கண்ணூர், கண்ணகி கருப்பாயி

இன்று நடிகை நளினாவுக்கு திருமணம் சென்னையில் பிரபலமான ஹோட்டல் ரோஸிக் பேலஸ் கோலாகலமாய் அலங்கரிக்கப்பட்டு இருந்தது முதல்வர் முகிலன் முன்னிலை வகிப்பதால் முன்னணி நட்சத்திரங்களுக்கு, முக்கிய பிரமுகர்களுக்கு, மட்டுமே அழைப்பு ரசிகர்கள் போலீஸாரால் தெருவின் முனையிலேயே தெருநாயை போல் விரட்டி அடிக்கப்பட்டார்கள்
இருப்பினும் ரசிகர்கள் பட்டாசு கொளுத்தி ரோட்டை குப்பைக் கூளமாக்கி நகராட்சி ஊழியர்களுக்கு வேலை வாய்ப்பை ''பெருக்க'' வைத்தார்கள். மாப்பிள்ளை ரிச்சர்ட் அமெரிக்காவில் மிகப்பெரிய தொழிலதிபர் வயதுதான் கொஞ்சம் வித்தியாசம் நளினாவைவிட 23 வயது கூடிவிட்டது, அதொன்றும் அவளது குற்றமில்லை அவளது தாய்-தந்தையினர் லேட்பிக்கப் மற்றபடி வரதட்சினை பிரச்சனைகள் கிடையாது ஸூட்டிங்காக அமெரிக்கா போகும்போது அவருடன் பழகியதில் அவரது குணம் பிடித்துப் போனதால் பெரியோர்கள் நிச்சயம் செய்து விட்டார்கள் மாப்பிள்ளை சென்னையில் ஒருவாரம் தங்கி விட்டு சொந்த ஜெட் விமானத்திலேயே அமெரிக்கா போவதாகவும் நளினா கைவசமுள்ள ஐந்து படங்களையும் இரண்டே மாதத்தில் முடித்துக் கொடுத்து விட்டு நடிப்புக்கு முழுக்கு போட்டு விட்டு அமெரிக்கா போய் செட்டில் ஆகி விடுவதாகவும் ஏற்பாடு.

 

நளினாவுக்கு சொந்த ஊர் கேரளா கண்ணூர் கலைதாகத்தை தீரக்க வேண்டி சென்னைக்கு ரயிலேறியவர் வந்தாரை வாழவைக்கும் தமிழகம் அவளையும் சில இயக்குனர்களால் பிரபலமான அள்ளி அணைத்துக் கொண்டது வெள்ளிவிழா இயக்குனர் வேலுகந்தர் தனது கண்ணகி படம் மூலம் அறிமுப்படுத்தினார் கருப்பாயி என்ற அவளது இயற்பெயரை அவளின் நளினங்களை கண்ட இயக்குனர் நளினா எனபெயர் மாற்றினார் படம் சூப்பர் ஹிட் திருமணம் செய்யப் போவதால் முன்கூட்டியே பத்திரிக்கையாளர்கள் கூட்டத்தை கூட்டி விருந்து கொடுத்து நடிகை நளினா பேசினாள்.... 

வனுக்கோம் எண்க்கு கள்யாநம் செய்யாபொகுது அதுநலே இணிநானு நடிகுல்லே அமெரிக்கா பொரேன் இத்னைநாலா எண்ணை வலாவைத்த தமில்நட்டு மக்குலுக்கும், ரசிகாரு எள்ளார்க்கும் எண்னாதூ மணாசு நொரயே நண்ரி. 

என பலத்த கைதட்டலுக்கு இடையே பேட்டியை கண் கலங்கி முடித்துக் கொண்டாள் கல்யாணம் கோலாகலமாக நடந்து முடிந்ததில் நளினாவுக்கு சந்தோஷம். ஒருவாரம் மட்டும் ஹனிமூனுக்காக மாப்பிள்ளையும்-பெண்ணும் கோவா சென்று விட்டு வந்தார்கள் மாப்பிள்ளை தனது ஜெட் விமானத்தில் அமெரிக்கா புறப்பட்டார் நளினா விமான நிலையம் சென்று அவருக்கு முத்தம் கொடுத்து இரண்டே மாதத்தில் வந்து விடுவேன் எனஅனுப்பி விட்டு, அப்படியே ஸர்ப்ரைஸ் கொடுப்போமென டிஞ்சர் வச்சானின் இது விதவைக்காலம் ஸூட்டிங்காக விராலிமலை சென்றாள் இதை இயக்குனர் டிஞ்சர் வச்சான் எதிர் பார்க்கவில்லை இருந்தாலும் நளினா வந்ததால் சட்டென அவளது பாக்கி ஸீன் எடுக்கலாமென்றால்.... தாலியறுப்பு ஸீனுக்குத்தான் மலையடிவாரத்தில் குடிசை செட்டிங் போடப்பட்டிருந்தது ஆனால் தாலியறுக்க தாலி இல்லை நிலைமையை இயக்குனர் விளக்க... நளினாவும் பரவாயில்லை இதையே யூஸ் செய்துக்கிறலாமென சொல்லி விட்டாள்.

டிஞ்சர் வச்சானுக்கு சந்தோஷம் காரணம் ஸீன் நேச்சுரலாக இருக்குமென... போன வாரம் கட்டிய புது தாலியை இந்த வாரம் புளி கரைத்த தண்ணீரில் முக்கி அழுக்காக்கி, ஸூட்டிங்காக தாலி அறுத்தார்கள் மேலும் இரண்டு ஒப்பாரி ஸீன்களையும் முடித்து விட்டு மறக்காமல் அறுத்த தாலியை இவளே முடிச்சுப் போட்டு கழுத்தில் மாட்டிக் கொண்டு இரவே புறப்பட்டு சென்னை வந்தாள் மறுநாள் காலை எழுந்து குளிக்கப் போனவள் சரி இன்று குளியல் ஸீன்தானே அங்கு போய் குளிப்போம் என, ஸூட்டிங் புறப்படும்போது.... அமெரிக்காவிலிருந்து, போன் ரிச்சர்ட் சென்ற விமானம் தரையிறங்கும் போது தீ பிடித்து விமானத்திலிருந்த எட்டு பேரும் உடல் கருகி இறந்து விட்டதாக... தகவல். 

அப்படியே ஸோபாவில் உட்கார்ந்தவள் ஸூட்டிங் கேன்சல் செய்து விட்டு அடுத்த ½ மணி நேரத்தில் பத்திரிக்கையாளர்கள் கூட்டத்தை கூட்டச் சொல்லி மேனேஜர் மேகநாதனுக்கு உத்தர விட்டாள், பத்திரிக்கையாளர்கள் கூட்டத்தில்.... நளினா பேசினாள்... 

எண் உசுறு தமிலு மக்குலுக்கும், ரசிகாரு எள்ளார்க்கும் வனுக்கோம் நாணு நடிகுலேனு தெறிஞ்சி ரசிகாரு எள்ளாரும் எணுகு மெயில் அணுபியச்சு போஸ்டரு ஓட்டியச்சு அமெரிக்கா பொகாவேனாணு சொல்ளிருச்சு வீடுக்கூ முண்னடியெ ரசிகாரு எள்ளாரும் நிக்கிது ஒறு ரசிகாரு தீ பிடிசுறுச்சு அதுனளே நடிபூதான் எணுகு ஒசிறு நாணு தமிலுநட்டே விட்டு பொகாது நாணு இணும் ஆயிராம் படதுல நடிகும் பொகுது ரசிகாரு எள்ளாரும் ஆத்துறவு தறுணும் நண்ரி. 

பலத்த கைதட்டலுக்கிடையே பேட்டியை முடித்துக் கொண்டாள் நளினா.

அன்றைய ''மாலை தராசு'' வில் நண்பர் திரு. எஸ்.பி.செந்தில் குமார் அவர்களின் கை வண்ணத்தில் கொட்டை எழுத்துக்களில் நாட்டிய நடிகை நளினா தொடர்ந்து...... 

நன்றி திரு. திண்டுக்கல் தனபாலன் அவர்கள் மற்றும் நீச்சல்க்காரன் திரு. ராஜாராம் அவர்கள். 

கையிலேயே எழுதி விரலெல்லாம் வலிக்குது பெயின் கில்லர்(ஜி) போடணும்.