்டி.
அப்ப ராவுல எங்க ஆத்தா வூட்டுக்கு போறேன்.
யேண்டி கயிதே அடுத்த வாரம் வளைகாப்புனு... மாமு சொல்லிகினு போச்சு.
யேன் வூட்ல வச்சுக்லாம் நீ வந்து துன்னுட்டு போ.
நீ போக வேண்டாமுடி.

மன்னாரு அவள் மீது கையை வைக்க தனது இடது காலால் ஒரு எத்து விட்டாள் மைனா அந்தஅடி அவனது இடுப்பு பாகத்தின், தென்பாக மையத்தில் விழுந்தது உடன் அதிமுக முன்னாள் தலைவியை அழைத்து விட்டு சுருண்டு கொண்டான் கோணிச் சாக்குக்குள் மன்னாரு.

அடுத்து இந்தப் பதிவுகளைப்பற்றி திருமிகு. அதிரா அவர்களுக்கு வேண்டப்பட்டவரின் விமர்சனத்தை பார்ப்போம் – கில்லர்ஜி

புதன், மார்ச் 21, 2018

தலையடி மந்திரம்


இப்பதிவின் தொடர்புடைய முந்தைய பதிவுகளை படிக்க கீழே சொடுக்குக...

மதுரை ரிட்டயர்டு வாத்தியார் வரதராஜன் வீடு மனைவி மாலாவின் மடியில் கிடந்தான் மகேஷ்...

ஏங்க நீங்க பேங்க் லோனுல எடுக்கிற டாக்ஸியை உங்க தங்கச்சி வீட்டுக்காரருக்கு கொடுக்கப் போறாராம் உங்க அப்பா அப்படியா ?
ஆமா அப்படித்தான்.
என்ன நொப்படித்தான் உங்க லோனுல வாங்குற டாக்ஸியை எப்படி அவருக்கு கொடுக்கலாம் ?
அதுனால என்னடி ஒங்க அண்ணன்தானே..?   
இப்படியே போனா ரெண்டு அண்ணனாகி போயிடுமே யேன் வயித்துல வளர்ற ஒம்புள்ளைக்கு என்ன சொல்றது ?
அடிக்கள்ளி இப்பவே புள்ளையப்பத்தி கவலைப்படுறியே...
இந்த நோண்டல்லாம் எங்கிட்ட வேண்டாம் கேட்டதுக்கு சொல்லு ?
அடியே நம்ம புள்ள சம்பாரிச்சு ஆட்டோ ஓட்டி எல்லோரையும், காப்பாத்துவான்டி.
யோவ் நான் நீ கார் ஓட்டணும்னு சொன்னா எம்புள்ளயவும் உன்னைப்போல ஆட்டோ ஓட்டுவான்னு சொல்றே..
என்னாச்சு ஒனக்கு எங்கம்மா ஏதும் சொல்லுச்சா ?
ஒங்கம்மாகிட்ட மனுஷி பேச முடியுமா ?
ஏண்டி ஒரு மாதிரியாவே பேசுறே...
யோவ் நேரா விசயத்துக்கு வர்றேன் வாங்குற காரை நீ ஓட்டணும் அப்படியே.. நரிமேட்டுல ஒரு வீடு வாடகைக்கு பார்த்து இருக்கேன் நாம தனிக்குடித்தனம் போறோம்.
கொஞ்சம் பொறுடி எங்கப்பாட்ட கேக்றேன்.
ஒங்கப்பன் ஒத்து வரமாட்டாரு, யேன் ஓன்லோனு பணத்துல வாங்குற காரை ஓட்டுறதுல ஒனகென்னயா கஷ்டம் ?
எனக்கு காரெல்லாம் ஓட்டத் தெரியாதுடி...
யேன் முடியாது நம்ம லிம்பு ஓட்றான், அராத்து ஓட்றான், முஷ்ருகூட ஓட்றான் நீ யேன் ஓட்டமுடியாது ? கார் ஓட்டத்தெரியாத ஒனக்கெல்லாம் ஒரு பொண்டாட்டி எங்க மச்சான் கில்லர்ஜி அழகா கையை விட்டுட்டு கார் ஓட்டுவாரு.
இன்னைக்கு அவங்க பூராம் ரோட்ல திரியிறாங்கடி இது வேண்டான்டி.
அப்ப நான் எங்க அம்மாட்டே போறேன்.
மாலா அடுத்த வாரம் ஒனக்கு வளைகாப்புடி.
எங்க அம்மா வீட்லயே செஞ்சுகிறலாம் நீ வந்து சாப்டுப்போ.
சொன்னாக்கேளு வேண்டாம்டி.

மகேஷ் சொல்லும் போதே பட்டுனு எந்திரிச்சு கதவைத் திறந்தவள் வராண்டாவில் பத்தமடைப்பாயை விரித்து படுத்துக் கொண்டாள் மாலா.

காணொளி

அடுத்து இதை இன்னொரு வகையில் பார்ப்போம் – கில்லர்ஜி

ஞாயிறு, மார்ச் 18, 2018

தலையணை மந்திரம்


இப்பதிவின் தொடர்புடைய முந்தைய பதிவை படிக்க கீழே சொடுக்குக.

மங்களூர் தொழிலதிபர் அசோக் வர்மா பங்களா ஆசை மனைவி மணீஷாவின் மடியில் கிடந்தான் விவேக் ஸுக்லா...

ஏங்க நீங்க புதுசா வாங்கின பெங்களூரு கம்பெனியில உங்க தங்கச்சி புருஷனை மேனேஜிங் டைரக்டரா போடப்போறதா... உங்க அப்பா சொன்னாராமே அப்படியா ?
ஆமா அதனால என்ன ?
அதனால என்னவா ஏங்க நீங்க தனியா சம்பாரிச்சு வாங்குனதுல எப்படி உங்க தங்கச்சி புருஷனை போடலாம் ?
அவரு யாரு... உங்க பெரியப்பா மகன், உனக்கு அண்ணன்தானே ?
சரிதான் இப்படிப் பார்த்தா இந்த வீட்லதான் வரிசையா நாலு அண்ணன்மாரு வந்துருவாங்க யேன் வயித்துல வளர்ற உங்க புள்ளைக்கு நாளைக்கு என்ன சொல்லப் போறீங்க ?
பரவாயில்லையே. நம்ம புள்ளையப்பத்தி இப்பவே கவலைப்படுறியே ?
இந்த மழுப்புற வேலை வேண்டாம் கேட்டதுக்கு பதில் சொல்லுங்க ?
மணீஷா நம் மகன் நம்ம அமைச்சர் தயவுல இந்த ஸ்டேட்ல இருக்குற எல்லா கம்பெனிக்கும் மேனேஜரா வருவான்.
ஹும் நான் நீங்க மேனேஜிங் டைரக்டரா வர்றதைப்பத்தி பேசுறேன் நீங்க நம்ம புள்ளையவும் மேனேஜராவான்னு சொல்றீங்க ?
மணீஷா இன்னைக்கு என்னாச்சு உனக்கு எங்க அம்மாகூட ஏதும் பிரச்சனையா ?
உங்க அம்மாகிட்ட பிரச்சனை செய்ய இங்கே நான் யாரு ?
யேன்... வில்லங்கம் விமலா மாதிரியே பேசுறே ?
நான் நேராவே வர்றேன் அந்த கம்பெனிக்கு நீங்க மேனேஜிங் டைரக்டராகி நாம பெங்களூரு பங்களாவுக்கு போகணும் உங்களால முடியுமா ? முடியாதா ?
கொஞ்சம் பொறும்மா நாளைக்கு எங்கப்பாகிட்ட பேசுறேன்.
வேண்டாம் உங்க அப்பாகிட்ட கேட்டா ? என்ன சொல்வாருன்னு தெரியாதா ?  யேன் நீங்க வாங்குன கம்பெனிக்கு, நீங்க மேனேஜிங் டைரக்டரா வர்றதுல என்ன பிரச்சனை ?
அப்படியெல்லாம் ஆக முடியாதுமா... கொஞ்சம் பொறு.
ஏன் முடியாது ? நம்ம லிங்குசாமி கம்பெனி வச்சுயிருக்காரு, நாஸர் வச்சுயிருக்காரு, உங்க நண்பரு அஷ்ரப் வச்சுயிருக்காரு அவங்களெல்லாம் வச்சுருக்கும்போது நீங்க வச்சு நடத்த முடியாதா ?
இன்னைக்கு அவுங்க குடும்ப நிலைமையை பார்த்தியா ? இது என்னவோ நடக்கும்னு தோனலை.
அப்படினா நான் நாளைக்கு எங்க அம்மா வீட்டுக்கு போறேன்.
மணீஷா இது தப்பு அடுத்த வாரம் வளைகாப்பு போட உங்க வீட்ல வர்றாங்க இந்த நேரத்துல போககூடாது.
வேண்டாம் எங்க வீட்ல வளைகாப்பு வச்சுக்கிறலாம் நான் போன் பண்றேன் நீங்க மட்டும் வந்தா போதும்.
வேண்டாம் இது சரியில்லடி.

விவேக் சொல்லிக் கொண்டு இருக்கும் போதே விருடென எந்திரிச்சு கீழே வந்து வேறு அறைக்குள் போய் கதவைப் பூட்டிக் கொண்டாள் மணீஷா.

அடுத்து இதை மற்றொரு வகையில் பார்ப்போம் – கில்லர்ஜி
Related Posts Plugin for WordPress, Blogger...