புதன், மே 30, 2018

சத்தியமங்கலம், சந்தேகப்புயல் சத்தியமூர்த்தி


     பல திரைப்படங்களில், பார்த்து கேட்டு இருப்பீர்கள் கசாநாயகன் சொல்வார் கசாநாயகியிடம், ''உன் கழுத்துல நான்தான் தாலி கட்டுவேன் இதை அந்த ஆண்டவனே வந்தாலும் சரி தடுக்க முடியாது'' இந்த வசனத்தை, எனக்குத் தெரிய 1936 லிருந்து... 2018 வரை எல்லா நடிகர்களுமே பேசி விட்டார்கள் பெரும்பாலும் டப்பிங்காரர்கள் மூலம் என்றாலும் நம்ம பாமரப்பயல்க அவுங்க பேசியதா நினைத்துதானே கை தட்டுவதும், வாழ்க்கைக்கும் எடுத்து கொள்கிறார்கள். சரி இந்த வசனத்தின் பொருள் என்ன ? அதாவது நான் இறைவனைவிட பெரியவன் பலசாலி என்றுதானே அர்த்தம் ? இது இந்த வசனத்தை எழுதிய வசனகர்த்தாவுக்கு தவறாக தெரியவில்லை, இதை பேசிய நடிகருக்கு தவறாக தெரியவில்லை, படத்தின் இயக்குனருக்கு தவறாக தெரியவில்லை, பணத்தை கொட்டி படமெடுக்கும் தயாரிப்பாளருக்கு தவறாக தெரியவில்லை, டப்பிங் பேசியவருக்கும் தவறாக தெரியவில்லை (பாவம் அவரென்ன செய்வார் ? கூலிக்காக இருட்றையில் உட்கார்ந்து பேசி விட்டு வெளியுலகத்துக்கு தெரியாமல் வாழ்பவர்) சரி இவர்களுக்குத்தான் தெரியவில்லை காலம் காலமாய் பார்க்கும் மக்களுக்கு கூடவா தெரியவில்லை ?

இது எனக்கு சந்தேகமாக இருக்கிறது,

இப்படியெல்லாம் தைரியமாக பேசியவர்கள் ஒருநாள் இறைவனுடைய அடியாள் எமன் வரும்போது... சினிமாவில் ரௌடிகளை தூக்கிப் போட்டு மிதிப்பதுபோல் மிதிக்காமல், துப்பாக்கியை எடுத்தும் சுடாமல், அவரை நம்பியே வாழ்ந்து கொண்டு இருக்கும் ரசிகர்களிடமும் ஒன்றும் சொல்லிக் கொள்ளாமல், எமனுடன் எருமை மாட்டில் ஏறிப்போய் விடுகிறார்களே அது எப்படி ? அப்படியானால் இவர்களுக்கு எமனை கண்டால் பயமா ? இறைவனையே போங்க.... டுபுக்கு என்றவர்கள் இறைவனிடம் சம்பளத்திற்கு வேலை செய்யும் சாதாரண எமனிடம் பயப்படுகிறார்களே அதெப்படி ?

இதுவும் எனக்கு சந்தேகமாகவே இருக்கிறது.

 நட்பூக்களே இப்பதிவு எழுதியது 2013-ல் காணொளி தேடியதில் தாமதம் போதுமென்று நிறுத்தி விட்டேன் எமது படத்தொகுப்புக்காக காணுக ! கில்லர்ஜி

காணொளி

ஞாயிறு, மே 27, 2018

கமல்ஹாசன் அவர்களுக்கு...

மகளும், தந்தையும்.

 எமது உயிரினும் கீழான திரைப்பட நடிகர் திரு. கமல்ஹாசன் அவர்களுக்கு உங்களுக்கு நினைவு இருக்காது 1983 இல் தாங்கள் டெல்லியிலிருந்து மூன்றாம் பிறைக்கு அவார்டு வாங்கி விட்டு சென்னை விமான நிலையத்தில் விமானத்திலிருந்து உள்ளே வரும்போது கண்ணாடி தடுப்புச்சுவர் அறைக்குள் நானும், இராமநாதபுரத்தை சேர்ந்த ஒரு சகோதரி இருவர் மட்டும் தவறுதலாக சிக்கி விட்டோம். உங்களைக் கண்டவுடன் அந்தச் சகோதரி ஓடிவந்து கையைப் பிடித்து குலுக்கி விட்டு மகிழ்ச்சியாக குதிக்க, நான் நின்று கொண்டு இருந்தேன். என்னிடம் சிரித்துக் கொண்டே கை கொடுக்கும்போது நான் தயக்கத்துடன் ஸார் நான் உங்கள் ரசிகர் கிடையாது என்று உண்மையை சொன்னேன். உடன் ரஜினி ரசிகரா ? என்று கேட்டீர்கள். நான் யாருக்குமே ரசிகர் கிடையாது என்றதும் இன்னும் எனக்கு நன்றாக ஞாபகம் இருக்கிறது என்னிடம் ஆங்கிலத்தில் சொன்ன வார்த்தை. கீப் இட் அப் என்று எனது கன்னத்தை தட்டி விட்டு கடந்தீர்கள்.

அந்த நொடி முதல் உமது செய்கைகளை சில திரைப்படங்கள் வழியாக கவனித்தேன் சிறந்த கலைஞர் என்று நானென்ன தமிழகமே அறிந்த விடயமே... அதுவரை உமது படங்கள் மூன்றாம் பிறைகூட இன்றுவரை பார்த்ததில்லை. சரி அரசியலுக்கு வருவோம். விஸ்வரூபம் எடுத்தபோது தங்களுக்கு செல்வி. ஜெயலலிதா அரசு கொடுத்து குடைச்சல்தான் தாங்கள் அரசியல் களத்தில் குதிப்பதற்கு காரணமா ? ஆனால் ஒன்று மட்டும் நிச்சயமானது தாங்கள் விசயமுள்ள மனிதர் உலகஞானம் உள்ளவர். இது உலகறிந்தது ஆகவேதான் உங்களுக்கு உலக்கை நாயகன் மன்னிக்கவும் விரலின் தவறு உலக நாயகன் பட்டம்..

தங்களுக்கு இல்லாத பணமா ? இவ்வளவு பேரும் புகழும் பெற்ற தாங்களுக்கு தங்களது மகள்களை பக்குவமாக ஒரு இடத்தில் மாப்பிள்ளை பார்த்து கட்டிக் கொடுக்க மனமில்லையா ? இல்லை பணமில்லையா ? உங்களுக்கு இந்த வயதிலும் துணை தேடும் பொழுது பருவப் பெண்ணைப்பற்றி நினையாதது முறையா ? கை வண்டி இழுப்பவர்கூட சரியான தருணத்தில் தனது மகளை கரையேற்றி விடுகிறார். சரி உமது நண்பர் கருடசித்தர் கேட்ட அதே கேள்விகள் எனக்கு கடந்த சில வருடங்களாகவே உங்களை கேட்க வேண்டும் என்று தோன்றியது. சமீபத்தில் கருடசித்தர் பொதுவெளியில் கேட்டு விட்டார். உங்களது மகளை கௌரவமாக வளர்க்க தாங்கள் விரும்பவில்லையா ? அல்லது பாரதியாரைப் போல் சுதந்திரம் கொடுத்து வளர்க்கிறேன் என்று சொல்கின்றீர்களா ? அல்லது உங்கள் மகள்கள் உங்களது பேச்சை மதிக்க வில்லையா ? ஒருக்கால் அப்படி மகள்களை கண்டிக்கத் தெரியாத உங்களால் தமிழக பெண் மக்களின் வாழ்வாதாரத்தை கௌரவமாக வழி நடத்திச் செல்ல இயலுமா ? உங்கள் மகள்கள் போலவே தமிழகத்தின் மகள்கள் எல்லாம் வாழ நினைத்தால் தமிழக கலாச்சாரம் சிதைந்து விடாதா ?

உலகஞானம் எல்லாம் பேசும் பெருமைக்குறிய பரமக்குடிக்குயாருக்கு தேவகோட்டையான் சொல்லித்தான் அறிய வேண்டுமா ? இதைக்கண்டால் ஜேம்ஸ் ஊரணியோரம் நிற்பவர்கள் தமது பிள்ளைகளை கிள்ளி விளையாடி, எள்ளி நகையாட மாட்டார்களா ? பொது வாழ்க்கைக்கு வரும் மனிதர்கள் அப்பழுக்கற்றவர்களாக இருத்தல் அவசியமில்லையா ? அல்லது கடந்த நாற்பது ஆண்டுகளாக தமிழகத்தை ஆள்பவர்கள் இரண்டு, மூன்று திருமணம் செய்தவர்களும், திருமணம் செய்யாமல் முறையற்ற வாழ்க்கை வாழ்ந்தவர்களுமே ஆகவே அத்தகைய தகுதி தமக்கு இருக்கிறது என்று தாங்கள் நினைப்பதாலா ? எத்தனை பெண்களை திருமணம் செய்தீர்கள் யாருடனாவது கௌரவமாக வாழ்ந்து காட்டினீர்களா ? உங்களது நண்பரும், திருமதி. ஏஞ்சலின் சித்தப்பாவுமான திரு. சிவாஜிராவ் கௌரவமாக வாழ்ந்து ஏதோ மகள்களை திருமணம் செய்து கொடுத்து விட்டாரே... உம்மால் மட்டும் இயலாதது ஏன் ? மாத்ருபூமியில் பதிந்து வைத்தால் போதுமே... இணைய முகவரி அறியவில்லையா ?

உமது தசாவதார புகைப்பட வேசங்களை பலமுறை அரேபியர்களிடம் இணையத்தில் காண்பித்து உம்மை பிறவிக் கலைஞன் என்று, நான் பெருமை படுத்தி இருக்கிறேன். ஏன் தெரியுமா ? நீர் எம்மினம் என்பதால். இருப்பினும் உம்மிடம் எமக்கு இன்னும்கூட நம்பிக்கை உண்டு உம்மால் நல்ல அரசு தரமுடியும் என்று காரணம். இன்றைய அரசியல்வாதிகள் யாரையுமே நம்ம இயலவில்லை மேலும், உம்மை நம்பலாம் அதேநேரம் உம்முடன் இருக்கும் மற்ற 233 சட்டமன்ற உறுப்பினர்களும் உம்மைப்போல் பெண்களை சகோதரியாக பாவிக்கும் யோக்கியர்களாக இருப்பார்களா ? நீர் விசயமுள்ள மனிதர் என்பதைவிட தமிழன் என்பது பெருமையே....

எல்லா விடயங்களிலும் புதுமையை கொடுப்பவர். பணம் உமக்கு இருக்கிறது. ஏதோ தமிழக வரலாற்று பாடப்புத்தகத்தில் உமது நாமத்தை பதித்து விடலாம் என்று ஆசைப்படுகிறீர். இது தவறல்ல பிழைக்க வந்த எவனெல்லாமோ ஆசைப்படும்போது உமக்கென்ன குறை ? நீரும் இம் மண்ணின் மைந்தரே ஒருக்கால் வந்தால் தமிழக மக்களுக்கு நாமத்தை போடமாட்டீர் என்று நம்புகிறே/றோ/ன்ம். இது நான் உமக்கு ஆதரவு கொடுப்பதாக அர்த்தமல்ல இருக்கும் திருடர்களில் ஏதோ பரவாயில்லை என்று நம்ப வேண்டிய காரணமேயன்றி வேறில்லை.. நீர் வெற்றி பெறுகிறீரோ இல்லையோ... உம்மை தமிழன் அல்லாதவன் தோற்கடித்தால் ? அது தமிழனுக்கு அவமானச் சின்னமே நான் உமக்கும் வாக்கு அளிக்க இயலாது காரணம் நான் நோட்டோ ஜாதி. மேலும் அரசியல் அறிந்த உம்மிடம் அரசியல் அறியாத எமக்கு உம்மை கேள்வி கேட்கும் பக்குவம் நிச்சயமாக இல்லை ஆகவே இத்துடன் நிறுத்துகிறேன்.

அன்புடன் தமிழக நலன் நாடும் உண்மைத்தமிழன்
தேவகோட்டை கில்லர்ஜி.

சாம்பசிவம்-
இது ஜால்ராவா... இல்லையா... முடிவில் கமல் மாதிரி குழப்புறாரே...?
Chivas Regal சிவசம்போ-
பரமக்குடியும், தேவகோட்டையும் பக்கம்தானே...

வியாழன், மே 24, 2018

ரஜினிகாந்த் அவர்களுக்கு...


எமது உயிரினும் கீழான திரைப்பட நடிகர் திரு. ரஜினிகாந்த் அவர்களுக்கு தாங்கள் உண்மையான கன்னடர்தானா ? எமக்கு ஐயம் வரக்காரணம் திடீரென்று தாங்கள் உம்மை க்ரீன் தமிழன் என்று சொல்லிக் கொள்வதால்தான். இது இனத்துரோகம் இல்லையா ? உம்மை கன்னடர் என்று சொல்லிக் கொண்டே அரசியலுக்கு வருவதில் என்ன தயக்கம் ? பதவி சுகத்துக்காக தனது இனப்பற்றை களைந்த நீர் பிற இனமான தமிழரின் பற்றை காப்பீரா ? உம்மை நம்பி தமிழக மக்கள் எப்படி வாக்கரிசி மன்னிக்கவும் விரலின் தவறு எப்படி வாக்கு அளிப்பார்கள் ?

உமது கட்சியின் கொள்கை என்னவென்று நிருபர்கள் கேட்டதற்கு உமது தலை கிறுகிறுத்து விட்டது என்று சொல்லி விட்டு சிரித்தது முறையோ ? கேவலம் மாநகராட்சி கடை வாடகையை நியாயமாக தர மனமில்லாத உமது மனைவியை கண்டிக்க வழியில்லாத நீர், உமது இரண்டாவது மகளை கணவரோடு வாழ வைக்க இயலாத நீர் தமிழக மக்களை ஆள நினைப்பது மக்கள் மாக்களாக இருப்பதாலா ? எல்லா சுகமும் அனுபவித்து விட்டோம் சிவலோகப்பதவி அடையும் முன்பு முதல்வர் பதவி சுகமும் அனுபவிப்போம் என்று நினைப்பது நியாயமாரே ?

ஸ்ரீ ராகவேந்திரா திருமண மண்டபம் ஏழைகளுக்கு என்றீரே பாத்திரம் கழுவுவதற்கு வந்த தொழிலாளர்களைத் தவிர வேறெந்த ஏழை அங்கு வந்து இருக்கிறாள்//ன் ? பெங்களூருவில் தொழில்த்துறைகள் தொடங்கிய நீர் தமிழ் நாட்டில் தொடங்காததின் காரணம் என்றாவது தமிழன் ஓலையை கட்டி விரட்டி விடுவான் என்ற தங்களது உண்மையான கணிப்புதான் காரணமா ? செல்வி. ஜெயலலிதா அவர்களின் மரணம்தான் தங்களது ஸிஸ்டம் சரியில்லை என்ற கண்டுபிடிப்பா ? அல்லது இதுவரை தாங்கள் உகாண்டாவில் தங்கி விட்டதால் தமிழக அரசியல் அறியாது இருந்து விட்டீரா ? அல்லது நம் இனத்தை எதிர்க்க வேண்டாம் என்ற தங்களது உயர்ந்த பண்பா ?

இரண்டு மலைகள் சரிந்து விட்டதால் இனி வெற்றி பெறலாம் என்ற நப்பாசையா ? தமிழர்களின் நலனுக்காக என்றாவது உமது குரல் ஒலித்ததுண்டா ? அப்படிச் செய்யாத நீர் முதல்வர் பதவிக்கு ஆசைப்படல் நன்றா ? உமது மூத்த மகளுக்கு ஐ.நா.சபையின் தூதர் பதவி கொடுத்தாரே மோடி இது மோசடி இல்லையா ? தீவிரவாதிகளுக்கு ஆயுதங்கள் வைத்துக் கொள்ள இடமளித்த காரணத்தால் ஹிந்தி திரைப்பட நடிகர் சஞ்சய் தத்தை கைது செய்து சட்டம் சிறைத் தண்டனை வழங்கிபோது அவர் எனது நண்பர் மன்னிப்பு கொடுக்கலாம் என்றீரே... இதுதான் உமது ஆண்மைத்தனமான ஆன்மீக அரசியலா ?

நீதியை நிலைநாட்ட, தனது மகனையே தேர்க்காலில் நசுக்கி தண்டனை கொடுத்த மனுநீதிச்சோழன் வாழ்ந்த தமிழக வரலாறு உமக்குத் தெரியுமா ? உம்மைச் சொல்லிக் குற்றமில்லை உமக்காக //தமிழ் அழகனும் நானே// என்றும் //ஒருதுளி வியர்வைக்கு ஒரு சவரன் தங்கக்காசு// என்று பாடல் எழுதிக் கொடுத்தானே ஊதாத்தமிழன் அவனைப் போன்றவர்கள் இருக்கும்வரை உம்மைப் போன்றவர்கள் இருக்கத்தான் செய்வார்கள். கக்கா போகும் ஸிம்பிளை எல்லாம் உமது வேதவாக்காக கருதும் விசிலடிச்சான் குஞ்சுகள் தமிழகத்தில் ஏராளம்  உள்ளவரை இப்படித்தான் நடக்கும். இவ்வளவு கோடிகள் பணமிருந்தும் அடிக்கடி இமயமலை சென்று தவழ்ந்து வரும் உம்மைக்கண்டு நான் வியந்ததுண்டு உமது தேடல் என்னவென்று ? இப்பொழுது உமக்கு ஏனிந்த பேராசை ? உம்மால் கர்நாடகத்தில் அரசியல் செய்ய இயலாது என்பதாலா ? எவ்வளவு பெரிய அறிவாளி என்றாலும் அரசியலுக்கு வந்தால் கோமாளிதான் என்பது உமக்கு தெரியாதா ?

மஹாத்மா காந்தியையே அரசியலில் கோமாளி ஆக்கியவர்கள்தானே மக்கள். உமது உடன் பிறந்த சகோதரர் திரு. சத்திய நாராயணா அவர்களின் குணாதிசியம் கண்டு நான் இன்றுவரை வியக்கின்றேன் அவர் எனது சகோதரராக பிறக்கவில்லையே என்று நான் பலமுறை சுயநலமாக வருந்தி இருக்கிறேன். அந்தக் காரணங்களை விளக்கி எழுதினால் பல பக்கங்கள் வரும் ஆகவே வேண்டாம். தமிழக மக்களுக்கு உமது சகோதரரின் குணாதிசியம் தெரியாது காரணம் தமிழக மக்கள் நிழலை கண்டு மயங்குபவர்கள் ஆனால் நான் நிஜத்தை நாடுபவன் ஆகவே அவரது தம்பியான உமக்கு வேண்டாம் அந்த பேராசை. எல்லாம் சரி.

திரு. தமிழருவி மணியன் அவர்களுக்கு எமனேஸ்வரம் சென்று செய்வினை செய்து வந்தது முறையா ? தயவு செய்து அந்த செய்வினையை அகற்றி விடுக காரணம் அவர் சிறந்த தமிழ்ப் பேச்சாளர் அவர் மேலும் பண்படல் வேண்டும் வீணாக மண் ஆகிவிடல் கூடாது இது எமது பேராசை. உமது கௌரவத்தை இப்படியே காப்பாற்றிக் கொள்வதே உமக்கு அழகு. இல்லையேல் மேலும் வரும் இழுக்கு. அரசியல் அறியாத எமக்கு உம்மை கேள்வி கேட்கும் பக்குவம் அறியாததால் இத்துடன் நிறுத்துகிறேன்.

அன்புடன் தமிழக நலன் நாடும் உண்மைத்தமிழன்
தேவகோட்டை கில்லர்ஜி.

சாம்பசிவம்-
அடுத்து உலக்கை நாயகனாக இருக்குமோ...
Chivas Regal சிவசம்போ-
அவரு தமிழருல அவருமா ?


காணொளி

ரசிகன் என்ற நண்பர்களே... கர்நாடகாவுக்கு லாரி ஓட்டிச் சென்ற தமிழர் அவசியமின்றி அடி வாங்குவதை பாரீர். இவரை உனது தந்தையாக நினைத்துப்பார் இதன் வலிமை புரியும். சென்னையில் கன்னடன் குடும்பத்துடன் பாதுகாப்பு. இந்தியர்களிலேயே மொழி வெறியன் கன்னடரே இது நானறிந்த உண்மை. அபுதாபியில் ஒரு கன்னடனிடம் ஒரு தமிழர் கூட்டமே செத்துப் பிழைத்து வாழ்ந்தது, இன்றும் வாழ்கிறது. காரணம் மொழிவெறி விரைவில் இதனைக் குறித்து விபரமாக பதிவு தருகிறேன்..

செவ்வாய், மே 22, 2018

அழைப்பு விடுப்பாயாடா ?


திருத்தலங்கள் எல்லாம் தவமிருந்து
மகனே தவசி உன்னை பெற்றோமடா
தெருவோரம் தவிக்க விட்டாயடா
பாசம் கொட்டி வளர்த்தோமடா
பாதையோரம் படுக்க விட்டாயடா
கால் கடுக்க பாதயாத்திரை சென்று
வந்தோமடா உன்னைப்பெற – இன்று
என் கால் வலி தீர வழி இல்லையடா
உன்னை ஈன்றபோது வலிக்கவில்லையடா
உன்னவள் ஈட்டி வார்த்தை இன்னும் வலிக்குதடா
மனைவியவள் வந்தவுடன் மதி மயக்கமாடா
மனிதநேயம், பாசம், நேசம் மறந்து விட்டாயடா
உனை மறக்க எமக்கு முடியாதடா உடன் நாங்கள்
மரணித்தால் மீண்டும் உனக்கே வந்து பிறப்போமடா
அப்பொழுதாவது உனது நேசம் கிடைக்குமடா
இறைவா எங்கள் குரல் கேட்பாயடா
இன்றே மரணம் கொடுப்பாயடா...
உடனே ஜனனமும் கொடுப்பாயடா...
எங்களுக்கு அழைப்பு விடுப்பாயாடா ?

திரு. வெங்கட்ஜி அவர்கள் தளத்தில் அவரது படத்திற்கேற்ற கவிதை தொகுப்பில் முன்பு நான் எழுதிய, ஒருகோடி ரூபாய் பரிசை தவற விட்ட கவிதை. மீண்டும் உங்கள் பார்வைக்கு.

சனி, மே 19, 2018

பாரதிராஜா ரஜினியை திட்டாதீர்


நட்பூக்களே திரு. ரஜினிகாந்த் அவர்களை விமர்சிக்க திரு பாரதிராஜாவுக்கு தகுதி உண்டா ? இன்றைக்கு மார்கெட்டு போனதும் வேறு பொழுது போகாமல் தமிழ்நாட்டை தமிழன்தான் ஆளவேண்டும் என்று கூவுவதற்கு வெட்கமாக இல்லை ? எந்த தமிழனை இவன் அறிமுகப்படுத்தினான் ? எந்த தமிழச்சியை இவன் அறிமுகப்படுத்தினான் ? வெளிநாட்டு, வெளிமாநிலப் பெண்களை இளமைக் காலத்தில் வாழ்ந்து அனுபவித்து அறிமுகப்படுத்தி விட்டு இப்போது கூவுகின்றான்.

பதினாறு வயதினிலே திரைப்படத்தில் இவன் ரஜினிகாந்தை நடிக்க வைக்கும்போது தெரியவில்லையா ? அது போகட்டும் அவன் உச்சாணிக் கொம்பில் இருக்கும் பொழுது 1988-ல் கொடி பறக்குது என்று படம் எடுத்து பெயரிலேயே அவனுக்கு அரசியல் மோகத்தை வளர்த்து மேலும் புகழ் சேர்த்து விட்டானே அப்போது புத்தி எங்கு போனது ? நல்லா ஓடும் பந்தைய குதிரை என்று அறிந்து கொண்ட வியாபாரி இவன். குஷ்புவுக்கு கோவில் கட்டியதை தவறு என்று சொல்கிறான் அவளையும் வைத்து படம் எடுத்து அவளை புகழ்த்தி பாடல் எழுதினானே பச்சைத் தமிழன் என்று கூவிக்கொள்ளும் வைரமுத்து ///எந்தப் பெண்ணினும் இல்லாத ஒன்று/// இப்படி எல்லாம் உயர்த்தி பாட்டு எழுதி விட்டு இப்பொழுது நாக்கு கூசாமல் பேசுறாங்களே இவனுக்கும் அரசியல்வாதிகளுக்கும் வித்தியாசம் உள்ளதா ?

ஆர். கே. செல்வமணி இவன் தமிழ் இனத்தைப்பற்றி பேசுவதற்கு என்ன தகுதி இருக்கு ? ஆந்திராக்காரி ரோஜாவை கல்யாணம் செய்தவன் அது தவறென்று நான் சொல்லவில்லை இவனுகள் எல்லாம் பொது விடயத்துக்கு வந்து மொழி உணர்வைப்பற்றி பேசும்போது முதலில் தன்னை பரிசோதித்து கொள்ளணும். பிறகு பேசட்டும் மேலே புகைப்படத்தை பார்த்தீர்களா ? இப்படி செல்ஃபி எடுக்க ஆசைப்பட்டது ரஜினிகாந்த் அல்ல ! பாரதிராஜாதான் இவனுகளெல்லாம் சந்தர்ப்பவாதி.

நம்மிடம் சம்பளம் வாங்கி நடித்தவன் இன்று நமது தமிழ் நாட்டை ஆளும் நிலைக்கு வந்து விட்டானே என்ற பொறாமை அப்புறம் என்ன ம......த்துக்கு மற்ற மாநிலத்துக்காரன்களை வைத்து படம் எடுத்தீர்கள் ? போனதெல்லாம் போகட்டும் இனிமேலாவது தமிழர்களை வைத்து படம் எடுங்கடா எனது எள்ளுப் பேரன்கள் காலத்திலாவது தமிழகத்தை தமிழன் ஆளட்டும்.

சாம்பசிவம்-
இந்த ஆளு தமிழனை தாக்கி மற்றவனை ஆதரித்து எழுதுவது சந்தேகமாக இருகிகிறதே...

Chivas Regal சிவசம்போ-
அடுத்து சிவாஜியை ராவுவாரோ ?

வியாழன், மே 17, 2018

ஒஸாமாவும், நானும்

எமிரேட்ஸ் இண்டர்நேஷனல் ஹோட்டல் துபாய்

ஒஸாமாவும், நானும் பதிவுக்கு வருபவர்கள் இதன் முந்தைய பதிவான ஸினப்பும், சித்தப்பும் படிக்க என்னை சொடுக்குக முன்பு படித்தவர்கள் உடன் தொடர்க...


ரோட்டானா ஹோட்டல் அபுதாபி

உனக்கு நாடு இருக்கின்றது வீடும் இருக்கின்றது எனது நிலையைப் பார்த்தாயா ?
உண்மைதான் இந்த விடயத்தைக் குறித்து நானும், இவனும் பலமுறை அதிகம் விவாதித்து இருக்கின்றோம் அந்த தருணங்களில் எல்லாம் நான் எனது இந்தியாவை பெருமையுடன் நினைப்பேன் பேசிக்கொண்டு இருக்கும் பொழுது இரண்டாயிரம் திர்ஹாம்ஸ் எடுத்துக் கொடுத்தேன் முழித்தான்.
என்ன விசயம் யாருக்கு பணம் ?
உனது பணம்தான் வாங்கிகொள்
அவனுக்கு நம்பிக்கையில்லை
நீ நேற்று கொடுத்தாலும் ஏதோ முட்டாள்கள் தினத்துக்காக விளையாடுறே என்று நினைப்பேன் இன்றைக்கு கொடுக்கிறே.... உண்மைதானா ?
ஆம் உனது பணம்தான் நான் தற்போது பணப்பிரச்சனைகளில் இருக்கிறேன் நாட்டுக்கு போகப் போகிறேன் ஆகவேதான் காரைக்கூட விற்று விட்டேன் இதில் எனக்கு சாதகமானது நீ மறந்து விட்டதுதான் இப்பொழுதும் எனக்கு பணப்பிரச்சனை இருக்கின்றது ஆனால் நீ நாளை ரஷ்யா போவதால் இனி நான் உன்னை காணாமல் போகலாம் ஆகவே இப்பொழுதும் கடன் வாங்கித்தான் உனக்கு கொடுக்கின்றேன் ஒருக்கால் நீ ரஷ்யா போகவில்லை என்றால் இன்றும்கூட தந்து இருக்க மாட்டேன் ஆனால் கண்டிப்பாக தந்து விடுவேன்.
அல்லா மீது ஆணையாக எனது பணம்தானா ?
ஆம்
பிறகே பெற்றுக் கொண்டான் அவன் சொன்ன ஒரு விடயம் எனக்கு பெருமையாக இருந்தாலும் பொதுநலனாக நினைக்கின்ற பொழுது வேதனையாக இருந்தது அவனது வாழ்க்கையில் இவனை மோசடி செய்த இந்தியர்களும் உண்டு.

நான் சந்தித்த, பழகிய இந்தியர்களில் உன்னை பெருமைக் குறியவனாக நினைக்கின்றேன் நான் மறந்து விட்டேன் நீ நினைத்திருந்தால் ? ரஷ்யா போகும் என்னை சந்திக்காமல் இத்துடன் போயிருக்கலாம் ஆனால் ஞாபகமாக கொண்டு வந்து தந்துட்டியே...
கடந்த சில வருடங்களாக நான் உழைத்த பணமே என்னிடம் தங்க மறுக்கின்றது அதனுடைய காரணத்தை நான் தேடி அலைகின்றேன் இந்நிலையில் உனது பணம் எனக்கு எதற்கு ? நான் அன்றாடங் காய்ச்சியாக வாழும்போதே நேர்மையாக வாழ்ந்தவன் இப்பொழுது நல்லாத்தானே இருக்கேன் நேர்மை தவறினால் ? மேல் வீட்டுக்காரன் எனக்கு இன்னும்தானே கஷ்டத்தை கொடுப்பான்.
நானாக இருந்தால் தந்திருக்க மாட்டேன்
இது எனக்கு தெரிந்த விசயம்தானே... உன்னைப்பற்றி எனக்கு எல்லாம் தெரியுமே அறுபதாயிரம் திர்ஹாம்ஸ் தவறுதலாக உனது வங்கி கணக்கில் மாறி விழுந்ததை இரண்டே நாளில் எடுத்து விட்டு அவர்கள் கேட்டவுடன் ஒரு மாதமாக அவர்களை சுற்றுல விட்டு மனசாட்சி உறுத்தியதும் பணத்தைக் கொடுத்தவன்தானே நீ இதனால் உனக்கு ஊதாரிச் செலவு இருபதாயிரம் திர்ஹாம்ஸ் செய்ததுதான் மிச்சம் அது உனக்கு கடனாகியது.
அவன் சிரித்தான்
எத்தனை வருடமாகி விட்டது இன்னும் நினைவில் வைத்து இருக்கின்றாயே ? நான் மறந்து விட்டேன் சரி உனக்கு நான் ஏதாவது செய்யணும்னு நினைக்கின்றேன் உன்னிடம் தற்போது கார் இல்லை இன்றைக்கே காரை உனது பெயருக்கு ரெஜிஸ்டர் செய்வோம் உன்னிடம் பணம் இல்லை எனக்கு தெரியும் காருக்கு பதினெட்டாயிரம் திர்ஹாம்ஸ் போடுவோம் எனக்கு மாதம் எனது வங்கி கணக்குல ஆயிரம் திர்ஹாம்ஸ் போடு.
நான் யோசித்தேன் இவன் திடீர்னு இப்படியொரு ஆஃபர் போடுறானே...

நான் குடும்ப சூழ்நிலை சரியில்லாமல் இருக்கேன் சட்டென இந்தியா போய் விடுவேன் அதனால்தானே காரை விற்றேன் ஆகவே வேண்டாம்
எதற்கும் காரை ஓட்டிப்பார்
மனதில் நப்பாசை எட்டிப்பார்த்தது உடன் காரை எடுத்தேன் பேசிக்கொண்டே போனோம் அவனிடம் கேட்டேன்
எனது பெயருக்கு மாற்றுவோம்னு சொல்றியே... நீ போனவுடன் மறுநாள் நான் காரை விற்று விட்டு இந்தியாவுக்கு போனால் என்ன செய்வே ?
உன்மீது எனக்கு நம்பிக்கை இருக்கு
எது இப்பொழுது நீ மறந்த பணத்தை நான் கொடுத்ததாலா ?
இல்லை முன்பே எனக்கு நம்பிக்கை உண்டு ஆனால் இன்றைய செயலால் 100/100% உன்னை நம்புகிறேன் காரணம் பனிரெண்டு வருடத்துக்கு முன்பு நீ சொற்ப சம்பளம் வாங்கும் பொழுது உன்னால் நினைத்துப் பார்க்க முடியாத பணம் பத்தாயிரம் திர்ஹாம்ஸ் ஒரு பேப்பரை உன்னிடம் கேட்ட அரபிக்காரனிடம் மறுத்து விட்டவன் அதனாலும் கூடத்தான்
அன்று நான் கொடுத்திருந்தால் ? ஒருவேளை நான் இன்று ஜெயிலுக்குள்ளே இருந்திருக்கலாம்தானே....
இருக்கலாம் இல்லாமலும் இருந்திருக்கலாம்
நல்லது எனக்கு கார் வேண்டாம் எதற்கும் அப்பாவிடம் (சித்தப்பு) சொல்லி விட்டுப்போ தேவைப்பட்டால் வாங்கி கொள்கிறேன்
நான் உனக்கு ஏதாவது செய்யணும்னு நினைக்கிறேன்.
அப்படின்னா.. நீ ரஷ்யா போய் பிஸினஸில் செட்டில் ஆகி இயல்பு வாழ்க்கைக்கு வந்த பிறகு எனக்கு ஒரு விசிட் விசா எடுத்து அனுப்பு உன்னால் நான் ரஷ்யாவை பார்த்ததாக இருக்கட்டும்
கண்டிப்பாக அல்லா மேல் ஆணையாக உனக்கு செய்வேன் என்று சொன்னவனை கட்டிப்பிடித்து வாழ்த்துச் சொல்லி விடை பெற்றேன்.


நானும், எக்ஸ் மகன் ஒஸாமாவும் இண்டர்நேஷனல் ஏர்போர்ட் அபுதாபி.

அரபு நாட்டின் அபுதாபியில் பிறந்த, நான் பழகிய பாலஸ்தீனியனாகிய, ரஷ்யாவில் வாழப் போயிருக்கும் ஆப்ரிக்க நாட்டு எனது நண்பன் தொழிலில் வெற்றியடைந்து விரைவில் மனைவியையும், குழந்தைகளையும் ரஷ்யாவுக்கு அழைத்து மீண்டும் சந்தோசமாக குடும்பத்துடன் வாழ இறைவனை வேண்டிக் கொள்கின்றேன் மீண்டும் அவனை ஒருநாள் நிச்சயம் சந்திப்பேன் என்ற நம்பிக்கையில் இருக்கின்றேன் முடிந்தால் எனது நண்பனை தாங்களும் வாழ்த்துங்கள் நட்பூக்களே.

அன்புடன் தேவகோட்டை கில்லர்ஜி

காணொளியில் ஒஸாமாவும், நானும்

செவ்வாய், மே 15, 2018

ஸினப்பும், சித்தப்பும்

கழுதியா பேலஸ் ஹோட்டல் அபுதாபி

கடந்த சுமார் 16 வருடங்களாக அபுதாபியில் எனக்குப் பழக்கம் எனது அலுவலகத்தில் வேலை செய்தவன் பாலஸ்தீனிய நண்பன் திரு. எக்ஸ் (அடையாளம் போதும்) ஜோக்காளியைப் போல் ஏதாவது செய்து கொண்டே இருப்பான் இவனிடம் எல்லா விசயங்களும் சகஜமாக பேசித்தான் அரபி கற்றுக் கொண்டேன் என்றும்கூட சொல்லலாம் என்னைப் பொருத்தவரையில் நல்லவன்தான் பொதுவாக பார்த்தால் ? நல்லவன் என்று சொல்ல முடியாதுதான் எனக்கு பல வகையிலும் உதவியாக இருந்தான் பண உதவியைத் தவிர இவன்தான் கணினியில் வேலை சொல்லிக் கொடுத்தான் (Program Arabic) 

இவன் பிறந்தது யூ.ஏ.ஈ. நாட்டில்தான் இருமுறை மட்டுமே பாலஸ்தீன் சென்று இருக்கின்றான் இவனுடைய அப்பாவும் எனக்கு நல்ல பழக்கம் உள்ளவர் சுமார் நாற்பது ஆண்டுகளுக்கு முன்பே அந்நாட்டுக்கு வந்தவர் அந்த நாட்டின் முக்கியமான அரசு அலுவலகத்தில் (அதன் பெயர் வேண்டாம்) முதன்மை கணக்காளராக வேலை பார்த்து தற்போது ஓய்வு பெற்றவர் அலுவல் நிமித்தமாக எனது அலுவலகத்துக்கு மாதம் இருமுறை வருவார் போவார் எனக்கும், இவருக்கும் அலுவலில் தொடர்பு இருக்கிறது அதற்காக எனது டேபிளில் உட்கார்ந்து எனது கணினியில் சில வேலைகள் செய்வார். நான் அதற்கான உதவிகளை செய்து கொடுப்பேன். இது எனது கடமை நல்லவர், வேலை விசயத்தில் வல்லவரும்கூட நாட்டுப்பற்று உள்ளவர் இதைக்குறித்து நான் இவரை அடிக்கடி பாராட்டுவேன் என்னை ஸினப்பு என்று அன்புடன் அழைப்பார் நான் பதிலுக்கு சித்தப்பு என்று அழைப்பேன்.

(இருவரும் அரபு மொழியில்தான் பேசுவோம் சித்தப்பு என்பது மட்டுமே தமிழ் சித்தப்பு என்றால் என்னவென்று அவருக்கும் சொல்லி கொடுத்தேன் ஸினப் என்றால் மீசை என்று அர்த்தம்)


 அல்ராஹா பீச் ஹோட்டல் அபுதாபி

இவர் நினைத்திருந்தால் எப்பொழுதோ அந்நாட்டின் பிரஜையாகி இருக்கலாம் ஆனால் எனக்கு என் நாடு முக்கியம் என்ற கொள்கையாளர் மறைந்த பாலஸ்தீன் அதிபர் திரு. யாசர் அரபாத் அவர்களின் உறவினரும்கூட அவர்களது வீட்டில் புகைப்படங்களும் எனக்கு உறுதி செய்தன. எக்ஸ் நன்றாக சாப்பிடுவான் அலுவலக விருந்துக்கு போனால் தட்டில் நிறைய அள்ளி வைத்து சாப்பிடுவான் அதோடு மட்டுமல்ல எனக்கும் அவனே எடுத்து வைப்பான் எனக்கு பிடித்ததை அல்ல அனைத்தும் அவனுக்கு பிடித்ததை அந்த நாட்டில் விருந்துகளில் என்னயிருக்கும், எப்படியிருக்கும் என்பதை நான் உங்களுக்கு சொல்லவும் வேண்டுமா ? முழுமையான ஒட்டகம் தோலின்றி அப்படியே டேபிளின் மீது உட்கார்ந்து இருக்கும் அதைப் பார்த்தாலே எனக்கு நடுங்கும் அதனுடன் சண்டை போட்டு கொண்டு பிய்த்து எடுப்பார்கள்.

எனக்கு மீன் வகைகள் மட்டுமே பிடிக்கும் இவன் தட்டில் கோபுரம் கட்டுவான் எனக்கும் ராஜகோபுரம் கட்டித்தருவான் வேண்டாம் என்றாலும் கேட்க மாட்டான் கொண்டு வா நான் சாப்பிடுவேன் எனக்கு சங்கடமாக இருக்கும் பெண்கள் பார்த்து சிரிப்பார்கள் இருப்பினும் பலருக்கும் தெரியும் இது யாருக்காக ? நான் என்ன சாப்பிடுவேன், எவ்வளவு சாப்பிடுவேன் என்பது சரியென அவனுக்காக கோபுரத்தை தூக்கிக்கொண்டு வந்து டேபிளில் உட்காருவேன் பெரும்பாலும் நான் பெரிய லெவலில் இருக்கும் அரபிகளுடனே உட்காருவேன் காரணம் இவர்களிடம் சமத்துவம் இருக்கின்றது மேலும் யாரிடமும் பேசுவதில் எனக்கு பயமோ, கூச்சமோ கிடையாது பெரும்பாலும் இந்தியர்கள் தனியாக ஒதுங்குவார்கள் இந்தியர்கள் என்பது யார் ? மலையாளிகளே... தமிழன் நான் மட்டுமே. எக்ஸின் மனைவியும் எனது அலுவகத்திலேயே வேலை செய்தது ஜோர்டானிக்காரி மிகவும் நல்ல குணம் எனக்கும் பழக்கமே இவர்களுடைய காதல் திருமணத்துக்கும் போயிருக்கின்றேன்.

எக்ஸ் ஒருமுறை வேலையில் அவசியமற்ற தவறைச் செய்து விட்டான் பத்துப் பைசாவுக்கு பிரயோசனம் இல்லாதது அந்த தவறு எனக்கு சாதகமானதும்கூட நான் அடிக்கடி செய்யாதே என்றாவது உனக்கு பிரச்சனை வரும் என்று சொல்வேன் கேட்க மாட்டான் சாதாரணமாகவே ஆட்களை களையெடுக்கும் அலுவலகத்தில் இந்த தவறு விஸ்வரூபம் எடுத்து விட்டது அவனைத் தூக்கினார்கள், சட்டென ஒரு வருமானம் நின்று விட்டது இந்த காரணத்தை வைத்து மனைவியையும் தூக்கி விட்டார்கள் இருவரது வருமானமும் நின்று வாழ்க்கை கேள்விக்குறியாகியது ஒரு ஆண், இரண்டு பெண் குழந்தைகளின் படிப்புக்கு வருமானம் ? வேலை போனதால் விசா பிரச்சனையும் எழுந்தது நண்பரின் கம்பெனி விசா மூலம் எவ்வளவு காலம் தள்ளமுடியும் இவனும் பாலஸ்தீன் போகமுடியாது மனைவியையும் அழைத்துச் செல்ல முடியாது மனைவியின் நாடான ஜோர்டானுக்கு மனைவியையும் விசிட் விசாவில் குழந்தைகளையும் அனுப்பி வைத்தான்.

அபுதாபியில் பல இடங்களிலும் வேலை செய்தாலும் நல்ல வருமானம் இல்லை மேலும் அந்நாடு சமீபத்தில் சிலநாட்டு மனிதர்களுக்கு விசா கொடுப்பதை தவிர்த்து வருகின்றது ஐரோப்பிய நாடுகளுக்கு போகலாம் என்று முடிவு செய்தான் அங்கும் நாடு பிரச்சனை வந்தது ஆப்ரிக்கா சென்றான் ஒருமாதம் தங்கி அந்நாட்டு பிரஜையாகி வந்தான் இப்பொழுது என் நண்பன் சட்டப்படி ஆப்ரிக்கன். ரஷ்யாவுக்கு சென்று ஏதாவது பிஸினஸ் தொடங்கலாம் என்று தீர்மானித்தான் இவன் எனது அலுவகத்தில் வேலையை நிறுத்தி இரண்டு வருடங்களாகப் போகின்றது இவன் பலமுறை என்னிடம் கடன் வாங்கி இருக்கின்றான் திருப்பித் தந்து இருக்கின்றான் எனக்கு கடன் தரமாட்டான் ஆகவே நானும் கேட்க மாட்டேன்.

ஒருமுறை அவசர சூழலாக எனக்கு இரண்டாயிரம் திர்ஹாம்ஸ் வேண்டும் அடுத்த மாதம் தருகிறேன் என்றேன் உடன் தந்தான் மறுமாதம் இவனைத் தூக்கி விட்டார்கள் மனைவி இங்குதானே வேலை செய்கின்றது சில மாதங்களில் மனைவியையும் தூக்கி விட்டார்கள் சரி உள்ளூர்தானே கொடுப்போம் நான் பணப்பிரச்சனையில் பிறகு கொடுப்போம் என்று இருந்து விட்டேன் இதில் அதிசயம் என்னவென்றால் ? அவன் எனக்கு பணம் கொடுத்ததை மறந்து விட்டான் நானும் கொடுப்போம் கொடுப்போம் என்று இரண்டு வருடத்தை தள்ளி விட்டேன் காரணம் எனக்கு கடந்த நான்கு வருடங்களாகவே பணப்பிரச்சனை தீருவதில்லை.

கையில வாங்குனேன் பையில போடலே
திர்ஹாம்ஸ் போன இடம் தெரியலே
என்ற நிலையே தொடர்திருந்தது.

 சிரியன், சூடானியன், பாலஸ்தீனியன், ஜோர்டானியன், எஜிப்தியன், தி கிரேட் இந்தியன் கில்லர்ஜி மற்றும் எமராத்தியன்.
எக்ஸின் மகன் ஒஸாமா

(இதனுள் எனது தனிப்பட்ட வேதனை சிலர் சொல்வது உனக்கென்ன மனைவியில்லை என்ன செலவு ? மனைவி என்பவள் இல்லாமல் குழந்தைகளை வளர்க்கும் காரணத்தால் நான் அதிகமான பணத்தேவையில் வாழ்ந்தேன் என்பது என்னைப் போன்ற விதவன்களுக்கு மட்டுமே தெரியும் இரண்டாவது மனைவியைக் கொண்டு வந்திருந்தால் வேறு பிரச்சனைகளை சந்திக்க வேண்டியது இருந்திருக்கும் என்பது வேறு விடயம்)

அவனைச் நான் கடைசியாக சந்தித்த ஏப்ரல் 02-ம் தேதி அவன் சொன்னான்.

தொடரும்...
Related Posts Plugin for WordPress, Blogger...