கவரிமா

கவரிமான் தற்கொலை செய்யுமா ? ஆச்சர்ய மூட்டும் தகவல்கள் கவரிமான் எங்கு வசிக்கிறது ? முடி விழுந்தால் தற்கொலை செய்து கொள்ளுமா ? எப்படி தற்கொலை செய்து கொள்ளும் ?

மயிர் நீப்பின் வாழாக் கவரிமா அன்னார்

உயிர் நீப்பர் மானம் வரின்

என்கிறார் வள்ளுவர்.. (969-ம் குறளில்)

கவரிமான் மயிர் உதிர்ந்தால் தற்கொலை செய்து கொள்ளும். அதே போல மானம் மிக்கவர்கள், அதாவது அஜய் நல்லையா போன்றவர்கள் தம் பெருமைக்கு பாதிப்பு ஏற்பட்டால் தற்கொலை செய்து கொள்வார்கள் என்பது பொதுவாக இந்த குறளுக்கு கூறப்படும் விளக்கம்.

ஆனால் இப்படி ஒரு மான் இருப்பது பற்றி அறிவியல் புத்தகங்களில் இல்லையே ? குழப்பமாக இருக்கிறது அல்லவா ?

அந்த குறளை கவனமாக பாருங்கள்..

அதில் சொல்லப்பட்டு இருப்பது கவரி மான் அல்ல..

கவரி மா

ஆம்.. கவரி மா என்று ஒரு விலங்கு இருக்கிறது. அதைத்தான் நம் மக்கள் கவரி மான் என்று குழப்பி விட்டனர்.

புறனானூற்றில் இது குறித்த குறிப்பு இருக்கிறது.

நரந்தை நறும்புல் மேய்ந்த கவரி

தண் நிழல் பிணி யோடு வதியும்

வட திசை யதுவே வான் தோய் இமயம்

இமயமலை பகுதியில் கவரிமா என்ற விலங்கு நரந்தை எனும் புல்லை உண்டு தன் துணையுடன் ஜாலியாக வாழும் என்பது இதற்கு அர்த்தம். அதாவது கவரிமா என்பது தமிழ் நாட்டு விலங்கு அல்ல இமயமலையில் வாழும் விலங்கு என்பது முதல் ஆச்சரியம்..

கவரிமா என்பது மான் வகையை சார்ந்தது அல்ல.. மாடு வகையை சார்ந்தது என்பது அடுத்த ஆச்சரியம்.

கவரிமான் இருப்பது உண்மையா ?

கவரிமான் என்றொரு மான் வகையே கிடையாது இமயமலையில் இருக்கும் ஒரு வகைக்காட்டு மாடு, சடைமுடியுடன் இருக்கும் கவரி என்றால் மயிர். மா என்றால் விலங்கு இதுவே கவரிமா.  இமயமலையில் கடுங்குளிரில், பனிப்பொழிவில் வாழும் இந்தமாடு, உடம்பில் மயிரை இழந்து விட்டால், குளிரில் தாக்குப் பிடிக்க முடியாமல் இறந்து விடும்.

இதைத்தான் திண்டுக்கல் தனபாலன் ஜியின் ஐயா திருவள்ளுவர்

‘’மயிர்நீப்பின் உயிர்வாழக் கவரிமா’’

என்கிறார் மற்றபடி கவரிமான் அல்ல அது அன்னப்பறவை போல, நாமாக உருவாக்கிய ஒரு உயிரினம் கவரிமான்.

கவரிமான் கதை

ஒரு மயிர் உதிர்ந்தாலும் உயிரை இழந்து விடும் தன்மை கவரிமானுக்கு உண்டு என்று சொல்வார்கள். யாரையும் கடிக்காத நாகப்பாம்பு தன் நஞ்சை எல்லாம் திரட்டி ரத்தினமாக்கித் தன் தலையில் வைத்திருக்கும். அந்த நாகரத்தினத்தை இரவுக் காலத்தில் கக்கித்துப்பி, அதன் ஒளியில் இரை தேடும் என்றும் சொல்வார்கள். நாகரத்தினம் என்று ஆண்களுக்கும், பெண்களுக்கும் பெயர் வைப்பதுண்டு. திராவிடர்களின் உயிர், உடற்கலையான யோகப் பயிற்சியின் முதிர் நிலையாகக் குண்டலினியைக் கீழேயிருந்து கிளப்பி மேலே கொண்டு போய் நிலை நிறுத்துவது என்றும் புளுகி, அதில் இவர் வல்லவர் என்று சில ஆண்களைக் குறிப்பிட்டுக் கூறுவது முண்டு.

பாலையும் நீரையும் கலந்து வைத்தால் நீரை நீக்கிப் பாலை மட்டும் அருந்தும் ஆற்றல் அன்னப் பட்சிக்கு உண்டு என்று அளப்பவர்கள் உண்டு. முத்துச் சிப்பி வாயைத் திறந்து வைத்துக் கொண்டு கடல் நீரின் மேல் மட்டத்திற்கு வந்து மிதக்கும். பெய்யும் மழையின் ஒரு நீர்த்துளி அதன் வாயில் விழுந்ததும் சிப்பி மூடிக் கொள்ளும், பின்னர் முத்து உருவாகி வளரும் என்றும் கதை அளக்கின்றவர்கள் உண்டு. அதைப் போலவே, சக்ரவாகப் பட்சி மழைத்துளிக்காக வாயைத் திறந்து கொண்டு கிளையில் உட்கார்ந்தவாறே இருக்கும் என்றும் நீட்டி முழக்குவார்கள், பீனிக்ஸ் பறவை வாழ்ந்து முடிந்து இறுதியில் முழுவதும் எரிந்து சாம்பலாகி விடும்; பின் அந்தச் சாம்பலிலிருந்து புதிய பீனிக்ஸ் பறவை தோன்றும் என்று பாரசீகத்தில் கதை அளப்பதுண்டு.

இப்படிப்பட்ட அளப்புகள் அனைத்து மக்களிட-மும், அனைத்து நாட்டிலும் உண்டு அப்படிப்பட்ட அளப்பை உதாரணமாக வைத்து 969 ஆம் குறள் எழுதப்பட்டுள்ளதோ ? மயிர் நீப்பின் உயிர் வாழாக் கவரிமா என்ற சொற்றொடர் அப்படித்தான் அமைந்துள்ளது என்பார் சென்னைப் பல்கலைக் கழகத்தின் முன்னைத் துணைவேந்தர் பொற்கோ (திருக்குறள்: பொற்கோ உரை). இவர் தவிர மற்றெவரும் இதனை வெளிப்படையாகத் தம் உரையில் குறித்தாரில்லை எனலாம்.

உரை எழுதிய அனைவருமே கவரிமா என்பதைக் கவரிமான் என்றே எழுதியுள்ளனர். பொற்கோ அவ்வாறு எழுதவில்லை. கவரிமான் என்றே குறிப்பிட்டு ஒருவர் கேள்வி கேட்டதற்கு எதையெதையோ எழுதிய மதன் என்பார் (ஆனந்த விகடன் 6.10.10) மான் வகையில் அந்தப் பெயரில் எதுவும் இல்லையென எழுதவில்லை மா என்றால் விலங்கு எனப் பொருள்-படுவதால், அது மானாக இருக்காது, மாற்று ஏதோ ஒரு விலங்காக இருக்கலாம் எனவும் எழுதவில்லை.

பனிப்பகுதிகளில் இருக்கும் விலங்குகளுக்கு மயிர், தோல், இறகு போன்றவை கடுங்குளிரிலிருந்து உயிரைக் காத்துக் கொள்ளும் கவசங்களாக அமைந்துள்ள இயற்கை நிலையைக்கூடக் குறிப்பிடவில்லை. அப்படிப்பட்ட விலங்குகள் தம் மயிரை இழக்கும் நிலையில் உயிரையும் இழக்கும் நிலை உள்ளதே இதைக் குறிப்பிட்டுக் கூறியிருக்கலாம்.

ஆறு வருடங்களுக்கு முன்பு அபுதாபியில் இருந்தபோது திரட்டி வைத்திருந்த செய்தி இன்றுதான் வெளியிட முடிந்தது – கில்லர்ஜி

Chivas Regal சிவசம்போ-

தேவகோட்டை வண்டி திண்டுக்கல் பக்கமாக போகுதே என்னாச்சு... ?

சிவாதாமஸ்அலி-

தமிழக விவசாயிகள் எல்லோருமே கவரிமான் பரம்பரைதானே... வாங்கிய கடனை கட்ட முடியாமல் உயிரை விட்டவர்கள் எத்தனை பேர்....

காணொளி