கற்றபின் நிற்க அதற்குத் தக !

௵ 2014 ஒருநாள் கோயமுத்தூர் பேருந்து நிலையம் தி கிரேட் தேவகோட்டை போவதற்கு பேருந்துக்காக நின்றிருந்தேன் இயற்கையின் சீற்றம் காரணமாகய் கட்டண கழிப்றைக்கு போனேன் நீண்ட................... வரிசையில் மக்கள் வெள்ளத்தை கண்டு மிரண்டு விட்டேன் காரணம் அவ்வளவு அவசரம் என்ன செய்யலாம் ? வேறு வழியின்றி நடைபாதை மேம்பாலம் ஓரமாய் இருந்த சிறிய சந்தில் நுழைந்தேன் ஏற்கனவே தோழர்கள் சிலர் குட்டிச்சுவற்றின் எதிர்புறமாய் கம்பீரமாய் நின்றிருந்தார்கள் சரியென நானும் வந்த வேலைக்கு ஆயத்தமாகும் போதுதான் பார்த்தேன்... எதிர்புற சுவற்றில் எழுதியிருந்த வாசகத்தை படித்ததும் சுருக்கென்று மனம் வலித்தது நமக்கு ஆறறிவு என்று சொல்லி விட்டார்களே அய்யகோ நானென்ன செய்வேன் ? 

நாம் ஐந்தறிவு ஜீவியாக பிறந்திருக்க கூடாதா ? இந்தப் பாழாப்போன மானிடர்களுடன் பேச்சுக் கொடுக்காமல், இந்த வாசகத்தை படிக்காமல், இந்த வேலையை எந்த இடத்திலும் முடித்துக் கொண்டு போய்க்கொண்டே இருக்கலாமே... மனம் சுருக்கென்று வலித்த காரணத்தால் தொடங்கிய வேலையை உடன் நிறுத்தி விட்டு திரும்பி விட்டேன் திரும்பும்போது... திரும்பி பார்த்தேன் 

(காரணம் வந்த பாதையை திரும்பி பார்ப்பது எனது சிறுவயது தொடங்கிய பழக்கம் நல்ல பழக்கம்தானே தோழர்களே) 

அந்த தோழர்கள் கம்பீரமாகவே நின்றிருந்தார்கள் சரி இவர்கள் அதை படிக்கவில்லையா ? ஒருவேளை என் இனிய தமிழ் படிக்கத் தெரியாதோ ? கோயமுத்தூரில்தான் இப்போது தமிழர்களைவிட பிற மாநிலத்தினர் அதிகமாகி விட்டதாகவும் விரைவில் இதை கேரளத்தோடு இணைப்பதாகவும் நமக்கு ரகசிய செய்தியொன்று வந்ததே உண்மைதானோ ? ஒருவேளை மலையாளியோ ? இல்லை தெலுங்கரோ ? இல்லை கன்னடரோ ? இல்லை ஹிந்திக்காரரோ ? அதெப்படி ? ஒருவர்கூட தமிழர் இல்லையா ? எப்படியோ போகட்டும் நமக்கென்ன ?  ‘’நான் தமிழன்டா’’ என்று பெருமையோடு ஓடினேன் கட்டண கழிப்பறையை நோக்கி வரிசையில் நிற்க. சொல்ல மறந்து விட்டேனே... அந்த வாசகம் என்ன தெரியுமா ?

‘’பன்றிகளும், நாய்களும் மட்டும் இங்கு சிறுநீர் கழிக்கவும்’’

Chivas Regal சிவசம்போ-

ஆரம்பத்துலயே வரிசையில் நின்றிருந்தால் இந்நேரம் தேவகோட்டை பேருந்தை பிடிச்சு அப்படியே ‘’வலைச்சித்தர்’’ தனபாலனை பார்த்து டவுட்டு கேட்டுப்புட்டு திண்டுக்கல்லை தாண்டி இருக்கலாம், நாம சொன்னால் குடிகாரப்பய’’னு சொல்லுவாங்க.

 காணொளி