Dr. 6 முகம்

அன்பு நண்பர்களே... வணக்கம் எமது கடந்த Mineral Water பதிவுக்கு வந்த அன்பின் ஜி குவைத் திரு. துரை செல்வராஜூ அவர்கள் படித்து விட்டு பின்னூட்டத்தில் எனது கழுத்தில் இப்படியொரு கொக்கியை போட்டு விட்டு போய் விட்டார்கள் நானும் மறுமொழியில் வாயை வச்சுக்கிட்டு சும்மா இருக்க முடியாமல் இப்படியொரு வாக்கு கொடுத்து விட்டேன் பிறகுதான் புரிந்தது எமது தவறு இருப்பினும் வாக்கு கொடுத்ததை காப்பாற்றுவது எமது கடமை இல்லையெனில் தி கிரேட் தேவகோட்டைக்காரன் 

வாக்கு கொடுக்க வக்கு இல்லாதவன் 

என்று இந்த பொல்லாத சமூகத்தில் முத்திரை குத்தி விடுவார்களே... ஆகவே அதன் சிந்தனையில் உதித்த அவசர பதிவு அன்றே எழுதி விட்டேன் இருப்பினும் புதுக்கோட்டை போட்டிகளில் கலந்து கொண்ட பதிவுகளால் வெளியிட தாமதம் இதை முதன் முதலாக படிப்பவர்கள் மேலேயுள்ள மினரல் வாட்டர் இணைப்பைச் சொடுக்கி படித்து விட்டு பிறகு தொடர்வது நலம் – கில்லர்ஜி

குட் ஈவ்னிங் டாக்டர்.

குட் ஈவ்னிங் ட்டூ யூ வாங்க, டாக்டர் திருமுகம் எப்படி இருக்கீங்க ?

இருக்கேன் டாக்டர் நீங்க நல்லா இருக்கீங்களா... க்ளப்ல முன்னே மாதிரி பார்க்க முடியலையே...?

இல்லை டாக்டர் இப்ப கொஞ்சம் பிஸி அதான் வர முடியலை அப்புறம் கிளினிக் எல்லாம் எப்படி போகுது ?

ஏதோ போகுது ஒரு நாளைக்கு பத்துக்குள்ளேதான் வர்றாங்க வர வர பேஷண்டோட எண்ணிக்கை குறையுது ஏன் அதான் எனக்கும் புரியலை ?

நானும் கேள்விப்பட்டேன் டாக்டர் நீங்க பேஷண்டுகளுக்கு ஒரே மாதிரி ட்ரீட்மெண்ட் கொடுக்காமல் ஏதோ மாற்றி மாற்றி டாப்லெட் கொடுக்கிறீங்களாமே...

அதான் மிஸ்டர் 6 முகம் அதைப்பற்றிதான் நான் டிஸ்கஸ் பண்ண வந்தேன்.

6 முகமா ? மிஸ்டர். திருமுகம் நீங்க யாருனு நினைச்சு பேசுறீங்க... நான் டாக்டர் 7 மலை.

ஓ.... மை காட் நான் நீங்க சைக்யாட்ரிஸ்ட் டாக்டர் 6 முகம்’’னு நினைச்சு வந்துட்டேன் ஸாரி.

இட்ஸ் ஓகே டாக்டர் சொல்லுங்க உங்களுக்கு என்னதான் பிரச்சனை..

அது.... வந்து... டாக்டர்...

சும்மா சொல்லுங்க டாக்டர் நான் வெளியில சொல்ல மாட்டேன்..

அது வந்து டாக்டர் கொஞ்ச காலமாகவே எனக்கு மறதி அதிகமாயிடுச்சு என்ன செய்யுறோம் யாருக்கு என்ன மருந்து எழுதிக் கொடுகிறோம்னு தெரியாமல் சில நேரங்களில் பழைய ஸ்க்ரிப்ட்டை பார்த்து எழுதிக் கொடுத்துடுறேன் அது பேஷண்ட்களுக்கு பல விளைவுகளை உண்டாக்கி பிரச்சனையை கொண்டு வருது...

பின்னே இது தப்பு இல்லையா ? முதலில் உங்களுக்கு ட்ரீட்மெண்ட் எடுத்துக்கங்க டாக்டர் 6 முகம் உங்களோட க்ளாஸ்மேட் இல்லையா.. அவரையே கன்ஸல்ட் பண்ணுங்க.. என்ன திடீர்னு ஏதும் அதிர்ச்சியான சம்பவங்கள்... அப்படி... இப்படினு...

கடந்த சில மாதமாக ஒரு குடிகார மட்டைக்கு ட்ரீட்மெண்ட் கொடுத்தேன் அவன் வந்தாலே எனக்கு வயித்துல புளியைக் கரைக்கிற மாதிரியிருக்கும்..

ஏன் ?

எடக்கு மடக்கா பேசுவான், வார்த்தைகளை குண்டக்க மண்டக்க போட்டு பேசி என் மண்டையை காயவச்சுட்டுப் போயிடுவான் அவன் போனதும் நினைச்சு நினைச்சு நெஞ்சுவலி வந்துடும் ஏற்கனவே 2 முறை அட்டாக் வந்துடுச்சு டாப்லெட் எடுத்துக்கிட்டு தூங்கிடுவேன் இப்பவெல்லாம் கனவுலயும் வர்றான் பல நேரங்கள்ல அவனிடம் பணமே வேண்டாம் நீ வரவும் வேண்டாம் போடானு சொல்லிப் பார்த்துட்டேன் இருந்தாலும் தொடர்ந்து வர்றான் அவனாலத்தான் நான் இப்படி ஆகிட்டேன்.

யாரு, அவன் ?

இதோ ஃபோட்டோவைப் பாருங்கள் இவன்தான்.

இவன் ஃபோட்டோவை ஏன்... கையில வச்சுக்கிட்டு இருக்கீங்க ?

தெரிஞ்ச டாக்டர்களிடம் இவன் வந்தால் பார்க்காதீங்க அப்படினு சொல்லி அவங்களையாவது காப்பாற்றுவோம் அப்படினுதான்...

தவறு உங்கள் மீதுதான் டாக்டர் நீங்க ஏன் பணம் வாங்காமல் விட்டீங்க ? நாமென்ன, மெடிக்கல் காலேஜ்ல பணம் கட்டாமல் சும்மாவா படித்தோம் ? அடுத்த முறை இவன் வந்தால் பக்குவமாக பேசி என்னிடம் அனுப்பி வையுங்கள் இவனை நான் பார்த்துக்கிறேன் என்னோட ட்ரீட்மெண்ட் வேற மாதிரி கொஞ்சம் ஹார்டாத்தான் இருக்கும் ஒரே வாரத்துல சரியாக்கிடலாம்.

நல்லது டாக்டர் இந்த ஃபோட்டோவை நீங்களே வச்சுக்கங்க.. அப்புறம் டாக்டர் நம்ம விசயத்தை வெளியில யாருட்டயும் சொல்லிடாதீங்க.. தெரிஞ்சா கில்லர்ஜி மாதிரி ஆளுங்க வெப்ஸைடில் போட்டு கிழிச்சுடுவாங்க..

இல்லை டாக்டர் கண்டிப்பாக சொல்ல மாட்டேன் நீங்க உடனே டாக்டர் 6 முகத்தைப் பாருங்க... அப்புறம் இந்த கில்லர்ஜி வெப்ஸைடெல்லாம் படிக்கிறீங்களா ?

ஆமா டாக்டர்..

முதல்ல அதை நிறுத்துங்க...

ஏன்  டாக்டர்...?

உங்களுக்கு இப்படி ஆனதுக்கு அடிப்படை காரணமே கில்லர்ஜி வெப்ஸைடுதான்.

ஐயய்யோ சரி டாக்டர் ரொம்ப நன்றி ஏன்  இவனோட ஃபோட்டோவை எக்ஸ்ரேயிலே மாட்டுறீங்க ?

நம்மகிட்ட மாட்டுனான்ல... நம்மலோட ட்ரீட்மெண்ட் ஸ்டார்ட் ஆகிடுச்சு அவன் மனசை படிக்க ஆரம்பிச்சுட்டேன், நீங்க ஆளை மட்டும் அனுப்புங்க..

ஹ...ஹ்...ஹா என்னமோ டாக்டர் நீங்களாச்சு, அவனாச்சு எனக்கு பீடை விட்டுச்சு அப்படினு போறேன் நல்லது டாக்டர் பை ஸீ யூ..

ஓகே பை.

சாம்பசிவம்-

ஆஹா இனி கெட்டகாலம் யாருக்கோ ?