கோயமுத்தூர், கோக்குமாக்கு கோபாலு.

அரிசிக்கும், அரசிக்கும் வித்தியாசம் சொல்லு ?

அரிசி மக்களுக்கும் உபயோகம், அரசி மன்னருக்கு உபயோகம்.

ஆசாரிக்கும், பூசாரிக்கும் வித்தியாசம் சொல்லு ? 

ஆசாரி மணியை வடிப்பாரு, பூசாரி மணியை அடிப்பாரு.

மெய்க்கும், பொய்க்கும் வித்தியாசம் சொல்லு ?

குடும்பத்தலைவி அழுதால் மெய், நடிகை அழுதால் பொய்.

காதலுக்கும், மோதலுக்கும் வித்தியாசம் சொல்லு ?

காதலாலே மோதல் வரலாம், மோதலால காதல் வராது.

காதலிக்கும், மனைவிக்கும் வித்தியாசம் சொல்லு ?

எது பேசினாலும், தேன்போல இனித்தால் காதலி, என்ன பேசினாலும் தேள்போல கடித்தால் மனைவி. 

அதிர்ஷ்டம், துரதிஷ்டம் வித்தியாசம் சொல்லு ?

அது இஷ்டத்துக்கு வந்தால், அதிர்ஷ்டம், துறத்திக்கொண்டு போனால் துரதிஷ்டம்.

இயற்கைக்கும், செயற்கைக்கும் வித்தியாசம் சொல்லு ?

10 மாதம் கழித்து குழந்தை பிறந்தால் இயற்கை, 8 மாதத்துல ஆபரேஷன் செய்து எடுத்தால் செயற்கை.

மணமேடைக்கும், பிணமேடைக்கும் வித்தியாசம் சொல்லு ?

கழுத்துல மாலையோட நடந்து போனால் மணமேடை, மாலையோட தூக்கிகிட்டு போனால் பிணமேடை.

மகளுக்கும், மருமகளுக்கும் வித்தியாசம் சொல்லு ?

இருக்கிறதை, அள்ளிக்கிட்டு போறவ மகள், இருக்கிறவனை தள்ளிக்கிட்டு போறவ மருமகள்.

உலோக தங்கத்துக்கும், மாமாமகள் தங்கத்துக்கும் வித்தியாசம் சொல்லு ?

உலோக தங்கத்தை உரசினால் சேதாரமாகும், மாமன் மகள் தங்கத்தை உரசினால் சேர்மானமாகும்.

பலனுக்கும், பிரதிபலனுக்கும் வித்தியாசம் சொல்லு ?

காதலிக்கு, கேட்காமலே வாங்கிகொடுப்பது பிரதிபலனை எதிர்பார்த்து, மனைவி கேட்டாலும் வாங்கி கொடுக்காமலிருப்பது பலன் இல்லை எனதெரிந்து.

பலி கொடுப்பதற்கும், பழி வாங்குவதக்கும் வித்தியாசம் சொல்லு ?

நம்ம பணத்துல, ஆடுவாங்கி கொடுத்தால் அது பலி, பிடிக்காதவன் ஆட்டைப்புடிச்சு கொடுத்தால் அது பழி.

மகனுக்கும், மருமகனுக்கும் வித்தியாசம் சொல்லு ?

கொஞ்சம், கொஞ்சமா சுரண்டுவாரு மகன், மொத்தமா வரண்டுவாரு மருமகன்.

பணக்காரனுக்கும், பிச்சைக்காரனுக்கும் வித்தியாசம் சொல்லு ?

பிச்சைக்காரனுக்கு, நினைத்த இடமெல்லாம் தூக்கம் வரும், பணக்காரனுக்கு நினைத்தாலும் தூக்கம் வராது.

கோயிலில் நிற்கும் பக்தனுக்கும், திருடனுக்கும் வித்தியாசம் சொல்லு ?

கோயில் உண்டியல்ல, பணத்தை போடுறவன் பக்தன், அந்த பணத்தை எடுத்துக்கிறவன் திருடன்.

அன்றைய அரசியல், இன்றைய அரசியல் வித்தியாசம் சொல்லு ?

அன்றைய அரசியல்வாதிகள் நாட்டு மக்களுக்கு உழைத்தார்கள், இன்றைய அரசியல்வாதிகள் வீட்டு மக்களுக்கும், சின்னவீடுகளுக்கும் உழைக்கிறார்கள்.

ORIGINALலுக்கும், DUPLICATEக்கும் வித்தியாசம் சொல்லு ?

ஸூட்டிங்கில, ORIGINALலா பல்டி அடிக்கிறவருக்குபேரு DUPMASTAR, சும்மா நடிச்சு காண்பிச்சவருக்கு பேரு ORIGINAL.

ABU DHABI க்கும், DUBAI க்கும் எழுத்து வித்தியாசம் சொல்லு ?

ABU DHABI யிலிருந்து, DUBAI எடுக்கலாம், DUBAI யிலிருந்து ABU DHABI முழுமையா எடுக்கமுடியாது.

ரயிலுல நாம ஏறுவதற்க்கும், ரயிலு நம்ம மேலே ஏறுவதற்கும் வித்தியாசம் சொல்லு ?

ரயிலுல நாமஏறினா போறஇடம் இராமேஸ்வரம், ரயிலு நம்ம மேலே ஏறினா போறஇடம் எமனேஸ்வரம்.

முட்டாளுக்கும், அறிவாளிக்கும் வித்தியாசம் சொல்லு ?

என்னத்தையாவது கேட்கிறவன் முட்டாள், எதையாவது சொல்லி சமாளிக்கிறவன் அறிவாளி.

சரி எனக்கு வேலையிருக்கு, நான் வர்றேன்.