அருந்ததி பார்த்தேன்

ஏங்க நம்ம பையனோட ஜாதகத்தை பார்ப்போம் உங்களுக்கு ஏதாவது கிரகம் இருக்கானு...

எனக்கு கிரகம் புடிச்சுதான் பதினேழு வருசம் ஆச்சே அதுக்கு ஏன் சோஸியர்கிட்டே போகணும் ?

என்னங்க சொல்றீக எனக்குத் தெரியாமே யாருட்ட பார்த்தீக ? 

எனக்கும் கொஞ்சம் ஜோஸியம் தெரியும்.

இத்தனை வருஷமா சொல்லவே இல்லே... ?

நீ கேட்கவே இல்லே...

சரி அப்படின்னா ஏதாவது பரிகாரம் செய்யலாமுள்ள ?

செய்யலாம்........ அதுக்கு நீ ஒத்துக்கமாட்டே.

யேன் அப்படி என்ன பரிகாரம் சொல்றீக ?

நாம விவாகரத்து செய்யணும் செய்வோமா ?

நேத்துவரை நல்லாத்தானே இருந்தீக எதுலயாவது மிதிச்சுட்டீகளா ?

ஆமா அம்மி மிதிச்சேன்.

அம்மியா ஏன் ?

ஆமாடீ அம்மி மிதிச்சுதானே அருந்ததி உன்னைப் பார்த்து, ஒங்கழுத்துல தாலி கட்டுனேன்.

ஆமா.....மா, இங்கேயும் ஜிமுஜிமுன்னுதான் வாழுது, ஏற்காட்டுல யேன்மாமன் மகனுக்குகூட கேட்டாக, ஏதோ... யேங்கிரகம் இங்கே வந்து கொட்டணும்னு தலையில எழுதியிருக்கு.

பாத்தீயா கிரகம் எங்கேயிருந்து வந்துருக்குனு, வ்வோவாயாலயே சொல்லிட்டே, யேங்கிரகம்னு அப்ப கிரகத்தை நீ தானே கொண்டு வந்தே.

யேன், மச்சானை கட்டி யருந்தாலும்... என்னை துபாய்க்கு கூட்டிப் போயிருப்பாக,

யாரு அந்த, மூஞ்சுருவாயனா ? ஒன்னைக் கொண்டு போயி துபாய்ல, தூப்பாய் கழுவ விட்ருப்பான், அப்படிப் போயிருந்தாலும் நானாவது நிம்மதியா பாவனாவை கட்டியிருப்பேன்.

அதுசரி இன்னும், அவ நினைப்புலதான் ஓடிக்கிட்டு இருக்கா போக வேண்டியதானே... யாரு இங்கே புடிச்சுக்கிட்டு இருக்காக...... ?

அதுக்குத்தான், விவாகரத்து கேட்டேன்.

எனக்கும், யேன் மவனுக்கும் கொடுக்க வேண்டியதை கொடுத்தா நான் எங்கம்மா வீட்டுக்கு போயிடுவேன்ல...

இங்கே என்ன இருக்கு சட்டியில இருந்தாதானே கரண்டியில வரும்.

தெரியுதுல அப்ப எதுக்கு ? இன்னொரு சிறுக்கி, காஞ்சிபுரத்துல கஞ்சிக்கு வழியில்லாதவன் குளித்தலை வந்து தலைக்கறிதான் வேணும்னு கேட்டானாம்

என்னடீ... பேச்சு, கொஞ்சம் ஓவராபோகுது... பழமொழிகூட புதுசா இருக்கு.

எல்லாம்.. கில்லர்ஜிகிட்டே, படிச்சதுதான்.

உனக்கும், அவருக்கும், என்னடி சம்பந்தம் ?

யோவ், வாயைக் கழுவுயா.... அவரு, ரைட்டரு... போனவாரம்தான் அவரு, கதையில வந்துச்சு, வலைப்பதிவர் மைதிலி கஸ்தூரி ரெங்கன் அக்காகூட சொல்லியிருக்காங்க,,, ஈரமனிதர்னு... அவரு ரொம்ப நல்லவரு...

ஏண்டி விளங்கா... முடுமை.

அடா... டாடா.... பொழுது விடிஞ்சா ஒரே பஞ்சாயத்துதானா நிம்மதியா கிரிக்கெட் பார்க்க முடியுதா ? இந்த வீட்டுல, நான் போறேன் ப்ரண்டு வீட்டுக்கு.

இவன் ஒருத்தன், தொலைஞ்சு போடா வெளியே.....

இப்ப சந்தோஷமா எம்புள்ளைய விரட்டி விட்டுடீகள்ல.

அடியே... கூறுகெட்ட குக்கரு, எல்லாம் காரணமாத்தான்.... அவனை விரட்டத்தான் அப்படிப் பேசுனேன், நமக்கு ஜாதகத்துல பொம்பளைப்புள்ள பொறந்தாத்தான் யோகமாம்.

இது எந்த கூறுகெட்ட, ஜோஸியரு சொன்னாக ? 

நம்ம, சோலந்தூர், சோஸியர் சோனைமுத்துதான்.

அவன் வாயில மண்ணை அள்ளிப் போட உங்களுக்கு வாக்கப்பட்டா சீமைய ஆளுவேன்னு அவன் சொன்னதை கேட்டுத்தான், எங்க அப்பாரு சீரழிஞ்சாரு இப்ப இது வேறயா இப்ப எந்திரிச்சு வெளியில போகல மூஞ்சியில கழனித் தண்ணிய ஊத்திடுவேன்.

(சட்டென புருஷனை வெளியே தள்ளிதாழ் போட்டுக் கொண்டாள் அருந்ததி)

காணொளி

(Please ask Audio Voice)