செங்கோட்டை, செக்யூரிட்டி செல்வம்

நானும் காதலிக்க ஆசைப்பட்டதேன்-A

அவளிடம் சொல்லி வசைபட்டதேன்-B

கல்யாண தரகரிடம் சொல்லி வந்தேன்-C

கமிஷன் கொடுத்தே மனம் நொந்தேன்-D

தெருப் பெண்ணை வளைக்க நினைத்தேன்-E

கடிதத்தோடு மல்லிகைப்பூ இணைத்தேன்-F

அவள் செருப்பைக் கழட்டினாள் நகர்ந்தேன்-G

எழுதிய கடிதத்தை சுக்கு நூறாய் கிழித்தேன்-H

வீட்டுக்கு வந்ததும் ஆசையை மறந்தேன்-I

தரகர் வந்தார் திருமணத்தை மறுத்தேன்-J

கல்யாண ஆசையை மறந்து வளர்ந்தேன்-K

நானும் பிரதமராவேன் நெஞ்சம் நிமிர்ந்தேன்-L

அரசியல்வாதியாகி நாயாய் அலைந்தேன்-M

பொது மக்களுக்கு கடினமாய் உழைத்தேன்-N

சொத்துகளை விற்று செலவு செய்தேன்-O

மக்கள் மனதில் என்னை விதைத்தேன்-P

எதிரிகளின் சூழ்ச்சிகளை கருவறுத்தேன்-Q

எதிரணியில் சேர்பவர்களை வெறுத்தேன்-R

எனது அணிக்கு வருபவர்களை மதித்தேன்-S

என் கட்சி பலமானதை கண்டு மகிழ்ந்தேன்-T

மேடையில் கிழவிகளை கட்டி அணைத்தேன்-U

நாமமிட்டு குழந்தைக்கு முத்தம் கொடுத்தேன்-V

வெற்றி பெற குறுக்கு வழியில் சதித்தேன்-W

எதிர்க்கட்சியினரை வென்று சாதித்தேன்-X

எதிரணியின் கூட்டத்தை கலைத்தேன்-Y

வாழ்க கோஷத்தால் தூக்கம் கலைந்தேன்-Z

 

ச்சே இவ்வளவு நேரம் கண்டது கனவா ? மனம் நொந்து எழுந்து கழிவறைக்கு சென்றான் சட்டசபையில் செக்யூரிட்டி வேலை செய்யும் செல்வம்.

 

 

காணொளி 

Share this post with your FRIENDS…