நேர்மையற்ற சிந்தை

நமது மக்களிடம் எவ்வளவு முரண்பட்ட சிந்தனைகள் காரணம் என்ன ? இறை பயம் இல்லை ஆகவே நேர்மையற்ற சிந்தை. எல்லோருக்கும் நியாய தர்மங்கள், தவறு எது ? சரி எது ? என்பது நன்றாகவே தெரிகிறது இருப்பினும் செயல்பாட்டில் பேச்சில் முழுக்க, முழுக்க தவறுகளே செய்கின்றனர்.

 
01.  பிள்ளைகள் தனியார் பள்ளி, கல்லூரிகளில் படிக்க வேண்டும் ஆனால் வேலை மட்டும் அரசாங்கத்தில் வேண்டும்.
 
02.  தனது மகனுக்கு பணக்கார வீட்டில் பெண் எடுக்க வேண்டும் ஆனால் மருமகள் தங்களை மதிக்க வேண்டும்.
 
03.  மருமகன் குடித்து வந்தால் குடிகார மாப்பிள்ளை ஆனால் தனது மகன் குடித்து வந்தால் தவறு இல்லை.
 
04.  ஓட்டுப்போட பணம் வாங்க வேண்டும் ஆனால் வெற்றி பெற்றவர் தொகுதிக்கு நல்லது செய்ய வேண்டும்.
 
05.  கடன் கேட்டதும் கிடைத்து விடவேண்டும் ஆனால் திருப்பி கேட்டால் கடன் கொடுத்தவர் கெட்டவர்.
 
06.  பெண் கொடுக்கும்போது பெற்றோர் வேண்டும் ஆனால் திருமணம் முடிந்ததும் மாப்பிள்ளை மட்டும் போதும்.
 
07.  இறைவனுக்கு பரிகாரங்கள், பிரார்த்தனைகள், படையல்கள் வெகுசிறப்பு ஆனால் மனம் முழுவதும் அழுக்கு.
 
08.  ஆபாசமாய் உடையணிந்து சாலையில் செல்ல வேண்டும் ஆனால் பொறுக்கிகள் கேலி செய்தால் தவறு.
 
09.  திருமணம் முடிந்தாலும் நவ நாகரீகமான உடையணிதல் ஆனால் கல்யாணப்புடவை ஐம்பதாயிரத்தில் வேண்டும்.
 
10.  பிள்ளைகளுக்கு திருமணம் முடிந்ததும் குழந்தைகள் வேண்டும் ஆனால் தன்னை பாட்டி என்று அழைக்ககூடாது.
 
11.  ஏலச்சீட்டு நிறுவனங்களில் அதிகமான வட்டி கிடைக்க வேண்டும் ஆனால் அவன் ஏமாற்றக்கூடாது.
 
12.  மனைவி பேரழகியாக வேண்டும் ஆனால் அவளுக்கு இணையாக தான் இல்லா விட்டாலும் பிரச்சனையில்லை.
 
கில்லர்ஜி அபுதாபி
 
Chivas Regal சிவசம்போ-
குவாட்டர் தரம் குறையாமல் வேணும் ஆனால் விலை ஏறக்கூடாது நாம சொன்னால் கேட்பாய்ங்களா...
 
சிவாதாமஸ்அலி-
எல்லாம் வேணும்னா தலையெழுத்து சரியா இருக்கணுமே... அதுக்கு சரியா சிந்திச்சு ஓட்டுப் போடணும்.