அக்குள் 99

வணக்கம், ஐயா ஆரம்பிக்கலாமா ?

நல்லது, நானும் தயார்.

ஐயா உங்கள் வாழ்க்கையில் ஏற்பட்ட சறுக்கல் ஏதாவது உண்டா ?

ஆம், ஒரு முறை சாலையில் நடந்து செல்லும்போது வாழைப்பழத்தோல் சறுக்கி விட்டது.

பெருக்கல் ஏதும் உண்டா ?

முதன் முதலில் அரபு நாட்டில் எனது வேலையே சாலையை பெருக்குவதுதானே...

கழித்தல் ஏதும்...

ஆமாம் விபரமறிந்த நாளிலிருந்து தினம் காலையில் அதைத்தான் செய்து கொண்டிருக்கிறேன்.

வாழ்க்கையில் சிக்கல் ஏதாவது...

ஆமாம், பலமுறை போயிருக்கிறேன் ஏர்வாடியை அடுத்து இருக்கிறது, சின்ன வயதில் செந்தில் முருகன் டாக்கீஸில் சம்பூர்ண ராமாயணம் திரைப்படம் கூட அங்குதான் பார்த்தேன்.

ஐயா அழித்தல் ஏதும் உண்டா ?

ஆமாம் வலைப்பதிவில் எழுதும்போது... தவறாக வந்து விட்டால் உடன் அழித்து விடுவேன்.

வாழ்க்கையில், குலுக்கல் அப்படி ஏதும்...

நிறைய தடவை இதில் கலந்து கொண்டுள்ளேன் ஆனால் பரிசு இதுவரையில் விழுந்ததில்லை.

வாழ்வில் இளித்தல் அப்படி...

பல தடவை இளம் பெண்களை பார்த்து பல் இளித்து இருக்கிறேன்.

நக்கல் ஏதும்...

பலமுறை கொம்புத்தேனை நக்கி இருக்கிறேன்.

தாங்கள் வாழ்வில் கிறுக்கல், ஏதாவது...

அதைத்தானே வலைப்பதிவில் செய்து கொண்டு இருக்கிறேன்.

நல்லது ஐயா தங்களின் பொன்னான நேரத்தை ஒதுக்கி, எங்களது நிறுவனத்தின் சார்பாக கேட்கப்பட்ட 9 கேள்விகளுக்கும் நவரத்தினமாய் பதில் அளித்த தங்களுக்கு எங்கள் அக்குள் 99 கம்பெனி வழங்கும் ஃபாடி ஸ்பிரே டப்பாக்கள் வழங்கப்படுகிறது. 

நன்றி, இதனைப்போல பல கேள்விகளுக்கும் பதிலளிக்க நான் காத்திருக்கிறேன், கடமைப் பட்டிருக்கிறேன் வணக்கம்.