உடைத்தாயே உன் வாழ்க்கை

     இந்த வகையான பிரச்சனைகள் நாட்டில் பல இடங்களிலும் இப்படி நிகழ்கிறது இதற்கு காரணம் பெற்றோர்கள்தானே ? திருமணம் நிச்சயிக்கும் முன்பே மணப்பெண்ணிடம் மட்டுமல்ல, மாப்பிள்ளையிடமும் இன்று தீர்க்கமாக கேட்க வேண்டியது இருக்கிறது இல்லையெனில் இப்படித்தான் இருபுறமும் மனஉலைச்சலும், சண்டையும், அவமானங்களும் வந்து சேரும்.

 

இப்படிச் செய்த இந்தப்பெண் முதலிலேயே சொல்லி இருக்கலாமே என்று நம்மில் பலரும் நினைக்கலாம் பெண்ணின் சூல்நிலை என்னவோ ? இப்பெண்ணை அழைத்துப் போக வந்தவன் தாமதித்து இருக்கலாம். இதென்ன தமிழ்ப்படத்தின் திரைக்கதையா ? பெண்ணின் அப்பாவையே ஒரு கை பிடிங்க என்று கேட்டு பெண்ணை மூட்டையில் கட்டி தூக்கிச் செல்வதற்கு...

 

பழைய காலம் மாதிரி இப்பொழுது இல்லை எல்லாமே சுமூகமாக பேசி முடித்து ஆடம்பரமாக செய்த திருமணங்களே மூன்றே மாதத்தில் விவாகரத்து கேட்டு நீதி மன்றம் செல்வது சாதாரண நிகழ்வாகி விட்டது. இப்பொழுது கணவனுக்கு மனைவியும், மனைவிக்கு கணவனும் சதி செய்வதும் சாதாரண நிகழ்வுதான். ஆகவே பெற்ற மகளாக இருந்தாலும் இன்றைய சூழலில் சாட்சி வைத்துக் கொண்டே சம்மதம் கேட்பது நல்லது.

 

இப்படி செய்தால் நம்மைப் பெற்றவர்களின் நிலை என்னாகும் ? எவ்வளவு மனிதர்களுக்கு பதில் சொல்ல முடியாமல் தலைகுனிந்து நிற்பார்கள் ? என்ற சிந்தனை எல்லாம் இன்றைய தலைமுறையினரிடம் இல்லை. இதன் அடிப்படை காரணம் கல்வித்துறையில் நீதி போதனை கிடையாது. பெற்றோரும் அதிக செல்லம் கொடுத்து குழந்தைகளை கெடுத்து விடுகின்றார்கள். தான் செய்தது தவறென்று உணரும் பொழுது எல்லாமே முடிந்து காரியங்கள் கை மீறிப்போய் விடும்.

 

இந்த அனுபவசாலிகள் சொல்வதை மற்றவர்களும் கேட்பதில்லை எல்லா மனிதர்களுக்கும் பட்டாலே உணர்வு வருகிறது. கண் போன பின்னே சூரிய நமஸ்காரம் போல... திருமணம் என்பதை கடமை என்றே பெற்றோரில் சிலரும், பிள்ளைகளில் சிலரும் கடத்தி விடுபவர்கள் உண்டு. திருமண பந்தம் என்பது தனது வாழ்வின் அடுத்தவொரு அத்தியாயம் தொடங்குகிறது என்பதை உணர வேண்டும்.

 

அன்பும் அறனும் உடைத்தாயின் இல்வாழ்க்கை

பண்பும் பயனும் அது. – குறள் - 45

கில்லர்ஜி அபுதாபி

Share this post with your FRIENDS…