இது பெரியார் சொன்னது அல்ல !

மேலே புகைப்படத்தில் உள்ளது மட்டும் தந்தை பெரியார் சொன்னது

ஆட்சியை கலைத்து விட்டு இவர்களை வீட்டுக்கு அனுப்ப போறேன்னு சொல்றாரே... இவரு கவர்னரா ? இல்லை கட்சித்தலைவரா ? இல்லை ஏதாவது தொகுதி சட்டமன்ற உறுப்பினரா ? ஒண்ணுமே புரியலையே... சும்மாவா நம்ம தாத்தன் பாட்டன் சொல்லி வச்சாங்க.... கேனப்பயல்க ஊருல கிறுக்குப்பய நாட்டாமைன்னு.. இப்படி சொன்னது கில்லர்ஜி’’னு நினைக்காதீங்கோ... ஊருக்குள்ளே நாலுபேரு நாலு விதமா பேசிக்கிட்டாய்ங்கே...

* * * * * * * * * * 01 * * * * * * * * * *

தினம் சாயங்காலம் ஆயிட்டா... இந்த ஊடககாரங்கே பத்து வெத்து வேட்டுகளை கூட்டி வச்சுக்கிட்டு நாட்டை இவங்கேதான் திருத்தப்போறது மாதிரி இலவு வீட்ல சண்டை போட்டது போல போடுறாங்களே... இதனால எந்த அரசியல்வாதி திருந்தப் போறாய்ங்க எல்லாப்பயலும் திருடன்னு தெரிஞ்சும் மக்கள் ஓட்டுப் போடுவதற்கு தயாராகத்தான் இருக்காங்க என்ன செய்யிறது ? எல்லாம் கலிகாலம். இப்படி புலம்புவது கில்லர்ஜி இல்லை தெருவுக்குள்ளே ரெண்டு பெருசுங்க புலம்பிக்கிட்டாங்க...

* * * * * * * * * * 02 * * * * * * * * * *

அல்லக்கைகள் நாலுபேரு பக்கத்தில் இருந்ததால... நீதி கேட்டு நெடும்பயணம்னு சொன்னவருக்கு நிதித்துறையை கொடுத்ததால இப்ப ஆத்தா சாவுல மர்மம் இல்லைனு ஆயிடுச்சு போலயே.. அவரு வாயை மூடிட்டாரே... எல்லாம் நாற்காலி ஆசை வேறென்ன ? காலக்கொடுமையய்யா காலமேகப்புலவரய்யான்னு ஆயிடுச்சு இப்படி பேசுனது கில்லர்ஜி கிடையாது கார்மேகம் டீக்கடையில பேசிக்கிட்டாய்ங்கே...

* * * * * * * * * * 03 * * * * * * * * * *

தமிழ்நாடு முழுக்க எல்லாக் கட்சிக்காரனும் அனிதா, அனிதான்னு பேசுறாய்ங்கே... அன்புமகள்’’னு சொல்றாங்கே... எல்லாம் ஓட்டுக்காகத்தானே.... அடுத்து ஒரு வினிதா செத்துடக் கூடாதுன்னு யாராவது அதற்கான வேலையை செய்யிறாய்ங்களா ? உங்களைச் சொல்லி குற்றமில்லை மக்கள் இன்னும் மாக்களாக இருக்கும்வரை உங்க வீட்ல பணமழைதான் இப்படிச் சொன்னது கில்லர்ஜி இல்லை முனீஸ்வரர் கோயில் முச்சந்தியில மூணு பேரு பேசிக்கிட்டாங்க...

* * * * * * * * * * 04 * * * * * * * * * *

சும்மா சொல்லக்கூடாது இரும்பு மனுஷின்னு சொன்னது சரிதான் போல... ஆத்தா சாகவும் ஆளாளுக்கு வாய் பேசுறாய்ங்களே.... ஸிஸ்டம் சரியில்லையாம் இவ்வளவு நாளா புடுங்கவா போனாரு ? என்னமோ போர் வருதாம் இவங்களோட அக்கப்போரும் ஆரம்பமாகப் போகுதோ... ச்சே அன்னைக்கே குண்டடிபட்டு செத்து இருக்கலாம். இப்படி அலட்டிக் கொண்டது கில்லர்ஜி இல்லை சுப்பையா சந்துல இருக்கிற சுதந்திரப் போராட்ட தியாகி மோகனசுந்தரம் பிள்ளை சொல்லிக்கிட்டு இருந்தாரு...

* * * * * * * * * * 05 * * * * * * * * * *

என்னமோ அசிங்கமா பாடிட்டான் பீப், மட்டன் அப்படி இப்படினு மாதர் சங்கம் எல்லாம் கொடி பிடிச்சாங்க இதோ அவனோட படத்துக்கு தியேட்டருல கூட்டத்தை பார்த்தியா ? எல்லாம் பொம்பளைப் புள்ளைங்கதான் இந்த நாடு திருந்தும்னு நினைக்கிறே.... ? சுனாமி வரணும் அப்படியாவது கூமுட்டை ஜனங்கள் குறையணும் நாட்டுல கோடிக்கணக்குல முட்டாள் ஜனங்கள் இருக்கிறதைவிட நூற்றுக்கணக்குல அறிவாளிங்க இருந்தால் போதும் மோசடி இல்லாமல் நாட்டை ஆளலாம் இப்படி சலிச்சுக்கிட்டது கில்லர்ஜி இல்லைங்கோ.... சமூக ஆர்வலர்கள் இரண்டு பேரு பேசிக்கிட்டாங்க...

* * * * * * * * * * 06 * * * * * * * * * *

என்ன ஸார் நம்ம பணத்தை பேங்க்ல போட்டு வைக்கிறதுக்கு இப்படி மணிக்கணக்கா வரிசையில நிற்க வேண்டியது இருக்கு ? என்ன ஸார் இதுக்கே இப்படி சலிச்சுக்கிறீங்க ? தேர்தல்ல நின்னு லட்சங்கள் செலவு செய்து எம்எல்ஏவாகி கோடிக்கணக்குல சம்பாரிச்சு ஆடம்பரமாக வாழப்போறான்னு நமக்கு கண்கூடாகவே தெரியுது அப்படி இருந்தும் நாம் நமது கடமை, வாக்குரிமை, மண்ணாங்கட்டின்னு சொல்லிக்கிட்டு வெயில்ல நின்னு காத்திருந்து ஓட்டுப்போட்டு அவனை சட்டமன்றத்துக்கு அனுப்பி வச்சுட்டு அஞ்சு வருசத்துக்கு மறந்துடுறோம் இதுல நம்மலோட பணத்தை பாதுகாப்பாக பேங்க்ல போடுறதுக்கு பொறுக்க மாட்றீங்க ? இப்படி சொன்னது கில்லர்ஜி இல்லை அம்போ ஓவர்லோடு பேங்க்ல பேசிக்கிட்டாங்க...

* * * * * * * * * * 07 * * * * * * * * * *

ஏண்டி பரிமளா நம்ம மோடி டிஜிடல் இந்தியான்னு சுகாதாரமாக ஆக்கப்போறாராமே... எப்படி ? ஆமாக்கா எம்புருஷனும் சொன்னாரு நம்ம குப்பைகளை வீட்டு மச்சுக்குள்ளே மக்கு குப்பை, மக்கா குப்பைனு ரெண்டு பிரிவா சேகரிச்சு மறுவருஷம் முனுஷிபாலிட்டியில கொடுத்தா நம்மலோட ஸ்விஸ் அக்கவுண்ட்டுல எடைக்கு எடை ஸ்வீட் போட்டு வப்பாகலாம். அப்படியா.... நானும் புருஷன்ட்ட சொல்லி லோன் போட்டு மச்சுல ரூம் போடச் சொல்லணும். இப்படி நான் சொல்லலைங்கோ... பக்கத்து வீட்டு பரிமளாவும், அடுத்த வீட்டு அகிலாவும் அவங்க ரெண்டுபேர் வீட்டுக்கும் இடையில் வீடு கட்டாமல் காலியாக கிடக்கும் கில்லர்ஜியின் இடத்தில் குப்பைகளை கொட்டி விட்டு பொறணி பேசிக்கிட்டாங்க...

* * * * * * * * * * 08 * * * * * * * * * *

தலைவன் வர்றான்னு தெருவுல மக்கள் நடக்க முடியாத அளவுக்கு ப்ளக்ஸ் போர்டு வக்கிறாங்கே.... தலைவன் செத்துட்டாலும் வைக்கிறாங்கே... கல்யாணத்துக்கு நண்பனை வாழ்த்தி வைக்கிறாங்கே... கோவில் திருவிழான்னு வைக்கிறாங்கே... பாட்டி செத்ததுக்குமாடா எதற்குத்தான் பகட்டு வாழ்க்கை வாழுறதுன்னு இப்ப உள்ளவங்களுக்கு தெரியலையே... ரெண்டாம்நாள் பார்த்தால் அந்த ப்ளக்ஸ் போர்டு புறம்போக்குல வீடு இல்லாதவன் கக்கூஸ் மறைவுக்கு வச்சு அதுமேல ஒண்ணுக்கு அடிக்கிறான் என்னாங்கடா உங்களோட மரியாதை ? இப்படி வருந்தியது நானில்லை சமூக அக்கரையுள்ள கில்லர்ஜி மாதிரி ஒருத்தன்னு வச்சுக்கங்களேன்...

* * * * * * * * * * 09 * * * * * * * * * *

ஆசிரியர்கள் நியாயம் கேட்டு போராட்டம் நடத்தியதால் அன்றைய தினம் சம்பளம் கிடையாது என்று சொல்ற அரசு சட்டமன்ற உறுப்பினராகி மூன்றரை வருடமாகியும் சட்டமன்றம் செல்லாத தி.மு.க. தலைவர் கருணாநிதிக்கு மட்டும் சம்பளம் சரியாக போய்க்கிட்டு இருக்கே இது நியாயமா ? இதைப்போல விடுமுறை எடுத்த எல்லா சட்டமன்ற உறுப்பினர்களுக்கும் சம்பளம் பிடிக்க அரசுக்கு திராணி இருக்கா ? அப்படினு கில்லர்ஜி கேட்கலை. போராட்டத்தில் ஈடுபட்டவங்க பேசிக்கிட்டாங்க...

* * * * * * * * * * 10 * * * * * * * * * *

சிவாதாமஸ்அலி-

அப்படீனாக்கா... மேலே எழுதியதெல்லாம் சுயபுத்தி இல்லையா ? அடுத்தவங்க பேசும்பொழுது ஒட்டுக்கேட்டதா ?

சாம்பசிவம்-

எல்லாம் காரணமாகத்தான் பிரச்சனை வரும்பொழுது துளசிதரன் மாதிரியான ஆசிரியர்கள் பேசிக்கிட்டதுனு சொல்லி தப்பிச்சுக்கிறலாம்ல...

Chivas Regal சிவசம்போ-

பழம் விழுந்தால் தேவகோட்டை, கொட்டை விழுந்தால் பாலக்காடு.

 காணொளி