அலங்காரமா ? அலங்கோலமா ?

இவர்கள் என்ன உடையணிகின்றார்கள் ? இவளைச்சுற்றி இவளது உடையை தூக்கி கொண்டு ஆறு நபர்கள் மேடைக்கு அழைத்து வருகின்றார்கள். தெருவை பெறுக்கி வருவது போன்ற இந்த உடையின் விலை எவ்வளவு தெரியுமா ? பல லட்சங்கள். இவ்வளவு விலை கொடுத்து வாங்கி இந்த கொங்காச்சிறுக்கி மறைக்க வேண்டியதை மறைக்க வில்லையே... பிறகு இது எதற்கு ? யார் வாங்குவார்கள் ? சந்தனம் எவர் வீட்டில் மிஞ்சினால் வாங்குவார்களோ அவர்களுக்கே வெளிச்சம்.
 
சமூகத்தில் இந்த வகையான இழிவானவர்களுக்கே முதல் மரியாதை கிடைக்கிறது இதை உடுத்திக் காண்பித்து விட்டு இவள் போய் விடுவாள் அதற்கு அந்த விளம்பரத்துக்கு இவளுக்கு லட்சங்கள் சம்பளம். 1952-ல் பராசக்தி வெளியானவுடன் திரு சிவாஜி கணேசன் அவர்களின் தாயார் திரைப்படங்களில் நடித்தால் கூத்தாடிப்பயல் என்று யாரும் பெண் தரமாட்டார்கள் என்று அவசரமாக ஒரு பெண்ணைப் பார்த்து திருமணம் செய்து வைத்தார்கள் அவர்தான் திருமதி கமலா அம்மாள்.
 
அன்று ஆண்பாலுக்கே இந்நிலை இன்று பெண்பாலுக்கு ? தமனாவையும், அனுஷ்காவையும் வரதட்சிணை வாங்காமல் திருமணம் செய்ய சென்னையிலும், நெல்லையிலும் இருவர் போட்டி போடுகின்றார்கள். அவர்களின் பெயர்கள் சட்டென நினைவுக்கு வர மறுக்கிறது. அதிராவுக்கு தெரியுமென்று நினைக்கிறேன்.
 
ஒருமுறை மதுரையில் துப்பட்டா எடுப்பதற்கு ஜவுளிக்கடைக்கு போனேன் சிறிய கடைதான் சிறிய பிரிமனை மாதிரி எடுத்துக் கொடுத்தார்கள் எனக்கு ஒன்றும் புரியவில்லை பிறகு அவர் பிரித்து கொடுக்கும் போதுதான் தெரிந்தது அதுதான் துப்பட்டா என்று கொசு வலை போன்றே இருந்தது.
 
என்ன இது இவ்வளவு மெல்லிசா இருக்குது ?
ஆமா ஸார் இது ஒன் ஸைட் சால்.
அப்ப மறு சைடு எதைப் போடுறது ?
 
நான், சற்றும் யோசிக்கவில்லை சுற்றி நின்றவர்கள் அனைவரும் பெண்கள்தான் என்னை ஒரு மாதிரி பார்த்தார்கள். ஒரு புழுவைப் பார்ப்பது போலவே... உண்மையில் இந்த நிலைக்கு ஆளாக்கிய இவர்களை நான்தான் பார்த்தல் வேண்டும். இந்த கொசு வலையை துப்பட்டா என்று போட்டுத் திரியும் இளைய சமூகத்தினரை நான் கட்டுப்படுத்துதல் இயலாது...
 
என்ன சார் சொல்றீங்க ?
நீங்க என்ன சொல்றீங்க ? இந்தக் கொசு வலை எனக்கு வேண்டாம் வேற நல்ல துப்பட்டா தாங்க இது எனக்கு பிடிக்கவில்லை.
நீங்க கேட்கிறது மாதிரி எங்கேயுமே இப்ப வர்றது இல்லை சார்.
சரி நன்றி நான் போறேன், இதை எடுத்து வைங்க...
 
கடைக்காரன் சொன்னது என்ன ? எங்குமே வருவது இல்லை காரணமென்ன ? பெண்கள் இவைகளை வாங்குவதால்தான் எங்கும் இந்த கொசு வலைகள். தவறான வழிகளில் நாமும், நமது சமூகத்தையும் செல்ல விட்டு பிறகு காலம் மாறி விட்டது என்று நொண்டிச்சாக்கு சொல்லி நம்மை நாமே ஏமாற்றிக் கொண்டு வாழ்கிறோம் இதுதான் உண்மை.
 
நாம் திரைப்படத்தில் கூத்தாடிகள் என்ன செய்கின்றார்களோ ? அதைச் செய்து வாழ்வதில்தான் ஆனந்தம் கொள்கிறோம். திருமண பதாகைகளில் மாப்பிள்ளையும், பெண்ணும் இணைந்தே காட்சி தருகின்றனர். திருமணத்துக்கு போனால் மணப்பெண் மேடைக்கு வரும்போதே குத்துப்பாட்டோடு ஆட்டம் போட்டு வருகிறார். இதை யாரும் தடுக்க நினைப்பதில்லை ஆரவாரித்து மகிழ்கின்றோம். கழுத்தில் தாலி ஏறுவதற்கு முன்பு. இக்காட்சியை ஆண்டிப்பட்டி முதல் அம்பேரிக்கா வரை புலனத்தில் அனுப்பி விடுகிறோம்.

 

திடீரென்று ஏதோவொரு காரணத்தால் திருமணம் நின்று விடுகிறது என்றால் அனுப்பிய காட்சிகளை வாபஸ் வாங்க முடியுமா ? இதற்கெல்லாம் காரணமென்ன ? திரைப்பட மோகம்தானே... இந்தியக் கலாச்சாரத்தை பிற தேசத்தான் மதிக்கின்றான். நாம்தான் மறந்து விட்டு அயல் நாட்டானை வேடிக்கை காண்கின்றோம். பாரதி சொன்ன புதுமைப்பெண்கள் வீதியெங்கும் பெறுகி விட்டனர். விதி யாரை விட்டது. நான் ஏற்கனவே சொன்னது போல் ஓர் வேதத்தில் சொல்லப்பட்ட வாசகம்தான் நினைவுக்கு வருகின்றது.
 
குதிரைக்கும், பெண்களுக்கும் மதிப்பு இழந்து விட்டால்
பிறகு உலகம் அழியும் வரை திரும்பக் கிடைக்காது.
 
சொன்னது யாராக இருந்தால் என்ன ? சொன்னது உண்மையாகி விட்டது
மதம் பார்க்க வேண்டாம் மனிதம் பார்ப்போம்.
 
கில்லர்ஜி தேவகோட்டை

Share this post with your FRIENDS…