என்ன கொடுப்பார் ?

01. செய்த தவறுக்கு இறைவனிடம் தண்டனை உண்டு என்கிறார்களே செய்யாத குற்றத்திற்க்காக நீதி மன்றங்களின் தவறுகளால், ஆட்சியாளர்களின் அதிகாரத்தால் சிறைச்சாலைகளில் எத்தனையோ நிரபராதிகள் தண்டனை அனுபவிக்கின்றார்கள் அப்படியானால் இவர்களுக்கு இறைவன் என்ன கொடுப்பார் ?

02. பொது இடத்தில் நின்று கொண்டு சிறுநீர் கழித்ததின் காரணமாய் எந்த விசாரணையுமின்றி 36 ஆண்டுகள் சிறையில் இருந்தவருக்கு இறைவன் என்ன கொடுப்பார் ?

03. இவ்வளவு ஏன் பொது நலத்திற்காக குரல் கொடுத்து தனது இளமைப் பருவத்தை 27 ஆண்டுகள் சிறையில் கழித்தாரே நெல்சன் ரோபிசலா மண்டேலா இவருக்கு இறைவன் என்ன கொடுப்பார் ?

04. மக்களின் சுதந்திரத்திற்கு முன் நின்ற காரணத்தால் நாதுராம் விநாயக் கோட்ஷேவால் சுடப்பட்டவருக்கு இறைவன் என்ன கொடுத்திருப்பார் ?

05. சுட்டதின் காரணமாய் கோட்ஷேவுக்கு இறைவன் என்ன கொடுத்திருப்பார் ?

06. கோட்ஷேவை சுடச் சொன்னவருக்கு இறைவன் என்ன கொடுத்திருப்பார் ?

07. கோட்ஷே செய்தது சரி என்றவருக்கு இறைவன் என்ன கொடுத்திருப்பார் ?

08. கோட்ஷே செய்தது தவறு என்றவருக்கு இறைவன் என்ன கொடுத்திருப்பார் ?

09. தீர்ப்பு தவறென்று தெரிந்தும் தீர்ப்பெழுதிய நேற்றுவரை இறந்து போன நீதியரசர்களுக்கு இறைவன் என்ன கொடுத்திருப்பார் ?

10. நாளை முதல் இறக்கப் போகும் நீதிமான்களுக்கு இறைவன் என்ன கொடுப்பார் ?

11. உலகமே அறியப்பட்டவரை உலகறிய கொலை செய்தவனைகூட குற்றவாளி அல்ல ! என வாதாடிய வழக்கறிஞருக்கு இறைவன் என்ன கொடுப்பார் ?

12. குற்றம் செய்யாதவர்களைக்கூட அடித்து துன்புறுத்திய காவல்துறையினருக்கு இறைவன் என்ன கொடுப்பார் ?

13. அரசாங்க உத்தரவு தனது வேலை என்பதால் குற்றவாளிகளின் தலையை வெட்டியவருக்கு இறைவன் என்ன கொடுப்பார் ?

14. மார்ச்சுவரியில் பிரேதத்தைக்கூட கூறுபோடும் மருத்துவர்களுக்கு இறைவன் என்ன கொடுப்பார் ?

15. மனதால் பாதிக்கப்பட்டவரை பேய் பிடித்து விட்டதென சொல்லி சவுக்கால் அடிக்கும் மந்திரவாதிகளுக்கு இறைவன் என்ன கொடுப்பார் ?

16. இறைவனை நீ இல்லை என்ற நாத்திகர்களுக்கு இறைவன் என்ன கொடுப்பார் ?

17. இறைவனை வணங்கிய, வணங்கும் ஆத்திகர்களுக்கு இறைவன் என்ன கொடுப்பார் ?

18. இறைவனுக்கு தீபம் காண்பித்தது போலவே.... சங்கராச்சாரியார், நித்யானந்தா, பிரேமானந்தா போன்ற ஞானிகளுக்கு தீபம் காண்பித்தவருக்கு இறைவன் என்ன கொடுப்பார் ?

19. இறைவனுக்கு தீபம் காண்பித்தது போலவே.. இறந்து போன குடிகார தந்தையின் போட்டோவுக்கு தீபம் காண்பித்தவருக்கு இறைவன் என்ன கொடுப்பார் ?

20. வழிபாட்டு ஸ்தலங்களை கட்டியவர்களுக்கு இறைவன் என்ன கொடுத்திருப்பார் ?

21. வழிபாட்டு ஸ்தலங்களை இடித்தவர்களுக்கு இறைவன் என்ன கொடுத்திருப்பார் ?

22. நடிகைகளுக்கு கோவில் கட்டிய, கட்டவுட்டிற்கு பாலாபிஷேகம் செய்த மாமனிதனுக்கு இறைவன் என்ன கொடுப்பார் ?

23. கருணை வடிவாகவே வாழ்ந்த அன்னை தெரசாவுக்கு இறைவன் என்ன கொடுத்திருப்பார் ?

24. கொடுங்கோல் ஆட்சி நடத்திய அடோல்ஃப் ஹிட்லருக்கு இறைவன் என்ன கொடுத்திருப்பார் ?

CHIVAS REGAL சிவசம்போ-

அஞ்சு பைசாவுக்கு வித்த ஊறுகாயைக்கூட ரெண்டு ரூபாய் ஆக்கிட்டாங்களே இவெங்களுக்கு இறைவன் என்ன கொடுப்பார் ?

காணொளி