இராமேஸ்வரத்தில், ராபர்ட்

புகைப்படத்தை சொடுக்கி பார்க்கவும்.

 

ஜெர்மனியிலிருந்து.... ஸ்விட்சர்லாண்டுக்கு ரயிலில் பயணம் போனேன் அந்தப்பெட்டியில் நான் மட்டுமே லிங்கென் என்ற இடத்தில் இரண்டு கல்லூரி மாணவர்கள் ஏறினார்கள் புன்னகையை வீசி சிறிது பேசியதும் ஸ்விஸ் போகும்வரை தொடர்ந்தது நட்பு. ஒருவனது பெயர் ராபர்ட் மற்றவன் பெயர் டேனியல் எனது நாடு, வந்ததின் நோக்கம், போகுமிடம் அனைத்தும் பகிர்ந்து கொண்டதும் பேச்சில் சுவாரஸ்யம் தொடங்கியது இந்தியா என்றதும் அவர்கள் முகத்தில் மகிழ்ச்சியுடன் தாஜ்மஹாலைப்பற்றி கேட்டார்கள் நான் சொன்னேன் அதன் எதிரில்தான் எனது வீடு. 

காலையில் எழுந்ததும் தாஜ்மஹாலைப் பார்ப்பதுதான் எனது முதல் வேளை சட்டென எழுந்து எனது கையைப்பிடித்து குலுக்கி நீ அதிர்ஷ்டக்காரன் என்றார்கள், மேலும் வாழ்வில் ஒரு முறையேனும் தாஜ்மஹால் காண வருவோம் என்றார்கள், கண்டிப்பாக வாருங்கள் வரவேற்பேன் என்றேன் டெல்லி என்றால் உனது தாய்மொழி ஹிந்திதானே ? எனக்கு ஆச்சர்யமாகி தயங்கினாலும் ஆம் என்றேன், அவர்களுடன் எனக்கு பேச விருப்பம் கொண்டதற்க்கு முக்கிய காரணம் அவர்கள் இருவருமே மொழி ஆர்வலர்களாக இருந்தார்கள் சைனா மொழிகூட தெரியும் என்றும் இருவரும் உலக அளவில் மொழிகளைக் குறித்து ஆய்வில் இருப்பதாகவும் சொன்னார்கள், இந்தியாவில் மொத்தம் எத்தனை ? மொழிகள் இருக்கின்றது இதில் அங்கீகாரம் பெற்றவை எத்தனை ? அனைத்தும் கேட்டார்கள். 

(இந்தியாவில் 1652 மொழிகளும், இதில் 18 மொழிகள் அங்கீகாரம் பெற்றவை என்றும் எனது செல்பேசியில் நான் குறித்து வைத்திருந்த விபரங்களைப்பார்த்து)

சொன்னேன் ஹிந்தியில் நிறைய வார்த்தைகள் சொன்னார்கள் நிறைய வார்த்தைகள் கேட்டுக் கொண்டதோடு உடனே குறித்துக் கொண்டார்கள் விடுவேனா ? பதிலுக்குப்பதில் ஜெர்மன் வார்த்தைகளை கேட்டுக் கொண்டேன் அதுவும் அங்கு உதவியது ஸ்விஸில் காணவேண்டிய இடங்கள் எல்லாம் விபரம் தந்தார்கள் நான் சொன்னேன் நாளை மறுதினம் நான் அபுதாபி போகவேண்டும் இன்று மட்டும் ஷாப்பன் ஹவுஸ் என்ற இடத்தை மட்டும் பார்த்து விட்டு திரும்பி விடுவேன் அவர்களுடன் பேசியதில் ஆச்சர்யமான விசயம் என்ன தெரியுமா ? நான் ஜாதி மதத்தைப்பற்றி பேச வரவில்லை, நான் அப்படிப்பட்டவனும் இல்லை, அவர்கள் இருவரும் கிருஸ்டியன் ஆனால் இராமேஸ்வரத்தைப்பற்றி கேட்டார்கள் எனக்கு எப்படி ? இருந்திருக்கும் எனது ஊர் தேவகோட்டையிலிருந்து இராமேஸ்வரம் 105 k.m என்று சொல்ல முடியுமா ? நான்தான் சொந்த ஊர் டெல்லி என்று சொல்லி விட்டேனே... பொய் சொன்னதற்காக வருந்தினேன். மேலும் கேள்விகள் என்ன தெரியுமா ? டெல்லியில் பேசும் மொழிதான் ராமேஸ்வரத்திலும் பேசுவார்களா ? இல்லை அங்கு பேசுவது தமிழ் மொழி நண்பர்களே அடுத்த கேள்வி என்ன தெரியுமா ? உனக்கு தமிழ் தெரியுமா ? உண்மையிலேயே மின்சாரம் தாக்கியவன் நிலைக்கு ஆனேன்.

(பொய் சொன்ன வாய்க்கு போஜனம் கிடைக்காது என்பது இதுதானோ ? எனக்கு சரியான தண்டனை கிடைத்தது) 

அடுத்து பேச்சு கோயில் பற்றி திரும்பியது அந்தக்கோயில் கட்டுவதற்க்கு ரயில் பாலம் இடுவதற்க்கு முன்பே கற்கள் அங்கு எப்படிப் போனது ? திகைத்து விட்டேன் எனக்கு தெரிந்த வகையில் சொல்லி விட்டேன் இதில் எனது கூடுதல் ஆச்சயர்யம் தாஜ்மஹாலைக்கூட டாஜ்மஹால் என்றார்கள் ஆனால் இராமேஸ்வரத்தை மிகத்தெளிவாக ‘’ராமேஸ்வரம்’’ என்று தமிழனைப்போல உச்சரித்ததுதான் அவர்களிடம் உறுதி கொடுத்தேன் நீங்கள் இந்தியா வரும்போது கண்டிப்பாக டெல்லியிலிருந்து இராமேஸ்வரத்துக்கு மட்டுமல்ல தாங்கள் காண வேண்டிய அனைத்து இடத்துக்கும் அழைத்துப் போவேன் அவர்கள் முகத்தில் பிரகாசம் மின்னஞ்சல், தொலைபேசி இலக்கங்கள் இடம் மாற எங்கள் வழிகளின் தடம் மாறியது பிரிவில் புகைப்படமும் காணொளியும் எடுத்துக் கொண்டோம்.

குறிப்பு – நான் இதுவரை டெல்லி போனதே இல்லை வலைப்பூ நண்பர்கள் மனது வைத்து வாக்களித்தால் பாராளுமன்றத்துக்குள் நுழைவதாக திட்டம்.

 

‘’சரித்திர நாயகர்’’ இனிய நண்பர் திரு. கரந்தையார் அவர்களுக்கு உங்களால் கண்டிப்பாக முடியும் இராமேஸ்வரம் கோயில் வரலாறு பற்றி எழுதுங்களேன்.

நம்பிக்கையுடன் கணினியில் காத்திருக்கும் உங்கள். கில்லர்ஜி.

காணொளியை முழுமையாக காணவும்.

அனைவருக்கும் இனிய மே தின வாழ்த்துகள்.