மொக்காசியா To மெல்லேந்தியா

இதன் முந்தைய பகுதியை படிக்க கீழே சொடுக்குக... I like Indian People

ஃபுல்ஸி என்ன இது ?

ரண்ஸிட் இப்போ உன்னோட உடம்பிலிருந்து ரத்தத்தை எனது உடம்புக்கு டிரான்ஸ்பர் பண்ணப்போறாங்க முழுவதும் இல்லை பாதிதான் அதன் பிறகு நீ இங்கேயே ஒரு மாதம் தங்கி ரெஸ்ட் எடுத்து உடம்பைத் தேற்றிக் கொள்ளலாம் எல்லாம் நான் பார்த்துக்கிருவேன் பயப்படாதே..

நான் எதுக்கு ரத்தம் கொடுக்கணும் சம்மதிக்க மாட்டேன் உனக்கு ரத்தம் மாற்றும் அளவுக்கு என்ன பிரச்சனை ?

இதோ பார் எனக்கு இருக்கின்ற பவருக்கு உன்னிடமிருந்து சுலபமாக ரத்தம் எடுக்க முடியும் அதை முதலில் புரிந்துகொள்.

உன்னிடம் ரத்தம் வாங்க பணம் இல்லையா ?

ஹூம் பணம் இல்லையாவா... உனக்கு ஞாபகம் இருக்கின்றதா ? நீ முதல் தடவை ட்ரெயினிங்கில் நடந்த சிறிய விபத்தில் உன்னை இதே Hospitalலதான் சேர்த்தேன் அப்ப Doctorதான் சொன்னாரு என்னைப் போலவே உனக்கும் Z.hp 005 group Blood அப்படின்னு இது அபூர்வமான வகை உலகத்திலேயே ஆயிரம் பேருக்கு மட்டும்தான் இந்தவகை ரத்தம் இருக்காம் இதற்காக நான் ஒவ்வொரு வருடமும் மில்லியன் கணக்கில் செலவு செய்யிறேன் உனக்கு வேண்டிய பணம் எவ்வளவு வேண்டுமானாலும் கேள் மறுத்தே ரத்தத்தை எடுத்துட்டு உன்னை விபத்துல இறந்தது மாதிரி செய்ய முடியாதுன்னு நினைக்காதே... ஆனால் உன்னைக் கொல்ல எனக்கு மனமில்லை காரணம் எனக்கு நீ வேணும் காலம் முழுவதும் வேணும்.

உனக்கு என்ன வியாதி ?

எனக்கு ஃப்ளீட்டாங் கோஷி அப்படின்னு புதுவகை வியாதி இருக்கு இதை வருடத்துக்கு ஒருமுறை ரத்தம் 60 % மாற்றினால் போதும் உனக்கு ஒன்றும் ஆகாது பயப்படாதே.... நீ விரும்பியது மாதிரியே என்னை கல்யாணம் செய்துக்க... உனக்கு வேண்டியதை நான் தர்றேன்.

இந்த வியாதி உனக்கு எப்படி வந்துச்சு ?

என்னோட நாலாவது கணவரோடமிருந்து இது தெரிந்தவுடன் அவரை உடனே டைவேர்ஸ் செய்துட்டேன்.

அடிப்பாவி நாலாவது கணவரா ? இந்த லட்சணத்துல நான் வேறயா ? ஆஹா இப்ப உயிருக்கே உலையாகிடும் போலிருக்கே ஏண்டி எங்க ஊருக்காரன் எத்தனை பேருக்கு அல்வா கொடுத்துருக்கான் என்னை இப்படி..... கொண்டு வந்து நிறுத்திட்டியடி... நெல்லைத்தமிழருக்கு தெரிந்தால் கேட்டு வாங்கிப்போடும் கதைக்கு எழுதிக் கொடுத்து நாறடிச்சுருவாரே.... இதுக்குத்தான் சிரிச்சியாடி நான்தான் முட்டாள்த்தனமா காதல்னு நினைச்சுட்டேன் பக்குவமாக சமாளிப்போம் வேறவழி இங்கே முடியாதுன்னு சொல்ற நிலைமை இல்லை இந்த தடியன்களை கண்டாலே அலர்ஜியாகுதே... ஒரு தடவை ரத்தம் கொடுத்துட்டு ஓடிடலாம்.

அப்ப எனக்கு ஒண்ணும் ஆகாதுல... ?

ஒண்ணும் ஆகாது பயப்படாதே... உனக்கு நான் இருக்கேன்.

அப்படின்னா.... என்னைக் கல்யாணம் செய்துக்கிருவியா ?

ஷ்யூர்... ப்ராமிஷ்... I like Indian People

அடிப்பாவி இந்த வார்த்தையில்தானடி விழுந்தேன் அரை மனதுடன் வேறு வழியின்றி தலையாட்ட அவனை பெட்டில் படுக்க வைத்து அடுத்த பெட்டில் ஃபுல்ஸி கைட்லி படுக்க மருத்துவ ஐயிடங்களுடன் கருவிகள் பொருத்தப்பட ரஞ்சித் மனதுக்குள் தனது குலதெய்வத்தை வேண்டிக்கொண்டான் என்னை நல்லபடியாக ஊரு கொண்டு போய் சேர்த்திட்டா இந்த வருஷக்களரிக்கு கிடா வெட்டுறேன் மனம் பலவாறு நினைக்க மயக்கம் வருவதுபோல் இருந்தது.

ஹாய் மிஸ்தர். ரண்ஸிட்

கன்னத்தை யாரோ தட்டுவதை உணர்ந்த ரஞ்சித் கண் விழித்தான் டாக்டர்தான் நம்ம உயிரோட இருக்கின்றோமா ? கைகளை தடவிப் பார்த்தான் உண்மைதான் உயிர் இருக்கின்றது பக்கத்தில் டாக்டர் மறுபுறம் ஃபுல்ஸி வழக்கம் போல் தே.தி.மு.க கொடியாய்...

தாங்க்ஸ் ரண்ஸிட் ஐ லவ் யூ.

சட்டென கையால் தனது உதட்டை மூடிக்கொண்டான் அவள் ‘’பச்சக்’’ கொடுத்து விட்டால் ? மெலிதாக சிரித்து வைத்தான் உடம்பு அடித்துப் போட்டதைப் போல் ரணகளமாய் இருந்தது நர்ஸ் ஒருத்தி ஜூஸ் கொண்டு வந்து கொடுக்க குடித்தான்.

ரண்ஸிட் நீ ரெஸ்ட் எடு நான் ஈவ்னிங் வந்து அழைத்துப் போகிறேன்.

வாயில் கை வைத்துக் கொண்டு தலையாட்ட டாக்-கிடம் சொல்லி விட்டு போனவள் மீண்டும் மாலை வந்தாள் ரஞ்சித்தை அழைக்க... காருக்கு வந்ததும்...

இப்ப எங்கே போறோம் ?

என்னோட பங்களாவுக்கு...

வேண்டாம் ஹோட்டலுக்கு போறேன்...

நம்ம பங்களா இருக்கும் போது ஹோட்டல் எதுக்கு ?

அது வந்து நான் டயர்டா இருக்கேன் பங்களாவுக்கு வந்தால் உன்னைப் பார்த்துக் கொண்டு சும்மா இருக்க முடியாது அதனாலதான்....

ஹாஹாஹா நாட்டி பாய்....

வேறொரு ஹோட்டலுக்கு சென்று அவனுக்கு அறை போட்டு கொடுத்து விட்டு நாளை காலை வருவதாக சொல்லி விட்டு போனாள் அறைக்குள் வந்ததும் வெண்ணீரில் வெகுநேரம் குளித்தான் உதட்டுக்கு பத்து முறைக்கும் மேல் சோப்பு போட்டு கழுவினான் பிறகு டின்னர் ஆர்டர் கொடுத்து வந்ததும் சாப்பிட்டு விட்டு நாளை அவள் வந்ததும் எப்படி பேசவேண்டும் என்று மனதுக்குள் திட்டம் போட்டுக் கொண்டே உறங்கினான்.

மறுநாள் காலை...

குத்மார்னிங் மிஸ்தர். ரண்ஸிட் ஐ லவ் யூ.....

ப்ளைன் கிஸ் பறந்து வந்தது... பிடிப்பதுபோல் நடித்து பறக்க விட்டு...

குட்மார்னிங் ஃபுல்ஸி.

இரவு தூக்கம் எப்படி ?

குட். ஃபுல்ஸி நேற்று என்னோட அம்மாவிடம் நம்மோட கல்யாணத்தைப் பற்றி பேசினேன்.

ஓ.... வெரிகுத் நான் ரெடி நாளைக்கே செய்துக்கிறலாம்.

இல்லை எங்க குடும்பத்துல அம்மா இல்லாமல் செய்ய மாட்டோம் உன்னோட ஃபோட்டோவை பார்த்துட்டு அம்மா உடனே உன்னை பார்க்கணும்னு சொன்னாங்க...

ஓகே நாளைக்கே விசா அப்ளை செய்து அம்மாவை வரவைப்போம்.

அம்மா ஒரு கிப்ட் கொடுத்து விட்டாங்க. உனக்கு கொடுக்கச் சொல்லி இதோ.

புடவை பேக்கிங்கை கொடுத்தான் வாங்கியவள் பிரித்துப் பார்த்து..

வாவ்... ஃபென்டாஸ்டிக் இதை எனக்கு யூஸ் பண்ணத் தெரியாதே...

அதுக்குத்தான் அம்மா வந்து உனக்கு ட்ரெயினிங் கொடுப்பாங்க...

வாவ் குத் ஐடியா...

நான் இன்றைக்கே மொக்காசியா போயிட்டு அங்கிருந்து உடனே இந்தியா போய் உனக்கு அம்மாவோட பாஸ்போர்ட் காப்பி அனுப்புறேன் விசா அனுப்பு அம்மாவைக் கூட்டிக்கிட்டு வர்றேன்.

ஏன் மெயில்ல அனுப்பி வைக்கச் சொல்லு உடனே விசா அனுப்புவோம் அவங்க மட்டும் வரத்தெரியாதா ?

அவங்க வயசானவங்க தனியாக வரத்தெரியாது அப்புறம் என்னோட பிரதர்ஸிடம் நான் முறையாக சொல்லி கல்யாணத்துக்கு பர்மிசன் வாங்கணும்.

நாம கல்யாணம் செய்துக்கிற அவங்க பெர்மிசன் எதுக்கு ?

இது எங்க நாட்டு பழக்கம் மாற்ற முடியாது ப்ளீஸ்...

இட்ஸ் ஓகே உனக்கு பணம் ஏதும் வேண்டுமா ?

யோசித்தவன் வேண்டாமென தலையாட்டினான்.

சரி எப்ப போகணும் ?

இன்றைக்கே ப்ளைட் இருந்தால்... மாற்றிக்கொடு மொக்காசியா போறேன்.

சரி உன்னோட இண்டியன் பேங்க் அக்கவுண்ட் டீட்டியல்ஸ் கொடு.

எதுக்கு ?

கொடு.

தயக்கத்துடன் எழுதிக் கொடுத்தான் வாங்கியவள் ரஞ்சித்துக்கு ‘’பச்சக்’’ கொடுத்து விட்டு...

தயாராக இரு ஈவ்னிங் ப்ளைட் டிக்கெட்டோடு வர்றேன்.

அவள் வெளியேறியதும் சட்டென்று டாய்லெட்டுக்குள் ஓடி சோப்பை எடுத்து.......

மாலை சொன்னபடியே வந்தவள் ரஞ்சித்திடம் ஒரு கவரை நீட்டினாள் பிரித்துப் பார்த்தவன் மலைத்து நின்றான் வாய் பேச்சு வரத்திணறியது... அவனது இந்தியன் ஓவர்ஸீஸ் பேங்க் அக்கவுண்டிற்கு ரஞ்சித் குலோத்துங்கன் பெயரில் One Million Indian Money Draft இருந்தது...

இவ்வளவு பணம் எ....து...க்...கு.. ?

சாதாரணமாக நான் ரத்தம் கொடுப்பவர்களுக்கு கொடுப்பதுதான் ஆனால் நீ இனிமேல் என்னோட கணவர் இது உனக்கு இல்லை உன்னோட பிரதர்ஸ் கல்யாணத்துக்கு ஏதாவது சொன்னால் ? இந்தப் பணத்தால் அடி எனக்கு உங்க நாட்டுக்காரர்களைப்பற்றி நன்றாகத் தெரியும் I like Indian People

ஒன்றும் பேசாமல் வாங்கி வைத்துக் கொண்டவன் திருநெல்வேலி அல்வா பொட்டணத்தை பார்த்தவன் சரி இப்படியாவது இவளுக்கு அல்வா கொடுப்போம் என்று எடுத்து கொடுத்தான்.

இந்தா எங்கள் நாட்டு ஸ்வீட்

வாங்கி கொண்டாள்.

தாங்க்ஸ் சரி புறப்படு நேரமாச்சு உன்னோட கம்பெனிக்கு மெயில் அனுப்பி விட்டேன் இந்த ஒரு மாதமும் எனது விசாவில்தான் நீ இருக்கப் போவதாக அதனால் நீ இந்தியா போய் வருவதில் கம்பெனி பிரச்சனை செய்யாது.

நல்லது.

இருவரும் Mellendia Kelvin International Air port வந்தார்கள் ஏனோ தெரியவில்லை ரஞ்சித்துக்கு மனம் கனமாகியது ஒன்றும் பேசவில்லை லக்கேஜ் போட்டு போர்டிங் பாஸ் வாங்கி மீண்டும் ஃபுல்ஸி கைட்லியிடம் வந்தான்.

ரண்ஸிட் உடனே வந்துடணும்.

அவளுக்கு கண் கலங்கியது ரஞ்சித்துக்கு இதழில் ஒரு முத்தம் பதித்தாள் இந்த முறை முத்தத்தை துடைக்க வேண்டும் என்று தோன்றாமல் டாடா காட்டிக் கொண்டே உள்ளே இமிக்கிரேசனை நோக்கிச் சென்று மறைந்தான். விமானம் பயணிகளின் கனத்துடன், லக்கேஜ் கனத்தையும் தூக்கி கொண்டு மொக்காசியாவை நோக்கி பறக்க... ரஞ்சித்தின் மனம் கனமாகியது.

மொக்காசியா வந்து இறங்கிய மறுநாள் கம்பெனிக்கு போனான் கேன்சல் லட்டர் கொடுத்தால் உடனே விடமாட்டார்கள் இந்தியாவுக்கு அவசரமாக போகவேண்டும் ஒரு வாரத்தில் வந்து விடுவேன் என்று சொல்லி விட்டு கம்பெனி கொடுத்திருந்த அறையில் முக்கியமான பொருட்களை பெட்டியில் கட்டினான் மிகவும் நெருங்கிய நண்பர்களிடம் மட்டும் நான் மீண்டும் மொகாச்சியா வரமாட்டேன் என்று சொல்லி விட்டு உடன் புறப்பட்டான்.

Indian Air ways விமானம் ரஞ்சித்துடன் பறந்தது. இந்தியாவுக்கு போய் கம்பெனிக்கு பாஸ்போர்ட்டை அனுப்பி வைத்து வரமுடியாத சூழல் தனது சர்வீஸ் கணக்கு முடித்து பணம் அனுப்புங்கள் என்று கேட்போம். நமக்குத்தான் ஃபுல்ஸி இவ்வளவு பணம் கொடுத்து இருக்கின்றாளே... முதலில் நமது உடம்பை நல்ல டாக்டரிடம் காண்பித்து ஃபுல் செக் செய்ய வேண்டும் இடையே ஃபுல்ஸி கைட்லியின் நினைவு வரவும் அவனை அறியாமல் விழிகளில் நீர்த்துளிர்த்தது.

முற்றும்.