செங்கல்பட்டு, செங்கல்சூளை செங்கல்வராயன்

எவ்வளவுதான் செலவு செய்யுறது இந்தச் செருப்புக்கு ? எனது ராசியோ என்னவோ... எனக்கு எந்தச் செருப்புமே ஒரு மாதத்திற்கு மேல் என்னிடம் நிரந்தரமாய் இருந்ததில்லை. கல்யாணத்திற்குப் போனால் திரும்பும்போது செருப்பு இருக்காது. இதனாலேயே எனக்கும், மனைவி செங்கமலத்துக்கும் தினம் சண்டை வரும். ஆத்திரமாய் வந்தது. இந்தச் செருப்பாலே என்னோட சொத்தில் பாதி அழிந்திருக்கும். நான் செங்கல் சூளை வைத்து நடத்தி வருகிறேன். நானும் மனைவியும்தான் பார்த்துக் கொள்கிறோம். திடீரென்று எனக்கு ஒரு யோசனை வந்தது. செங்கமலமும் சரி என்றாள்.

இதுதான் சரியென இரண்டு பெரிய அளவு செங்கலை LATHEக்கு எடுத்துப் போய் DRILLING MACHINE ல் HOLE போட்டு வார் வைத்து மாட்டி விட்டேன். என்ன கொஞ்சம் நடக்க சிரமமாக இருந்தது. கொஞ்சம் நேரமும் ஆகியது. தெருவில் போகும் பொழுது ஒரு மாதிரியாக பார்த்தார்கள். மற்றபடி ஒன்றுமில்லை. இப்பொழுது மூன்று மாதமாகி விட்டது. எந்த திருட்டுப்பயலும் எடுக்கவே இல்லை. ஆறு மாதமும் ஓடி விட்டது. நடப்பதற்கு இப்பொழுது நன்றாகப் பழக்கமாகி விட்டது. எனக்கு மீண்டும் ஒரு யோசனை. இதையே ஒரு மாடலாக தயார் செய்து ஏதாவது ஒரு வளர்ந்து வரும் CINEMA ACTORரை வைத்து அறிமுகப்படுத்தி விட்டால் மக்களும் இதையே பயன் படுத்துவார்கள். நாம கோடீஸ்வரனாக ஆயிடலாம். இதுதான் சரியென முடிவெடுத்து விட்டேன்.

மக்கள்தான் திரைப்பட நடிகர் மடையனாக இருந்தாலும் அவன் சொன்னால் வாங்கி விடுவார்களே! இப்படித்தான் சும்மா கிடந்த கே. பாக்கியராஜை வச்சு ஈமு கோழி வளர்த்தால் கோடீஸ்வரன் ஆகலாம்னு சொல்ல வச்சாங்கே. வியாபாரம் பிச்சுக்கிட்டுப் போச்சு. ஆனால், ஈமு கோழிப் பண்ணை வச்சவங்க இன்றைக்கு தெருக்கோடியில் நிற்கிறாங்கே. அதுக்காக இதை வளர்க்கச் சொன்னதற்காக கே. பாக்கியராஜை உகாண்டா கோர்ட்டில் நிறுத்தணும், அப்பத்தான் எந்தக் கூத்தாடியும்ம் இந்த மாதிரி வெட்டி விளம்பரத்துல நடிக்க மாட்டான் அப்படினு ‘’இலக்கிய தும்மல்’’ அதிரா நினைக்காதீங்க அதெல்லாம் மாபெரும் தவறு.

சரி விசயத்துக்கு வர்றேன். என்னமோ தெரியவில்லை. கடந்த ஒரு வாரமாகவே காலிலிருந்து தொடைவரை வலித்துக் கொண்டே இருந்தது. சரியென Dr. 7 மலையிடம் போனேன் அவர் எனது செருப்பை பார்த்தவுடன் இதுயேன் இப்படி ? எனக்கேட்டார். நானும் எல்லா விசயத்தையும் சொல்லி FUTURE PLANனையும் சொன்னேன் X-RAY SCAN எல்லாத்தையும் செக் செய்து விட்டு FUTURE PLAN இருக்கட்டும். முதல்ல நான் சொல்ற மதுரை ORTHO SPECIALIST Dr. தேவராஜனைப் போய் பாருங்க, என்றார். போய் பார்த்தேன்.

ஒரு வாரம் பெட்டில் இருந்து இரண்டு குதிகாலிலும் OPERATION நடந்தது. பிறகு மூன்று வாரம் நடக்க TRAINING கொடுத்தார்கள். பிறகு வீட்டில் ஒரு மாதம் REST. செலவு கணக்கு எவ்வளவு எனப் பார்த்தேன்.  Rs 1,38,500.00 மலைத்தேன்... சே.... ரோட்டோரமா ஒரு சின்ன செருப்புக் கடையே வச்சுருக்கலாமோ ?

காணொளி