அரசியல்வாதி For 2020

நானொரு அரசியல்வாதி ஆதலால்...

எனது எண்ணங்களுக்கு வண்ணம் பூசுகிறார்கள்

ரத்தக்காயம் பட்டால்கூட காவிச்சாயம் பூசுகிறார்கள்.

மேடையில் பேசினால் கட்சியினர் சாமரம் வீசுகிறார்கள்

மறந்து, மறுத்துப் பேசினால் கற்களை வீசுகிறார்கள்
.

நான் தியாகம் செய்தேன் என்னை ஏசு என்றார்கள்

பிறர் சொத்தை தில்லுமுல்லு செய்தால் ஏசுகிறார்கள்.

மகளிர் அணியில் பெண்களின் காவலன் என்றார்கள்

செயலாளரை நோக்கினேன் கோவலன் என்றார்கள்.

நான் ஆளத்தகுந்தவனா என்றால் ஆமா மன்னா என்றார்கள்

மறுபுறத்து எதிர்க்கட்சியினர் மாமா மன்னா என்கிறார்கள்.

விசுவாசிகள் என்னை இதயச்சிறையில் அடைப்போம் என்கிறார்கள்

விசக்கிருமிகள் என்னை உதய்ப்பூர் சிறையில் அடைப்போம் என்கிறார்கள்.

வேளாங்கண்ணி மாதா கோவிலுக்கு போனேன் நடிக்கிறேன் என்றார்கள்

மஸூதியில் கஞ்சி குடித்தேன் ஓட்டுக்கு காக்கா பிடிக்கிறான் என்றார்கள்.

நான் எனது அன்னை வீட்டிலிருந்தேன் பண்ணை வீடு என்றார்கள்

மாறாக சிறிய வீட்டிலிருந்தேன் அதை சின்னவீடு என்கிறார்கள்.

பெஸ்ட் அவார்டு வாங்கினேன் இதுவும் வேஷ்ட் என்றார்கள்

எஸ்டேட்டில் ரெஸ்ட் எடுத்தால் ஹவுஸ் அரெஸ்ட் என்கிறார்கள்.

நடிகையோடு வந்து தங்களைப் பற்றிய குறும்படம் என்றார்கள்

நடிகையோ எம்மிடம் குசும்பான பாடம் நடத்திச் சென்றார்கள்.

கொழுந்தியாளிடம் இனிமை தேடுகிறார் என்றார்கள்

மறுபுறம் கொரோனாவால் தனிமை என்றார்கள்.

தேர்தலில் வெற்றி பெற சொத்து முழுவதும் காலி செய்தேன்

நான் கட்டிய டெபாஸிட்டையே மக்கள் காலி செய்தார்கள்.

இவண்

செம்படையான் ஆதிகேசவ குலசேகர பாண்டிய நாதமுனி தேவநாடு

Chivas Regal சிவசம்போ-

ச்சே அரசியல்வாதியாவது பாவச்செயல் போலயே...

சிவாதாமஸ்அலி-

ஃபோட்டோவுல ஃபோர் ட்வெண்டினு போட்டு இருக்குதே....