என் நூல் அகம் 10

 மனசு தளத்தின் பதிவர் நண்பர். திரு. சே. குமார் அவர்களின் மூலம் பழக்கத்துக்கு ஆனவர் மூஞ்சிப் புத்தகம் நண்பர் திரு. கனவுப் பிரியன் அவர்கள் நல்லதொரு பண்பான பழக்கத்துக்குறியவர் இவர் எழுதிய நூல்தான் ’’கூழாங்கற்கள்’’ நல்ல மனசுடன் நண்பர் சே. குமார் அவர்கள் வீட்டில் பெய்த மழை ரோட்டிலும் பெய்யட்டுமே என்று எனக்கும் இந்நூலை ஓசியில் படிக்க கொடுத்தார் ரோட்டிலும் பெய்த மழையின் பலனை ஏட்டிலும் கொடுப்போமே என்று கருதியது எனது மனசு இதோ தங்களுக்காக இணைய ஏட்டில் உங்களின் வீட்டில் A/c யை போட்டுக் கொண்டு கணினியின் தூசியை தட்டி விட்டு படியுங்கள் சிறுகதைகளின் கதம்பக் குவியல்.

திரு. கனவுப்பிரியன், திரு. கில்லர்ஜி, திரு. சே. குமார்.

Abu Dhabi Indian Social Center ஒரு நிகழ்ச்சியில் சந்தித்த பொழுது இருபுறமும் சீருடை அணிந்து என்னை அன்புப்பிடியில் சிறை பிடித்தவர்களுடன் நான்

நூலின் முதல்கதை இந்த மடம் இல்லைன்னா சந்த மடம் இதில் வரும் ஐயப்பன் என்பவரை இந்த சமூகம் ஞானியைப் போல் பார்கின்றது ஆனால் ? அதேபோல் தனது குடும்பத்து நபர் இருப்பது பிடிக்கவில்லை இதுதான் இந்த சமூகம் என்பதை சொல்லாமல் சொல்லும் யதார்த்தநடை அழகு.

திக்குவாய்க் குழந்தையை குணப்படுத்த நாட்டை விட்டே போனவனுக்கு அந்தக் குழந்தையால் கிடைத்த அற்புத வாழ்க்கையை கூழாங்கற்கள் சொல்லியது சில கூமுட்டைகளுக்கு மனதில் தோன்றலாம் நம் மகளும் திக்குவாயானால் ?

களிமண் என்ற கதையில் இன்றைய சமூகம் நவீன வசதிகளில் மாறி இழந்தவைகளை காணும் பொழுது எல்லோருடைய மனதிலும் களிமண் அப்பிக் கொள்கின்றது.

குண்டு பாக்கிஸ்தானி என்ற கதையில் பயணத்தில் கிடைக்கும் ஒரு மனிதரின் விடயங்களை அழகாக விளக்கி இருக்கின்றார் இதிலும் பாக்கிஸ்தானியரின் சில மறைமுக விடயங்களை நாசூக்காக சொல்லிச் செல்வது மிகவும் யதார்த்தம் இது அயல் தேசத்தில் வாழ்பவர்களுக்கு சட்டென புரிந்து விடும்.

வடிவு என்ற கதையில் முடிவில் கல் மனதையும் கலங்கடித்து விடுகின்றார்.

Made in China என்ற கதையில் கோல்மால் விடயங்களை அழகான நகைச்சுவையாக சொல்கின்ற விதம் அழகு

நெற்றித் தழும்பு என்ற கதையில் //வானமும் கடலும் பயணிக்கத்தான் லாயக்கு, மற்றபடி தரைதான் எப்பொழுதும் சுகம்// என்ற உண்மையான வரிகளை மிகவும் உணர்ந்து ரசித்தேன்.

சாட்சிப்பிழை என்ற கதையின் சங்கரன் என்பவனின் வாழ்க்கை அரசியல் தொண்டர்களுக்கு நிச்சயமாக நல்லதொரு படிப்பினையை கொடுக்கும்.

உப்புக் காற்று இதில் உப்பளத்து வாழ்க்கையைப் பற்றிய விடயங்களோடு இரண்டு பெண்டாட்டிகாரனின் கதையை அழகிய நடையுடன் தருகிறார்.

கடல் தாண்டிய உறவு இதில் இறந்து போன பழைய காதலைச் சொல்லுகின்றார்.

பெட்ரோமாஸ் லைட்டேதான் வேணுமா ? என்ற கதையில் நல்ல நகைசுவையான விடயத்தை தருகின்றார்.

நாடு துறந்தவன் கதை இதில் ஒரு பாலஸ்தீனியரின் வாழ்க்கையை அழகாக சொல்லிச் செல்கின்றார் அவர்களின் இயல்பு குணங்களை சாதாரணமாக சொல்லிச் சென்ற விதம் அறிந்து பிரமித்தேன் காரணம் நானும் பாலஸ்தீனியர்களுடன் பழகி அவர்களின் குணநலன் அறிந்தவனே.

இனி ஒரு விதி செய்வோம் என்ற கதையில் இவர் சொல்லும் விடயங்களை நடைமுறைக்கு கொண்டு வந்தால் ? நாட்டில் மருத்துவமனைகளை மூட வேண்டியது வருமோ ? என்றே எனக்கு தோன்றுகின்றது இதுவொரு உரத்த சிந்தனையின் விளைவு.

மனிதரில் இத்தனை நிறங்களா ? இதில் எதையுமே ஆராயாமல் ஒரு மனிதனை அயோக்கியன் என்று தீர்மானித்து விடுகின்றது இந்த சமூகம் இதை சாதாரணமாக சொல்லிச் செல்கின்றார்.

பனங்கொட்டைச் சாமியார் இதில் //மனைவி இருக்கும்வரை தான் இந்த உலகம் இனிக்கும் புரியாதவர்கள் மனைவியுன் சண்டையிட்டு கொள்வார்கள்// என்ற இந்த உயிர்ப்பான வரிகளைக்கண்டு பிரமித்தேன் காரணம் இது என்னைப் போன்ற அனுபவசாலிகளுக்கு வரவேண்டிய சிந்தனை இவருக்கு எப்படி ? என்ற எண்ணமே எனக்கு தோன்றியது.

ஓ... ரசிக்கும் சீமானே நான்கூட நாம் தமிழர் கட்சித் தலைவரைப்பற்றி சொல்லப் போகின்றாரோ என்று நினைத்து விட்டேன் கதையைப்  படித்தால் ஒரு ஜோக்கான வாழ்க்கை வாழ நினைக்கும் ஒரு ஜோக்காளி.

அவரு அனில்கும்ளே மாதிரி இதில் இந்தியர்களும், பாக்கிஸ்தானியர்களும் கிரிக்கெட் விளையாடுவது நல்ல நகைச்சுவை.

ரபிக் @ ஜிமெயில்.காம் இதில் ஒரு விபத்துகூட நன்மையை கருதியே என்பதை சொல்லியது மனதை கனக்கச் செய்தது.

ஜைனப் அல் பாக்கர் இதில் அரேபியர்களின் குணங்களைப்பற்றி சொல்லி இருக்கிறார் சில இடங்களில் அரபு வார்த்தையை பயன் படுத்தி இருக்கிறார் இதில் ஓரிடத்தில் ‘’நான் ஸ்டார் கம்பெனியிலிருந்து வருகிறேன்’’ என்று சொல்வதை அரபு மொழியில் பேசியிருப்பது படிப்பவர்களுக்கு விளங்குவது கஷ்டமானது காரணம் இதைப்படிக்கும் தமிழர்கள் அனைவருக்கும் அரபு மொழி தெரியும் என்பதை சொல்ல முடியாது இதில் தமிழாக்கமும் கொடுத்திருக்கலாம் என்பது எமது கருத்து மேலும் அரேபியர்களுடன் பேச்சை தொடங்கும் பொழுது முதலில் அஸ்ஸலாமு அலைக்கும் சொல்லிய பிறகே பேசமுடியும் இதில் ஓரிடத்திலும் அதை சுட்டிக்காட்டாதது சிறிய குறை போன்று தோன்றுகிறது இதை நான் குறிப்பிடக் காரணம் அரபு வார்த்தைகளை பயன் படுத்தி இருப்பதால் இதன் முடிவில் இவர் சொல்லி இருக்கும் சில விடயங்கள் இவரது தைரியத்தை பாராட்டலாம் என்றாலும்கூட அதில் ஒன்றை மட்டும் தவிர்த்திருக்கலாம் காரணம எழுத்தாளன் ஜாதி மத பேதமற்றவனாக அறியப்படல் வேண்டும் என்பது எமது தாழ்மையான கருத்து மன்னிக்கவும் ஆசிரியரே

ஜூவானா என்றொரு பிலிப்பைனி பெண் இதில் ஒரு பெண்ணின் மனதில் இருக்கும் வேதனையை உணர்த்தியது இது உண்மையான சம்பவமாககூட இருக்கலாமோ ? என்ற எண்ணம் வந்தது இருக்க வேண்டாமே என்பதும்கூட.

அக்கா நீங்க அழகா இருக்கீங்க ! இதில் முகநூல் பழக்கத்தால் சில சஞ்சலங்கள் வருவதை நகைச்சுவையுடன் சொல்லி இருக்கின்றார்.

இப்படி 21 பாகமாக அழகிய நகைச்சுவை நடையில் படித்து ரசிக்க வேண்டிய நூல் நூலின் ஆசிரியர் நண்பர் கனவுப்பிரியன் அவர்களுக்கு எமது வாழ்த்துகள்.

எனது முந்தைய விமர்சனங்கள் படிக்காதவர்கள் கீழே சொடுக்க...

என் நூல் அகம் 1

என் நூல் அகம் 2

என் நூல் அகம் 3

என் நூல் அகம் 4

என் நூல் அகம் 5

என் நூல் அகம் 6

என் நூல் அகம் 7

என் நூல் அகம் 8

என் நூல் அகம் 9

தேவகோட்டை கில்லர்ஜி அபுதாபி

தாங்கள் விரைவில் நலமடைய இறைவனை வேண்டுகிறேன் நண்பரே.