கலாச்சாரம்

என்இன தமிழ்ப் பெண்கள் மற்றவர்களிடம் பேசும்போது ''அண்ணா'' என அழைத்து விட்டால் கடைசிவரை தன் சகோதரனை போல்தான் நினைப்பார்கள் அந்தப்பேச்சில் வேறு கள்ளம் கபடம் இருக்காது அதே நேரம் அண்ணா எனச் சொல்லவில்லை என்றால் ? எண்ணங்கள் வேறு விதமாக போக சாத்தியம் உண்டு, ஆனால் அரேபியப் பெண்கள் பேசும் பொழுது வார்த்தைக்கு வார்த்தை அஹூ ஓலத் (சகோதரன்) என்பார்கள் ஆனால் பேச்சின் தொணி ஒரு கொழுந்தனிடம் பேசுவது போல்தான் இருக்கும் இப்படி ஒருவர் இருவர் அல்ல ! நான் சந்தித்த, பழகிய பழகிக் கொண்டிருக்கும் அனைத்துப் பெண்களுமே ! இப்படித்தான் இது அவர்களுடைய தவறு என சொல்லவில்லை அவர்களது கலாச்சாரம் கற்றுக் கொடுத்தது அப்படி, நமது தமிழ்க் கலாச்சாரம் கற்றுக் கொடுத்தது இப்படி

எனது வாழ்வில் ஒரேயொரு அரேபியப் பெண்ணை என்னைவிட ஒருவயது குறைந்தவர் எனது சொந்த சகோதரியாக இன்றுவரை கருதுகிறேன் காரணம் எனது வாழ்வாதாரத்தை உயர்த்தியவர் தகுதியற்ற என்னை உன்னால் முடியுமென எனது திறமையை வெளிக் கொணர்த்தியவர் அந்தச் சகோதரி அலுவலகத்தை விட்டு ஓய்வு பெறும்போது வாழ்த்துச் செய்தியில் எல்லோரும் அரபு மொழியில் வாழ்த்தி எழுதியிருந்தபோது நான் மட்டும் ஒரு மாற்றத்திற்காக ஆங்கிலத்தில் எழுதினேன் இப்படி...

I WILL NEVER FORGET YOU'RE HELP IN MY LIFE

நான் சகோதரியாக நினைத்தால் அதில் துளியளவும் மாற்றுக் கருத்துக்கு இடம் கொடுப்பதில்லை கொடுக்கப் போவதுமில்லை இதுவரை மட்டுமல்ல ! இனியெனும்...

இந்த U.A.E க்கு வந்தும் கூட இதுவரை பத்மா தொடங்கி.... ஃபாத்திமா வரைக்கும் பத்துக்கும் மேற்பட்ட சகோதரிகள் எனக்கு கிடைத்து

இருக்கிறார்கள் நாளையோ ? என்றாவது ஒருநாளோ ? எனது மரணச்செய்தி கேட்டால் அந்தச் சகோதரிகளிடம் கண்ணீர்த்துளிர்த்திடும் என்பதில் துளியளவும் ஐயமில்லை எமக்கு.