அந்த தருணங்கள்

இப்பதிவின் முந்தைய தொடர்ச்சிகளை படிக்க கீழே சொடுக்குக...

பதினெட்டாம்படி கருப்பர் துணை

ச்சீ இந்த ஜூஸ் புளிக்கும்

நீயும், நானும் பொணம்டா...

உலகம் தோன்றியதிலிருந்து...

என்னை இவன் போலீஸ் டெஸ்டுக்கு ரெடியா ? என்ற டெஸ்டுக்கு அனுப்பி வைத்தார்கள் அதற்கு வந்த மாஸ்டர் பாக்கிஸ்தானி அடி வயிறுவரை தாடி வைத்திருந்த அவனைக் கண்டதுமே எனக்கு அடி வயிற்றைக் கலக்கியது பயமில்லை இருப்பினும் எனது குடுமி இன்று இவனது கையில்தானே இவன் என்ன நினைக்கின்றானோ ? அதுதானே நடக்கும்.

எல்லோருமே நீதிமான் குன்ஹா போல் இருப்பார்கள் என்று சொல்ல முடியாதே பெரிய ஸூட்கேஷ் பெரியசாமி போல் இருந்தால் ? இவன் நினைத்தால் அடுத்து எனக்கு போலீஸ் டெஸ்டு இல்லையேல் கிளாஸ் இன்னும் தொடரும் காரில் மொத்தம் ஐந்து பேர் அன்று டெஸ்டுக்கு வந்தது நான்கு மாணவர்கள் இரண்டு பாக்கிஸ்தானியர்கள், ஒரு எஜிப்தியன், தேவகோட்டையான் Me முதலில் இரண்டு பாக்கிஸ்தானியரும் முடிந்தது அடுத்து எஜிப்தியன், அந்த மூன்று பேருக்கும் கொடுத்த வேலைகளை கவனித்தேன் பாக்ஸ் இரண்டு பேருமே சிறிய சிறிய தவறுகள் செய்தார்கள் என்பதை என்னாலேயே கணிக்க முடிந்தது கடைசியாக நான் வந்ததுமே ஒரு மாதிரியாக பார்த்தான் எனக்கு புரிந்து விட்டது இவனுக்கு நம்மைப் பிடிக்கவில்லை பந்தமே இல்லாமல் ரோட்டில் நடந்து போகும் பாக்ஸூகளுக்கே இந்த மீசையைக் கண்டவுடன் இந்தியன் என்று தெரிந்ததுமே என்னமோ நான் அவன் கொழுந்தியாள் கையை பிடித்து இழுத்ததுபோல் முறைத்துப் பார்ப்பார்கள். இன்று நமது குடுமி இவனது கையில்...

மனதில் இந்த இடத்தில் தான் ஊர் உலகத்தில் இருக்கும் தெய்வங்கள் எல்லாம் நினைவுக்கு வந்தது அவன் என்னிடம் சொல்லும் போதே காடி நிக்காலோ (வண்டியை எடு) என்று அதிகாரமாக ஏதோ சண்டைக்காரனிடம் சொல்வது போல்சொன்னான் மற்றவர்களைவிட கூடுதலாக நேரம் கொடுத்தான் அவசியமின்றி நெருக்கடியான இடத்தில் பலமுறை ரவுண்ட் அடிக்க வைத்தான் இருப்பினும் கவனமாக காரை ஓட்டிக்கொண்டு போனேன் என்னிடம் தவறு கண்டு முடிக்க முடியாதவன் என்னை தவறு செய்யும் படியான சூழ்நிலைக்கு தள்ளினான் என்பது புரிந்தது முடிவில் ஒரு ஸிக்னல் வரும்போது போ போ என விரட்டி விட்டு எல்லோ விழுந்த பிறகு எதுக்காக போனாய் ? என்றான் (எல்லோ நிற்பதுக்குள் ஸிக்னலை கடக்கலாம் என்பது விதிமுறை) அத்துடன் ஸ்கூலுக்கு விடச்சொன்னான் காரை பார்க்கிங்கில் விட்டதும் நான்கு பேரும் ரிசல்டுக்காக காத்திருந்தோம் மற்ற மூன்று பேரும் போலீஸ் டெஸ்டுக்கு ரெடி நான் இன்னும் இரண்டு க்ளாஸ் எடுக்க வேண்டும் அடப்பாவி எனக்கு இருநூறு திர்ஹாம்ஸ் செலவு இழுத்து விடுவதில் உனக்கு இன்பமா ? ஒரு பாக்ஸ் என்னிடம் சொன்னது மனதுக்கு ஆறுதலாக இருந்தது அவன் உண்மையில் என்னைத்தான் இப்படிச் செய்திருக்க வேண்டும் நீ நல்லாவே வண்டி ஓட்டினே.... நன்றி இப்படியும் ஒரு பாக்கிஸ்தானி மீண்டும் பணம் கட்டி இரண்டு க்ளாஸ் முடிந்ததும் போலீஸ் டெஸ்டுக்கு மறுமாதம் தேதி கொடுத்தார்கள்.

அன்று போலீஸ் டெஸ்டுக்கு ஆறு பேர் போனோம் காரில் இரண்டு போலீஸ்காரர்களும் நானும் வழக்கம்போல டெஸ்டுக்காக அவர்கள் தேர்வு செய்து வைத்திருக்கும் ஏரியா நான் ஐந்தாவது நபர் அடி வயிறுவரை தாடி வளர்த்திருந்த பாக்கிஸ்தானியிடம் படித்த பாடத்தை மனதில் நிறுத்திக்கொண்டு காரை எடுத்தேன் எல்லாம் முடிந்து ரிசப்ஷனில் ஆறு பேரும் காத்திருந்தோம் இரண்டு இந்தியன், ஒரு எமராத்தி (பெண்) இரண்டு பாக்கிஸ்தானி, ஒரு பிலிப்பைனி ரிசல்ட்டுக்காக காத்திருந்தோம் பாஸானால் மறுநாள் ஹெட் போலீஸ் டிபார்ட்மெண்ட் ஆஃபீஸில் போய் லைசென்ஸ் வாங்கி கொள்ளலாம் அந்த தருணங்கள் இருக்கின்றதே அது ஒரு புதுமையான அனுபவம் ரிசல்ட் வந்தது. Only one person PASS yes me. Thanks to GOD.

அங்கு தோன்றியுள்ள புதிய வியாதியை பார்ப்போமா ?

 கார்கள் இன்னும் வரும்...