நினைவஞ்சலி

 

வணக்கம் நட்பூக்களே...இப்பொழுது எங்கெங்கு காணிணும் நினைவஞ்சலி சுவரொட்டிகள், நெகிலி பதாகைகள் என்று சுவர்களில் இருப்பதை பார்த்து இருப்பீர்கள். அதாவது இறந்ததற்கு சுவரொட்டி அடிக்கின்றார்களோ... இல்லையோ மறுவருடம் முதல் முதலாம் ஆண்டு, இரண்டாம் ஆண்டு, மூன்றாம் ஆண்டு மட்டுமல்ல, அப்பத்தாவின் பதினாறாம் ஆண்டு நினைவஞ்சலி என்று சுவரொட்டிகள் ஒட்டுகின்றார்கள்.
 
ஒருமுறை பேருந்தில் பயணித்தபோது பார்த்தேன் வருடம் 2022 அப்பத்தாவின் இருபத்து ஆறாம் ஆண்டு நினைவஞ்சலி மிகப்பெரிய நெகிலி பதாகையில் அப்பத்தா வண்ண புகைப்படத்தில் இருந்தது. பெயர் மூன்று வர்ணங்களில் அதாவது கட்சியின் கரையாம். அதாவது அப்பத்தா இறந்தபோது இந்த பதாகைகள் கலாச்சாரம் இவ்வளவு கிடையாது அன்று வருடம் 1996 ஆக இருந்திருக்கும். இவங்கே எல்லாம் பகுசிக்கு பஞ்சர் பார்க்கிறவங்கே... உண்மையான பாசம் இருக்காது.
 
நானும் பல நபர்களை பார்த்து விட்டேன். வாழும்போது நேசிக்காதவர்கள் இறந்தவுடன் ஆடம்பரமாக அமர்களப்படுத்தி இடுகாடு கொண்டு செல்கின்றார்கள் இதை இறைவன் ஏற்றுக்கொள்வானா ? என்பதை யாரும் உணர்ந்து பார்ப்பதில்லை.

 

அதைப்போல் நினைவஞ்சலியில் இறந்தவர் என்றோ வட்டச் செயலாளராக, வண்டு முருகனாக இருந்திருப்பார். அதையும் சுவரொட்டியில் போடுவார்கள். இதனைப்போல திருமண அழைப்பிதழில்கூட போட்டு இருக்கின்றார்கள். பதவி மோகம் இறந்தவர்களை விட்டாலும், இருப்பவர்களை விடாது போலும்.
 
இதோ இந்த பதிவு எழுதும்போது வாயிலில் எனக்கு மிகவும் பிடித்த நிலக்கடலை வண்டி சென்றது சரியென்று பத்து ரூபாய்க்கு வாங்கினேன் தின்று கொண்டே பதிவை எழுதினேன் முடிவில் பார்த்தால் இதோ கடலை மடித்து கொடுத்த பொட்டணத்தில் இருந்ததுதான் மேலேயுள்ள புகைப்படம். என்ன பொருத்தம் பார்த்தீர்களா ?  
 
ஓர்முறை மதுரை கல்பாலத்தின் அடியில் கம்மங்கூழு குடிப்பதற்காக சென்றேன் பாலத்தின் தூணில் நினைவஞ்சலி சுவரொட்டி அகவை இருபதுதான் போட்டு இருந்தது எனக்கு பார்த்ததும் மனதுக்கு வருத்தமாக இருந்தது மிகவும் சிறிய வயதிலேயே போய் விட்டானே என்று கடைக்காரரிடம் சொன்னேன்...
 
ஆமா தம்பி கட்சி, கட்சினே திரிவான் தலைவருக்கு கட்டவுட் கட்டுனான் தவறிப் போயி மேலேருந்து கீழே விழுந்துட்டான் ஒரு மாசம் ஆஸ்பெட்டல்ல இருந்தான் பாவம் பொழைக்கலை
 
இவனுக்காகவா வருந்தினேன் ? இப்படி பிறவிகள் இருந்தும் பயனென்ன ? அவனது பெற்றோர்களுக்காக வருந்தினேன் வேறென்ன செய்வது ? இந்த சாவுகளின் அடிப்படை காரணம் வேலை இல்லாமைதான். அரசுதான் இதற்கான தீர்வை எடுக்க வேண்டும். எப்படி எடுக்கும் ? இந்த வகையான கோஷமிடும் கூட்டங்கள்தானே இவர்களுக்கு தேவை. திரு.சீமான் அவர்கள் சொல்வது போல் இனி வாய்ப்பு இல்லை ராஜா.
 
கில்லர்ஜி அபுதாபி
 
சிவாதாமஸ்அலி-
காலம்தான் மாறுது காட்சி மாறவேயில்லை.
 
Chivas Regal சிவசம்போ-
எல்லாப்பயலும் பகுசிக்கு பஞ்சர் பார்க்குறாங்கே...