செல்வனூர், செல்ஃபி செல்வி

செல்ஃபி மோகம் இன்று மனிதர்களை பாடாய்ப்படுத்துகிறது. செல்வி இவள் ஒரு செல்ஃபிக்காரி எந்த இடத்திலும் செல்ஃபி எடுக்கும் ஆவல் கொண்டவள். இடம், பொருள், ஏவல் தெரியாது. மரண வீட்டுக்கு போனாலும் எடுப்பாள், திருமண வீட்டுக்கு போனாலும் எடுப்பாள், அது ஏன் காலையில் கண்மாயில் ஒதுங்கப் போனாலும் எடுத்து வருவாள்.

 

மலை உச்சிக்கு போனாலும் எடுத்து வருவாள், மழையில் நனைந்தாலும் எடுத்து வருவாள் , இதனாலேயே இவளை செல்ஃபி செல்வி என்று அழைப்பார்கள். எடுத்து வந்ததை உடனே முகநூலிலும் அப்பேட் செய்து விடுவாள். இவளது புகைப்படத்தை பார்ப்பதற்கென்றே ஒரு கூட்டம் அலைகிறது. இதற்கெல்லாம் காரணம் நாட்டில் வேலையற்ற வெட்டி வீணர்கள் பெறுகி விட்டதே...

 

இவளுக்கும், இலுப்பக்குடி இருளப்பனுக்கும் பெரியோர்களால் பார்த்து பேசி முடித்து திருமணம் நடந்தது. காலையில் மணமேடையிலேயே செல்ஃபி எடுத்துக் கொண்டே இருந்தாள். இருளப்பன் இருட்டட்டும் என்று பொறுமை காத்தான். இரவும் வந்தது பால்ச்செம்போடு உள்ளே வந்தவள் செல்ஃபி எடுத்தாள் இனிமேல் இப்படி எடுக்காதே என்று சொன்ன கணவனை எனக்கு செல்ஃபிதான் முக்கியம் என்றாள்.

 

இரவு முழுவதும் செல்ஃபி எடுத்துக் கொண்டே இருந்தாள் செல்வி முதல் தினமென்று விட்டு விட்டான், மறுதினம் இருளப்பனின் நண்பன் நல்லமுத்து அலறியடித்து வந்தான், ‘’டேய் இருளு என்னடா இது ?’’ அவனது செல்லில் காட்டிய புகைப்படங்களை கண்டு அதிர்ந்தான் இருள். இரவு எடுத்ததை முகநூலில் அப்பேட் செய்திருந்தாள் செல்வி.

 

அதிர்ந்து போனவன் செல்வியிடம் கேட்டதற்கு இது எனது சுதந்திரம் என்றாள் விட்டான் ஒரு அறை. உடனே போய்ப்பார்த்தாள் ஓர் வழக்கறிஞரை... இதோ நீதி மன்றத்துக்கு நடந்து கொண்டு இருக்கிறது இரண்டு குடும்பங்கள். இதற்கு காரணம் பொருப்பற்ற இந்த சமூகம் மட்டுமல்ல, முட்டாள்தனமாக நாம் வளர்த்த பிள்ளைகளும் மட்டுமல்ல, நம்மை ஆளும் அரசாங்கமும்தான்.

 

இதோ திருமணத்துக்கு முன்பு ஆணும், பெண்ணும் விடுதிகளில் தங்குவது தவறில்லையாம். நாமெல்லாம் சிந்தித்து வாக்களித்து இருந்தால் இந்த இழிநிலை வருமா ? சரி நமக்கு அது தேவையில்லாத விடயம். அது சிந்திக்கும் மூளை சம்பந்தப்பட்டது.

 

கில்லர்ஜி தேவகோட்டை

Chivas Regal சிவசம்போ-

மாடு விரட்டும் போதுகூட செல்ஃபி எடுக்கிறானே எருமை மாடு இவனுகளை என்ன செய்யிறது ?

 

சிவாதாமஸ்அலி-

அலைபேசி தவறி கீழே விழுந்தால் மொட்டையும் சிதறி விடுமே...

 

இதையும் சொடுக்குக... https://www.youtube.com/watch?v=3q8eCNMAw-4

Share this post with your FRIENDS…