Software Engineer

சில மாதங்களுக்கு முன்பு சாலையில் நடந்து செல்லும் போது USB ஒன்றை கண்டெடுத்தேன் வீட்டில் உள்ள கணினியில் போடாததற்கு காரணம் ஒருக்கால் வைரஸ் இருக்கலாம் எப்பொழுதுமே ஊரான் வீட்டு பிள்ளையை கிணற்றில் இறக்கி விட்டு ஆழம் பார்ப்பது நமது பழக்கம்தானே... அலுவலகத்துக்கு வந்து எனது கணினியில் போட்டு பார்க்கும் போது கடவுச்சொல்  கேட்டது என்ன செய்வது ஓய்வு நேரங்களில் ஆயிரத்தில் இருந்து தொடங்கி அடித்துக் கொண்டே வந்தேன் எண்ணாக இல்லாமல் எழுத்தாக இருந்தால் என்ன செய்வது தட்டச்சு பலகையை சடச்சடவென அடித்து Enter செய்து கொண்டே வந்தேன் திடீரென OK ஆகி விட்டது என்ன அடித்தேன் என்பது எனக்கே தெரியவில்லை சரியென உள்ளே சென்றால் பத்துக்கும் மேற்பட்ட புகைப்படங்கள் ஒரு ஆணும், பெண்ணும் நெருக்கமான நிலையில் ஆபாசம் என்று சொல்லி விட முடியாது எல்லா படங்களிலும் அதே நபர்கள் அடுத்து கோப்பு ஒன்று இருந்தது திறந்தேன் ஆச்சர்யம் எனக்கு காரணம் தமிழில் கவிதை போல சில வார்த்தைகள் அதன் கீழே ஆங்கிலத்தில் அவருடைய பெயர், முகவரி, தொலைபேசி எண் (படித்ததும் வேறு வழியின்றி உடன் அழைத்தேன்) ஓரிடத்தில் சந்தித்தோம் பரஸ்பரம் நலகுசலம் விசாரித்தல், பின்பு கேட்டார் கடவுச்சொல் எப்படி. ? சத்தியமாகத் தெரியாது குருட்டடியில் திறந்து விட்டது என்னை சந்தேகமாய் பார்த்து என்ன வேலை செய்கிறீர்கள் ? எனக்கேட்டார் அவரின் எண்ணம் எனக்கு புரிந்து விட்டது நீங்கள் நினைப்பது போல் நான் கணினி பொறியாளர் கிடையாது ஒரு அலுவலகத்தில் சாதாரண குமாஸ்தா என்றேன் பிறகு சொன்னேன் இந்த மாதிரி புகைப்படம் எடுப்பதே தவறு அதையும் USBயில் வைப்பது அதைவிட தவறு காரணம் உங்கள் மனைவி இதைப்பார்த்தால் உங்க வாழ்க்கைக்கும் பிரச்சினை என்றேன் அவர் சங்கடப்பட்டு என்னிடம் மன்னிப்பு கேட்டு இதை இப்பவே நீக்கம் செய்து விடுகிறேன் என்றார் பிறகு எங்கள் நட்பு தொடர்ந்து கொண்டது.

ஒருநாள் நான் Shopping Mall போகும்போது யதார்த்தமாய் அவரை குடும்ப சகிதமாய் சந்திக்க நேர்ந்தது மனைவி மக்களை எனக்கு அறிமுப்படுத்தி வைத்தார் அந்தப் பெண்மணி என்னிடம் சகஜமாக பேசினார் அவர் சங்கோஜப்பட்டு பேசினார் காரணம் நான் புகைப்படத்தில் பார்த்த பெண் அவருடைய மனைவி

நண்பா, நண்பி இந்த மாதிரியான புகைப்படங்களை எடுக்காதீர்கள் எனசொல்ல எனக்கு உரிமையில்லை இருப்பினும் USB யில் சேமிக்காதீர்கள் எனசொல்ல சந்தர்ப்பம் கிடைத்ததில் எனக்கு சந்தோஷமே கவிதை போல சில வார்த்தைகள் என்ன தெரியுமா..?

நீ திருடன் இல்லையெனில்...

திருப்பிக் கொடுத்து விடு

நீ மடையன் எனில்...

இதை மறைத்துக் கெட்டு விடு.

இப்படிக்கு

நான்தான்டா நாதாரி

CHIVAS REGAL சிவசம்போ-

இவன் நாதாரின்னு தன்னைச் சொல்றானா  இல்லை எடுத்தவனை சொல்றானா ? தெலுகுபட டைட்டில் மாதிரி இருக்கு நமக்கு கெடச்சுருந்தா நாலு நாளுக்கு குவாட்டருக்காவது பிஸினஸ் பேசியிருக்கலாம்.