கனவில் வந்த காந்தி (1)

நேற்று ஏனோ தெரியவில்லை வேலைப் பளுவின் காரணமோ அல்லது வழக்கம்போல் மன உலைச்சலோ தெரியவில்லை வீட்டிற்கு வந்ததும் தூங்கி விட்டேன் ஆழ்ந்த உறக்கத்தில் கனவு இந்தக் கனவை வலைப்பூ நண்பர்களுக்கு சொல்லியாக வேண்டுமே எப்படிச் சொல்வது ? 

எனத் தெரியவில்லை காரணம் ஆதாரம் இல்லை கனவுக்கு ஆதாரம் உலகம் முழுவதும் தேடினாலும் கிடைக்காது, ஸ்காட்லாண்ட் காவல்துறை வந்தாலும்கூட கண்டு பிடிக்க முடியாதே... இருப்பினும் நம்ம நண்பர்கள்தான் ரொம்ப நல்லவங்களாச்சே.... நம்ம சொன்னால் கேட்டுக் கொள்வாங்க... என்ற நம்பிக்கையில் சொல்லப் போகிறேன்...

க்கூவ், க்கூவ், க்கூவ்... சரக், சரக், சரக்...

(என்ன... காதலிக்க நேரமில்லை படத்துல நாகேஷ் பாலையாவிடம் கதை சொல்றதுபோல தெடங்குறானே... அப்படினு நினைக்காதீங்க)

வேற ஒண்ணுமில்லை அமைதியான காடு எங்கோ குயிலின் க்கூவ் சத்தம்... மரத்தின் இலைகள் உதிர்ந்து சிதறிக் கிடக்க... அதில் நான் மட்டும் நடந்து போகிறேன் யாருமில்லாத அந்த பூங்காவனத்தில் காற்று இதமாக மனதை வருடிச் சென்றது ஒரு வளைவில் திரும்பினேன் அந்த இடத்தின் இடதுபுறம் பார்த்தால் ஆச்சர்யம் நம்பவே முடியவில்லை ஸ்டீல்பென்ச் ஒன்றில் இயற்கையான இடத்தில் ஸ்டீல்பென்ச்சா... ஆச்சர்யமாக இருக்கிறதா ? ஸ்டீல்பென்ச் கிடக்கட்டும் அதில் இருவர் உட்கார்ந்திருந்தார்கள் அது யார் ? சொன்னால் நம்புவீர்களோ ? என்னவோ... காரணம் என்னாலயே நம்ப முடியவில்லையே...

அது யார் தெரியுமா ?

ஒருவர் எனக்கு மட்டும் தெரிந்தவர் மற்றவர் இந்தியர்கள் அனைவருக்கும் தெரிந்தவர்.

ஆம்.

ஒருவர், மஹாத்மா காந்தி.

மற்றவர், ஞானி ஸ்ரீபூவு.

ஆச்சர்யத்தில் அப்படியே வாயடைத்து நின்றேன் என் நிலையை கண்ட ஞானி ஸ்ரீபூவு

என்ன இப்படிப் பார்க்கிறாய் உன்னை எதற்கு போன் செய்து வரச்சொன்னேன் உட்கார் 

என்றார் நான் சட்டென தரையில் சம்மனம் கூட்டி உட்கார்ந்தேன் ஞானி ஸ்ரீபூவு சொன்னார்.

இப்பொழுது மஹாத்மா அவர்கள் உன்னிடம் பத்து வினாக்கள் கேட்பார் அதற்கு நீ விடையளிக்கவேண்டும் அப்பொழுதுதான் நான் உனக்கு ஆசி தருவேன் என்றார்.

நான் ஒருபுறம் பயந்தாலும் சிறிது தைரியத்தை வரவழைத்துக் கொண்டு தலையாட்டினேன்.

மஹாத்மா காந்தி அவர்கள் புன்முருவலுடன் என்னைப் பார்த்து சிரித்து விட்டு கேள்விக்கணை தொடுத்தார் எ(ன்)னை நோக்கி...

(முன்குறிப்பு மஹாத்மா காந்தி அவர்கள் ஞானி ஸ்ரீபூவு அவர்களுடன் குஜராத்தியில் பேசினாலும் என்னிடம் ஹிந்தியில்தான் பேசினார்கள், நானும் ஹிந்தியில்தான் பதில் சொன்னேன் அதைத்தான் நமது இனிய தமிழில் மொழி பெயர்த்து தந்துள்ளேன்)

இதோ, அவரின் கேள்விகளும், எனது பதில்களும்.

01. நீ மறுபிறவியில் எங்கு பிறக்க வேண்டுமென்று நினைக்கிறாய் ?

மீண்டும், எனது இனிய இந்தியாவில், இதே இனிய தமிழ் பேசும் தமிழனாய், இதே தாயின் வயிற்றில் பிறக்க ஆசை.

02. ஒரு வேளை நீ இந்தியாவின் ஆட்சியாளனாக வந்து விட்டால் ? சிறப்பாக ஆட்சி செய்யும் திட்டம் உன்னிடம் இருக்கிறதா ?  

உண்டு ஐயா, முதல்வேலை மதங்களை ஒழித்து விடுவேன், கல்வி, சுகாதாரம், போக்குவரத்து இலவசம், பெட்டிக்கடையில் தொடங்கி விவசாயத்திலிருந்து.... விஞ்ஞானம்வரை அனைத்துமே அரசாங்கத்தால் இயக்கப்பட்டு அனைவருமே அரசாங்க ஊழியர்கள் ஆக்கப்படுவார்கள், தனியார் வசம் வேண்டுமென யாராவது போர்க்கொடி பிடித்தால் குடியுரிமை ரத்து செய்யப்பட்டு பாக்கிஸ்தானின் எல்லையில் கொண்டு விட்டு வரப்படும், கற்பழிப்பு குற்றவாளிகளுக்கு பொது (ஆண்) மக்கள் முன்னிலையில் உடனடி தண்டனைகள் வழங்கப்பட்டும் அதைக் காண்பவனுக்கு யாரையும் கற்பழிக்க வேண்டும் என்ற சிந்தை தோன்றாது காரணம் ‘காரணகர்த்தா’ எடுக்கப்பட்டு விடும்.

03. இதற்கு வெளிநாட்டில் வாழும் இந்தியர்கள் எதிர்ப்பு தெரிவித்தால் என்ன செய்வாய் ?

சான்ஸே இல்லை, முதலில் அவர்கள் வெளிநாட்டிற்கே போகமுடியாது இந்தியர்கள் அனைவருமே இந்தியாவில் வேலை செய்து இந்தியாவுக்காக உழைக்க வேண்டும், வெளிநாட்டவர்களுக்கு இந்தியாவில் வேலையில்லை, தொழில் தொடங்க அனுமதி இல்லை, வெளிநாடு செல்பவர்கள் சுற்றுலாவுக்காக மட்டுமே சென்று வரமுடியும்.

04. முதியோர்களுக்கென்று ஏதாவது திட்டம் வைத்திருக்கின்றாயா ?

நிச்சயமாக... நாட்டில் அனாதை இல்லங்கள், முதியோர் இல்லங்கள் இருக்காது கூட்டுக் குடும்பம் சட்டமாக்கப்படும், வீட்டு உறுப்பினர்கள் கூடும்போது அதற்கேற்க அரசாங்கத்தால் வீடுகள் வழங்கப்படும், நிலங்களும், வீடுகளும், அரசாங்கத்திற்கு மட்டுமே சொந்தம் ஆக்கப்படும்.

05. அரசியல்வாதிகளுக்கென்று புதிய திட்டம் ஏதாவது ?

இருக்கிறது முதலில் அரசியல்வாதி, ரவுடி, என்ற சொற்கள் அனைத்து இந்திய மொழிகளிலிருந்தும் எடுக்கப்பட்டு விடும், நாட்டை ஆள விரும்புபவர்கள் படிக்கும்போதே விண்ணப்பம் கொடுக்க வேண்டும், பிறகு ஐஏஎஸ் போன்று பரீட்சை எழுதி மதிப்பெண்கள் மக்களுக்கு தெரியவைத்து நீதிமன்றம் மூலம் தேர்வு செய்யப்படும்.

06. மதிப்பெண்கள் தவறென, மேல் நீதிமன்றங்களுக்கு போனால் ?

போகவே முடியாது காரணம் நீதிமன்றம், உச்சநீதி மன்றம் என்ற பிரிவினையே கிடையாது எல்லாமே இந்திய அரசமைப்பின்படி படித்த நீதிபதிகளே... ஒரு தவறுக்கு எல்லா இடங்களிலுமே ஒரே தண்டனைதான் நீதிபதிகள் கொடுக்க வேண்டும், மாற்றிக் கொடுத்து குழப்பினால் அந்த நீதிபதிகளுக்கு தண்டனைகள் கொடுத்த பிறகு மீண்டும் சட்டக்கல்லூரியில் மாணவனாக சேர்க்கப்படுவார்கள்.

07. விஞ்ஞானிகளுக்கு என்று.... ஏதும் இருக்கிறதா ?

கண்டிப்பாக இருக்கிறது... மனித வளர்ச்சிக்கு இடையூரான விசயங்கள் அனைத்தையுமே படிப்படியாக குறைக்க மேற்கொள்ளப்படுவார்கள், உணவுப் பொருட்களில் விஞ்ஞானம் நுழைவது விரைவாக குறைக்கப்பட்டு இயற்கையான உணவு வகைகளுக்கு முன்னுரிமை கொடுக்கப்பட்டு மக்களிடம் கட்டாயமாக புகுத்தப்படும்.

08. இதை உனக்குப் பிறகு வரும் ஆட்சியாளர்கள் செய்வார்களா ?

நான் மட்டுமல்ல, அனைவருமே ஐந்து ஆண்டுகளுக்குப் பிறகு பதவியை விட்டு கண்டிப்பாக விலகி விடவேண்டும், நாட்டையாளும் ஜனாதிபதி முதல் அலுவலகத்தில் வேலை செய்யும் பியூன்வரை காய்கறி கடையில் வேலை செய்பவர் முதல் விவசாயி வரை அனைவருமே அரசாங்க அதிகாரிகள்தான், இதில் பெருமைக்கும், சிறுமைக்கும் வேலையே இல்லை.

09. மற்ற நாடுகளில் இல்லாத ஏதாவது புதுமையாக ?

இருக்கிறது, பணத்தை நோட்டுகளில் அச்சடித்து வீண் விரையங்கள் நிறுத்தப்படும், எல்லா மக்களுக்கும் நாட்டார் அட்டை வழங்கப்படும் அதன் மூலமே மக்கள் செலவு செய்யவேண்டும் ஒரு டீ குடித்தால்கூட கணினி மூலம் கணக்குகள் அரசாங்கத்திற்கு தெரிந்து விடும், இதன் மூலம் லஞ்சம் ஒழிந்து விடும், கள்ள நோட்டுகள் அழிந்து விடும் வெளிநாடு செல்பவர்களின் செலவுகள் அரசாங்கம் மூலமே நடைமுறையாக்கப்படும், இத்தனை வேலைகளையும் கணினி மூலம் செய்ய ஆட்கள் நியமிக்கப்படும் போது இந்திய மக்கள் அனைவருக்குமே வேலை வாய்ப்புகள் உண்டு என்பது நிச்சயமாகி விடும்.

10. எல்லாமே சரியாக சொல்வது போல் இருக்கு, ஆனால் நீ மானிடனாக பிறந்து நிறைய பாவங்களை செய்து விட்டாய் உனக்கு மீண்டும் மானிடப்பிறவி கொடுக்க முடியாது ஆகவே வேறு என்ன பிறவி வேண்டுமென இறைவன் கேட்டால் ?

அப்படி இறைவன் சொல்ல மாட்டார்னு நான் நம்புகிறேன் ஐயா, நான் ஒரு பாவமும் செய்யவில்லை உங்களுக்கு சந்தேகம் இருந்தால் வலைப்பதிவர் சகோதரி மைதிலி கஸ்தூரி ரெங்கன் அவர்களிடம் போன் செய்து கேளுங்கள், வலைச்சரத்தில்கூட என்னைப் பற்றி ஈரமனிதர் அப்படினு எழுதியிருக்காங்க... ஒருவேளை மானிடப்பிறவி தரமாட்டேனு சொன்னால் இந்தப் பாழாப்போன மானிடர்களை காணாமல், மழைக் காலங்களில் பிறந்து ஐந்தே நொடியில் இறந்து விடும் ஈசலாக பிறந்து உடன் இறந்து விட வேண்டுமென கேட்பேன்.

ஐயா மஹாத்மா காந்தி அவர்கள் கை தட்ட ஞானி ஸ்ரீபூவு ஆசி வழங்க,

அவர்களிடம் விடை பெற்று விட்டு மீண்டும் சருகுகளில்... சரக், சரக், சரக் என நடந்தேன் தி கிரேட் தேவகோட்டையை நோக்கி....

இனிய வலைப்பூ இதயங்களே... இது ஒரு தொடர் பதிவு நான் ஆரம்பித்த இந்த கேள்வி - பதில் உலகத்தை சுற்றி வரட்டுமே... இதே கேள்வியை மஹாத்மா காந்தி அவர்கள் தங்களிடம் கேட்டால் எப்படி பதில் சொல்லி இருப்பீர்கள் ?

விதி முறைகள் ஏழு.

01.  இது அரசியல் பந்தப்பட்டவையாக இருப்பதால் ஒவ்வொருவரும் பத்து நண்பர்களை மட்டும் இணைக்க வேண்டும்.

02.  நான் மேலே சொல்லி இருப்பது போல் கதையளக்க வேண்டும் என்பது அவசியமில்லை நேரடியாக கேள்வி – பதில் விசயத்தில் இறங்கி விடலாம்.

03.  கேள்வி இதேதான் தங்களது பதிலுக்கு தகுந்தாற்ப்போல் அவசியம் ஏற்பட்டால் மட்டுமே மாற்றிக் கொள்ளலாம் ஆனால் இதே வளையங்களுக்குள் வருவதுபோல் பார்த்துக் கொள்ளவும் பதில் உங்கள் விருப்பம் சிரிப்பாகவோ, சிந்திப்பதாகவோ, விரிவாகவோ, ரத்தினச் சுருக்கமாகவோ, எப்படியும் இருக்கலாம்.

04.  அனைத்து தொடர் பதிவர்களும் குழறுபடிகளை தவிர்க்க மற்றவர்களுடையதை கண்டிப்பாக பார்த்து விட்டு தொடர் பதிவர்களின் பெயர்களை தேர்வு செய்யவும்.

05.  யாரும் எனக்கு ஹிந்தி தெரியாது ஆகவே மஹாத்மாவிடம் பேசமுடியாது என்று சொல்ல கூடாது ஹிந்தி தெரியாதவர்கள் அவரிடம் ஆங்கிலத்தில் பேசலாம், ஆங்கிலமும் தெரியவில்லை என்றால் ஞானி ஸ்ரீபூவு அவர்களிடம் தமிழில் பேசினால் அவர் குஜராத்தியில் பேசி தங்களிடம் தமிழில் விளக்குவார்.

06.  தலைப்பு கனவில் வந்த காந்தி நான் வட்டத்துக்குள் (1) போட்டு இருக்கிறேன், எனது பத்து தொடர் பதிவர்களும் வெளியிடும் தருணத்தில் மற்றவர்கள் வெளியிட்டு விட்டார்களா ? என்பதை தனது டேஷ்போர்டில் கவனித்து விட்டு (2) போடவும் அடுத்த பதிவர்  (3) போடவும் இதையே எல்லோரும் கடைப்பிடித்தால் கடைசியில் மொத்த பதிவுகளையும் கணக்கு எடுக்க வழி கிடைக்கும்.

07.  எனது குழு முடித்தவுடன், அடுத்த குழு இலக்கம் (12) ல் தொடங்கும்.

வலைப்பதிவர்களுக்கு ஒரு சவாலாக இருக்கட்டும் இந்த பதிவு.

இந்தப் பதிவை எனது இனிய நண்பர்கள் பத்து பேருக்கு பரிந்துரைக்கிறேன்.

சமூக வரலாற்றை எமக்கு கற்றுத்தரும் எமது இனிய நண்பர்.

திரு.கரந்தை ஜெயக்குமார் அவர்கள்.

http://karanthaijayakumar.blogspot.com

உலகமெங்கும் தெய்வீகம் வளர்க்கும் எமது இனிய நண்பர்.

திரு.துரை செல்வராஜூ அவர்கள்.

http://thanjavur14.blogspot.com

ஏமாற்றுக்காரர்களின் உலகை படம் பிடித்து காட்டும் எமது இனிய நண்பர்.

திரு.வே.நடனசபாபதி அவர்கள்.

http://puthur-vns.blogspot.com

புதுமையான கண்ணோட்டத்தில் சமூகத்தை அலசும் எமது இனிய நண்பர்.

திரு.துளசிதரன் தில்லைஅகத்து மற்றும் கீதா அவர்கள்.

http://thillaiakathuchronicles.blogspot.com

தாய்நாட்டை விட்டுச் சென்றும் தமிழ் வளர்க்கும் எமது இனிய நண்பர்.

திரு.சொக்கன் சுப்பிரமணியன் அவர்கள்.

http://unmaiyanavan.blogspot.com

வரலாற்று ஆய்வாளர் மரியாதைக்குறிய எமது இனிய ஐயா.

Dr. திரு. B. ஜம்புலிங்கம் அவர்கள்.

http://drbjambulingam.blogspot.com

பணியில்தான் ஓய்வே தவிற எனது எண்ணங்களில் அல்ல ! எனும் எமது இனிய நண்பர் திரு. தி. தமிழ் இளங்கோ அவர்கள்.

http://tthamizhelango.blogspot.com

இந்தியாவின் வருங்கால தூண்களை உருவாக்கும் ஆசிரியப் பெருமான் மலர்த்தரு எமது தோழர் திரு. மது கஸ்தூரி அவர்கள்.

http://www.malartharu.org

தனது சீறிய எழுத்துக்களால் எமது சிந்தை கவர்ந்த எமது இனிய நண்பர் திரு. இ.பு. ஞானப்பிரகாசன் அவர்கள்.

http://agasivapputhamizh.blogspot.com

அரிசியில்கூட அரசியல் பேசும் சூறாவளி ‘’அவர்கள் உண்மைகள்’’ நண்பர் திரு. மதுரைத்தமிழன் அவர்கள்.

http://avargal-unmaigal.blogspot.com

எல்லோருமே எனது நண்பர்களே அனைவருக்கும் இதில் இடமுண்டு ஆனால் பத்து நண்பர்கள்தான் என்பது மரபு ஆகவே... தயாராகுங்கள்.

இந்த கேள்வி - பதில் மூலமாகவாவது சமூகம் அரசியலில் மாற்று கருத்து பெறட்டும் என்று எண்ணியே இதை தொடங்கினேன் அரசியலில் மாற்றுக்கருத்தை நம்மைப் போன்ற எழுத்தாணி பிடித்தவன் சொல்லாமல் வேறு யார் சொல்ல முடியும் ?  

பணிவுடன் உங்கள்.

Devakottai KILLERGEE Abu Dhabi

இதனைக் குறித்து மதுரை பதிவர் விழாவில் நான் பேசிய காணொளி.