மலைகளோடு, மடு

வலைப்பூ நண்பர்களுக்கு ஒரு அறிவிப்பு கடந்த வருடம் வலைஞர்கள் சங்கம் நடத்திய குலுக்கல் பரிசு மூன்று நபர்களுக்கான இந்தியாவின் சென்னையிலிருந்து U.K. லண்டன் சென்று வருவதற்கான விசா, பயணச்சீட்டு, தங்குமிடம், மற்றும் உணவுச்செலவு ஆகியவை பதிவர்கள் 

திரு. ஜியெம்பி அவர்கள் பெங்களூரு, முனைவர் திரு. பழனி கந்தசாமி அவர்கள் கோயமுத்தூர் மற்றும் திரு. கில்லர்ஜி தேவகோட்டை 

இவர்கள் மூன்று பேருக்கும் பரிசு கிடைத்தது தாங்கள் அனைவரும் அறிந்ததே இதோ அவர்கள் லண்டன் சென்று வந்த பயண அனுபவம் பற்றி எழுதுபவர் தேவகோட்டை திரு. கில்லர்ஜி அபுதாபியிலிருந்து.

இடம் : லண்டன் ப்ளீட்வோண்ட் பார்க் மாலை நேரம் 5:30

பங்களிப்போர் : திரு. ஜியெம்பி ஐயா, முனைவர் திரு. பழனி கந்தசாமி ஐயா மற்றும் கத்துக்குட்டி கில்லர்ஜி

கந்தசாமி சார் பூங்கா எவ்வளவு அழகாக பராமரிக்கிறாங்க.... நம்மூருல இதையேன் ஃபாலோ பண்ண மாட்றாங்க ?

ஜியெம்பி சார் இதற்கெல்லாம் அரசாங்கத்தை குறை சொல்லி பயனில்லை மக்கள் முதலில் ஒழுக்கமான பழக்க வழக்கத்துக்கு வரணும் அதோ பாருங்க அந்தப் பெரியவர் எழுந்து போய் குடித்த கூல்ட்ரிங்ஸ் டின்னை குப்பைத் தொட்டியில் போட்டு வர்றாரு... இதுதான் அடிப்படை காரணம்.

பெங்களூருல லால் பார்க், கப்பன் பார்க் அதுவும் ஓரளவு இதே தரத்துக்கு பராமரிக்கத்தான் செய்யிறாங்க... தமிழ் நாட்டுல பேருலதான் பார்க் இருக்கு.

அது தமிழன் வாழுற நாடு அப்படித்தான் இருக்கும் அதோ பாருங்க ஒரு பொடியனை தமிழ்க் குடும்பம் மாதிரித்தான் இருக்கு குப்பையை எத்தி விளையாடுறான் அதை தடுக்கிறாங்களா ? இல்லையே இதுதான் நமது வளர்ப்பு முறை. 

ஐயா நான் போய் ஸ்டாலில் குடிக்க ஏதாவது வாங்கிட்டு வரட்டுமா ?

நல்லது கில்லர்ஜி எனக்கு இளநீர் டின்ல வச்சு இருந்தாங்கே அதை வாங்கிட்டு வாங்க, ஜியெம்பி உங்களுக்கு ?

கில்லர்ஜி எனக்கு கொக்ககோலா டின் வேண்டாம் அதோ அந்த ஸ்டாலில் ஃப்ரெஸ்சா... கப்’’ல ஸ்ட்ரா போட்டுத் தர்றான் அதை வாங்கிக்கங்க....

சரி ஐயா போயிட்டு வாறேன்.

கில்லர்ஜி இடத்தை காலி செய்ததும்...

என்ன சார் கில்லர்ஜிகிட்டே கொக்ககோலா வாங்கிட்டு வரச்சொல்லி இருக்கீங்க ?

ஏன்... கந்தசாமி சார் அதனாலென்ன ?

கில்லர்ஜி கோக்குமாக்கான ஆளு அவரு... கொக்ககோலாவுல எதையாவது போட்டு வாங்கிட்டு வந்துட்டா ? இதுக்குத்தான் நான் டின் வாங்கச் சொன்னேன்.

என்ன சார் நீங்க... நானே வயிற்றுக்கு ஒரு மாதிரியா இருக்கேன்னு கோலா வாங்கச் சொன்னேன் நீங்க மேற்கொண்டு வயிற்றைக் கலக்குறீங்க ?

எனக்கு தோணுச்சு சொன்னேன் ஏன்னா கில்லர்ஜி பதிவு எழுதும் போது நான் வேற மா3 அப்படின்னு தலைப்பு வச்சதிலருந்து நான் இவருக்கிட்டே கொஞ்சம் கவனமாகத்தான் இருக்கேன்.

இப்ப என்ன செய்யிறது கொக்ககோலா குடிக்கவா ? வேண்டாமா ?

எதுக்கும் அவர் வரட்டும், அவருக்கு என்ன வாங்கிட்டு வந்துருக்காருன்னு... பார்ப்போம் சூழ்நிலையை வச்சு நான் கண்ணைக் காட்டுறேன் நீங்க கோலாவை அவரைக் குடிக்கச் சொல்லுங்க அவருக்கு வாங்கிட்டு வந்ததை நீங்க குடிங்க அவரு தயங்காமல் குடிக்கிறாரான்னு பார்ப்போம்.

நல்லது நீங்க சொல்றபடியே செய்வோம்.

கில்லர்ஜி பெரிய பேப்பர் பேக்கிங்கோடு வந்து கீழே உட்கார்ந்து பிரித்து வைத்து கந்தசாமி ஐயாவுக்கு இளநீர் டின்னும், ஜியெம்பி ஐயாவுக்கு, கொக்ககோலா ஃப்ரெஸ்ஸூம் ஸ்டாராவும் எடுத்துக் கொடுக்க... ஜியெம்பி ஐயா, கந்தசாமி ஐயாவைப் பார்க்க...

என்ன கில்லர்ஜி உங்களுக்கு வாங்கலையா ?

இதோ பாருங்கள் ஸூப்பர் ஐயிட்டம்.

இதென்ன.... இவ்வளவு நீளமா புதுசா இருக்கு ?

ஆமாங்கய்யா... ½ லிட்டரு இதுக்குப்பேரு... மேல்ட்மெல்ட் ஸூப்பரா இருக்கும் மேலுகாலுக்கு நல்லதாம் வயிற்றில் ஏதும் அஜீரணம் ஆகாமல் இருந்தால் உருட்டி வெளியே கொண்டு வந்துடுமாம் நாமலே டூர் வந்ருக்கோம் வந்த இடத்தில் வயிற்றை சுத்தமாக வச்சுக்கிறது நல்லதுதானே கீழே குறிப்பு கொடுத்து இருக்காங்கே... படிச்சுப் பார்த்தேன் அதான் ரெண்டு வாங்கி கிட்டேன்.

ரெண்டா ? இது நல்லாயிருக்கும்னு உங்களுக்கு எப்படித்தெரியும் ?

நேற்று கேம்ஸ் ப்ரிட்ஜ் போனோமே.... அப்ப நீங்க ரெண்டு பேரும் விஞ்ஞான வளர்ச்சியை தடுக்க முடியுமா’’ன்னு பேசிக்கிட்டு இருந்தீங்கள்ல அப்ப அங்கே மிஷின்ல இருந்துச்சு காய்ன்ஸ் போட்டு எடுத்து குடிச்சேன்.

அப்ப எங்களுக்கு வாங்கலையே.... ?

நீங்க பேச்சுல மும்முரமாக இருந்தீங்க... அதனாலதான் விட்டுட்டேன்.

டின்னே எவ்வளவு அழாகாக இருக்கு.

ஆமா ஜியெம்பி கொக்ககோலாவை கில்லர்ஜிக்கு கொடுத்துட்டு நீங்க ஒரு டின் வாங்கிகங்க... கில்லர்ஜி எனக்கு ஒண்ணு கொடுங்க...

என்னங்கய்யா... உங்களுக்குத்தான் இளநீர் இருக்கே ?

இளநீரையும் நீங்களே குடிங்க நேற்று எங்களுக்குத் தெரியாமல் குடிச்சீங்கள்ல அதுக்குத் தண்டனை.

இருவரும் ஆளுக்கு ஒரு மேல்ட்மெல்ட் டின் வாங்கி ஓஃபன் செய்து குடிக்க கில்லர்ஜி கொக்ககோலாவையும், இளநீரையும் மாற்றி மாற்றி குடிக்கவும்...

கில்லர்ஜி முதல்ல கொக்ககோலாவை மட்டும் குடிங்க...

ஐயா இளநீர்ல... இயற்கையாகவே குளிர்ச்சி இருக்கு, அதேபோல கொக்ககோலாவுல Azecitye Fratings அப்படிங்கிற எஸன்ஸ் மிக்ஸ் பண்ணுறாங்க இது உடல் குளிச்சியை 85 % செண்டி மீட்டர் அளவுக்கு மேலே போக விடாமல் தடுக்கும் அப்ப கொக்ககோலா குடிக்கும்போது இளநீரையும் சமநிலைக்கு மிக்ஸாக்கி குடிச்சா அதுக்கு எதிர்புறமாக வேலை செய்து குடல்வாயுவை திறந்து விடும் இதனால் குடல்புண் வர்றதை தடுத்து விடும் இதுக்காகத்தான் நான் மிக்ஸ் பண்ணிக்கிட்டே குடிக்கிறேன்.

இதெல்லாம் உங்களுக்கு எப்படித் தெரியும் ?

ஐயா நான் ஸைக்காலஜி படிக்கும் போது இதையும் கத்துக்கிட்டேன்.

ஸைக்காலஜியில இதெல்லாம் சொல்லித் தர்றாங்களா ?

கந்தசாமி சார் கில்லர்ஜி விபரமான ஆளுதான் எவ்வளவு விபரம் தெரிஞ்சு வச்சு இருக்காரு...

சரிதான் இந்த மேல்ட்மெல்ட் நல்லாத்தான் இருக்கு இதோட அளவுதான் அதிகமாக இருக்கு பசியடங்கி விடும் போலயே...

சரி கில்லர்ஜி கிளம்புங்க இப்படியே... வாக்கிங்கா.. லாட்ஜுக்கு போவோம் ஒரு மாதிரியா இருக்கு.

ஆமா ஜியெம்பி சார் எனக்கும் அப்படித்தான் இருக்கு நடங்க...

மூவரும் குடித்துக் கொண்டே பக்கத்தில் இருக்கும் Le Meridian Hotel-லை நோக்கி நடந்தார்கள்.

தொடரும்...