வி(தண்ட)வாதம்

சிலபேர் எப்பொழுதும் எதற்கெடுத்தாலும் விதண்டவாதமாக பேசுவார்கள், அதேநேரம் தான் சொன்னது தவறென்று தெரிந்தும் அதே ரீதியில் பேசிக்கொண்டு இருப்பார்கள் உதாரணத்திற்கு, தான் பார்த்த கழுதைக்கு 5 கால் என்பது போல், அவர் பார்த்த நேரம் 5 கால் இருந்திருக்கலாம் (Maybe or may not be) ஆனால் ? அதுதான் பொதுவான உண்மை என்பதை ஏற்கமுடியாது தனது தவறை ஒத்துக்கொண்டால், தான் முட்டாள் என்பது நிரூபணமாகி விடுமோ ? என்ற பயம் இதுகூட ஒரு வகை தாழ்வு மனப்பான்மை தான், (Inferiority Complex)  இதை ஆரம்பத்திலேயே களைவது எதிர்கால உரத்த சிந்தனையாளர்களுக்கு நல்லது, தவறு செய்வது என்பது மனித இயல்பு, தான்அறிவாளி எனநினைத்தால் அது நம்மீது உள்ள நம்பிக்கை இதில் தவறில்லை, நாம்தான் அறிவாளி எனநினைத்தால் அது அகம்பாவம் இது தவறு, மாற்றுக்கருத்து என்பது ஏற்றுக் கொள்ள வேண்டிய விசயம்.

 மாற்றுக் கருத்துக்களால் தான் புதுமையை கொண்டு வரமுடியும், தந்தை பெரியார், சுபாஸ் சந்திரபோஸ், பாரதிதாசன், முண்டாசுக்கவிஞன் பாரதியார், Dr. எம்.எஸ்.உதயமூர்த்தி போன்ற அரிய பெருமக்கள் இந்த சமூகத்திற்கு நல்ல மாற்றுக் கருத்துக்களை தைரியமாக எடுத்துரைத்தவர்கள், தவறுகளை ஒப்புக் கொள்ளும்போது அதை திருத்திக் கொள்ளும் வாய்ப்பும் கிடைக்கிறது, விவாதம் செய்வதென்பது மூளையை சலவை செய்வது போல் இதுவும் நன்மைதான் அதற்காக விதண்டவாதம் என்பது அவசியமில்லாதது எல்லாம் தெரிந்தவர்கள் யாருமே கிடையாது இவ்வுலகில்.

 I.A.S படித்தவருக்கு தெரியாத ஒரு விசயம் மாடு மேய்ப்பவனுக்கு தெரியும் அதற்காக அவர் இவனைவிட தாழ்ந்தவர் என்று அர்த்தமில்லை, வீண் விவாதங்களுக்கு முக்கிய காரணம் பிறரின் வார்த்தைகளை காதில் வாங்காமல் பேசிக் கொண்டிருப்பது, ஆகவே பேசும்போது எதிராளியின் வார்த்தைகளுக்கு மதிப்பு கொடுத்துப் பாருங்கள் விவாதம் சர்ச்சை இல்லாமல் சுமூகமாக முடிவுக்கு வரும்.

விட்டுக் கொடுப்பதால் கெட்டுப் போவதில்லை.

 நானே பெரியவன் (Ego) என்ற அகந்தையை கை விட்டுப்பார, நீயே சிறந்தவன் என்ற பெயர் உன் கால் தேடிவரும்.

- கில்லர்ஜி -