அறியாமையே வெல்லும்

சமீபத்தில் மனிதன் என்ற திரைப்படத்தை சிறிது நேரம் தொலைக்காட்சியில் பார்க்கும் வாய்ப்பு கிடைத்தது. அதில் படத்தின் கசா'நாயகன் உதயநிதி ஸ்டாலின் நீதிமன்றத்தில் வழக்கில் தோற்று விட்டு தான் தங்கி இருக்கும் குடியிருப்பு பகுதிக்கு வருகிறார். அப்பொழுது மழை வருகிறது அதில் வீடில்லாத ஏழைகள் குழந்தை, குட்டிகளுடன் குடைகூட இல்லாமல் பாத்திரங்களை தலையில் வைத்து மழையிலிருந்து நனையாமல் சற்றே தங்களை பாதுகாக்கிறார்கள்.

இதைக்கண்ட கசா'நாயகன் அவர்களது வாழ்க்கையை கண்டு கலங்குகிறார். இதெல்லாம் தமிழ்ப்படத்தில் வழக்கம் போல் இருக்கும் காட்சிகள்தான் என்று என்னால் கடந்து போக முடியவில்லை. காரணம் படத்தின் கசா'நாயகனுக்கு நிச்சயமாக ஏழைகளின் கஷ்டம் தெரிய வாய்ப்பே இல்லை இன்னும் சொல்லப் போனால் ஸ்டாலினுக்கே ஏழைகளின் வாழ்க்கை தெரியாது ஆனால் இவர்களின் மூலம் திமுக முதலாளி மு.கருணாநிதி அவர்களுக்கு தெரியும் அவர் அடிப்படை வாழ்விலிருந்து வந்தவர் இவர்கள் இருவரும் பிறந்தது முதலே ராஜவாழ்க்கைதான்.
 
நான் எதற்காக திரைப்படத்தையும், அரசியல்வாதிகளின் நிகழ்கால வாழ்க்கையையும் ஒப்பீடு செய்கிறேன் என்றால் நல்லவன் என்று சொல்லும் தகுதி இல்லாதவர்களைத்தான் நாம் ஆதிமுதல் உத்தமபுத்திரனாக சித்தரிப்பதை நம்பியே தமிழகத்தை இந்த இழிநிலைக்கு கொண்டு வந்து விட்டோம். இவர்களின் குடும்பம் தமிழகத்தின் மூன்றாவது பணக்காரர்கள் உலக அளவில் அசையா சொத்துகள் இருக்கின்றது இப்படிப்பட்டவர்கள் இன்னும் தமிழகத்தை ஆள்வதற்கு நினைக்கின்றார்கள் இந்த கொரோனாவில் மக்கள் கஷ்டப்படும் நிலையிலாவது கொட்டி வைத்து இருக்கும் பணத்தை சிறு துளியாவது கொடுத்து இருக்கலாமே... நேற்று வந்த நடிகர் சிவகார்த்திகேயன் பல லட்சங்கள் நிவாரணநிதி கொடுத்ததாக செய்திகள் வருகின்றன.
 
இப்படித்தான் நிழலுக்கும், நிஜத்துக்கும் வித்தியாசம் அறிந்திடாமல் வாழ்ந்து விட்டோம். திரைப்படத்தில் எம்ஜிஆர் நல்லவன் நம்பியார் கெட்டவன் தமிழக தாய்மார்கள் மட்டுமல்ல பெரும்பாலான ஆண்களும் இதைத்தானே நம்பினார்கள் நிஜ வாழ்வில் நம்பியார் நல்ல பக்திமான் அப்பழுக்கற்ற மாமனிதர்.
 
அவர் கற்பழிப்பு காட்சிகளில் ஏராளமாக நடித்திருந்தாலும் எந்த நடிகையாலும் குற்றம் சுமத்தப்படாதவர் நாம் எப்பொழுதுமே நிழலையே போற்றுகிறோம் உண்மையை கூர்ந்து நோக்கும் ஆற்றல் நமக்கே இல்லை. இனி நமக்கு பிறக்கும் சந்ததிகளுக்கா இருக்கப் போகிறது எம்ஜிஆரால் பலன் அடைந்தவர்கள் தாராளம் ஆனால் அவரால் வாழ்வை இழந்தவர்கள் ஏராளம் தன்னை எதிர்ப்பவர்களை ஒழித்து விடுவதே அவரது கொள்கைகளில் முதன்மையானது சந்திரபாபு, எஸ்.ஏ.அசோகன், விஜயகுமார், ரஜினிகாந்த் இவர்களுக்கு ஏற்பட்ட இன்னல்கள் நிழலை ரசிப்பவர்களுக்கு தெரியாது.
 
சிவாதாமஸ்அலி-
உலகம் அழியும்வரை தமிழன் திராவிடக்கட்சிகளை கை விடமாட்டான்.