கவுண்டர்க்காரி

ஒருமுறை அபுதாபி மாலில் குளியல் சோப் நான்கு வாங்கினேன் அதன் விலை பத்து திர்ஹாம்ஸ் கவுண்டரில் பணம் கொடுப்பதற்காக வரிசையில் நிற்க எனக்கு முன்னாலிருந்த பெண் பொருட்களை மிஷினில் வைத்துக் கொண்டு இருந்தாள் கவுண்டரில் வழக்கம்போல பிலிப்பைனி பெண் கூடவே சூப்பர்வைசர் பெண்ணும் கவுண்டரில் இருந்தவள் என்னை அடிக்கடி பார்த்துக் கொண்டே இருந்தாள் பல இடங்களிலும் இதுதானே நடக்கிறது இறைவன் தெரியாத்தனமாக என்னை அழகாக படைத்து விட்டதே காரணம் வேறன்ன செய்வது எனக்கும் இது பழகி விட்டது பொதுவாக பிலிப்பைனிகள் பேசுவதை யாருமே கவனிக்க மாட்டார்கள் காரணம் பேச்சின் தொணி நம்மூரில் குறத்திகள் பேசுவார்களே அதைப்போலவே இருக்கும் அவர்கள் கூடினால் பேஸிக்கே இல்லாமல் பேசிக்கொண்டே இருப்பார்கள் ஆனால் நான் ஒட்டுக் கேட்பேன். அப்பத்தானே பதிவு போடமுடியும் இவள் சொன்னாள் சூப்பர்வைசரிடம்...

பயான் பிகோத்தி நக்கீதா மல்லாக்கி மைரோன்.

இவன் மீசையைப்பார் பெரிசா இருக்கு

சூப்பர்வைசரும் சிரித்துக் கொண்டே...

பாகெட் கட்டொலெட் நிடோ ?

ஏன் இந்த மாதிரி ?

பயான் அஷாவாங் பபாய் சலித்தா குஸ்தகோ...

இவன் மனைவி வேணும்னு.... சொல்லியிருப்பாள்.

இவள் சிரிக்க... எனது நேரம் வந்தது சோப்பை மிஷினில் செக் செய்தவள்

குட் ஈவ்னிங் சார்.

குட் ஈவ்னிங் ட்டூ யூ.

டென் திர்ஹாம்ஸ் ப்ளீஸ்.

நான் நூறு திர்ஹாம்ஸ் எடுத்துக் கொடுக்க, பாக்கி தொண்ணூறு திர்ஹாம்ஸுக்கு, இரண்டு இருபது திர்ஹாம்ஸும், மூன்று பத்து திர்ஹம்ஸும், நான்கு ஐந்து திர்ஹாம்ஸும் கொடுக்க, நான் வாங்கி அவளுக்கும் கேட்கும்படி எண்ணினேன் இப்படி.

டலவாம்போ இருபது

அபாட்னபோ நாற்பது

லிமாங்போ ஐம்பது

அனினபோ அறுபது

பிதோம்போ எழுபது

பிதோம்போத் லிமா எழுபத்து ஐந்து

வாலோம்போ எண்பது

வாலோம்போத் லிமா எண்பத்து ஐந்து

ஷ்யாம்னபோ தொண்ணூறு

பணத்தை பர்ஸில் வைக்கும்போது கவனித்தேன் மிரண்டு போய்...

நாக்ஸிஸிஸி

ஸாரி

ஓலா ப்ராப்லமா

பிரச்சனை இல்லை

சலாமத்

நன்றி

ஓலாங்கனுமான்

பரவாயில்லை

நகரும்போது எதிர்ப்புறமுள்ள கண்ணாடியில் கவனித்தேன் இரண்டு பிலிப்பைனிகளும் சிரித்துப் பேசிக்கொண்டு இருந்தார்கள்.

இதை எதற்காக பதிவு செய்தேன் தெரியுமா ?

எங்கள் கழுத்தை அறுக்கத்தான்

இல்லை நண்பா அதன் பிறகு நான் அங்கு போனால் அவளது கவுண்டருக்கே போவேன்

அதான் தெரியுமே...

இதில் பழக்கம் தொற்றிக் கொண்டது

எழுதிய விதி இப்படித்தான்

மற்றொரு தருணத்தில் நானும் எனது பிலிப்பைனி நண்பனும் பிலிப்பைன்ஸ் தூதரகம் சென்றோம் அவனது குழந்தையின் பாஸ்போர்ட்டில் ஒரு பிரச்சனை. அதை சரி செய்வதற்காக நான் பொழுது போகாமல் சும்மா உதவிக்காகத்தான் எனது காரை எடுத்துக் கொண்டு போனோம் அங்கு பிரச்சனை தலைதூக்க நான் கவுண்டர்க்காரிக்கு போன் செய்தேன் அடுத்த பத்து நிமிடத்தில் உள்ளிருந்து ஒரு பெரியவர் வந்தார்

ஹூஸ் இஸ் ஹியர் மிஸ்டர் கில்லர்ஜி

யெஸ் ஸார்

எங்களிடமிருந்து பாஸ்போர்ட்டையும் பேப்பர்களையும் பெற்றுக்கொண்டு உள்ளே போனவர் அடுத்த கால்மணி நேரத்தில் வேலையை முடித்துக் கொண்டு பாஸ்போர்ட்டுடன் வந்தார் சித்தப்பாவுக்கு நன்றி சொல்லி விட்டு வெளியேறினேன் அவர்தான் கவுண்டர்காரியின் தாய்மாமன் அன்று அவள் எனது மீசையை கிண்டல் செய்ததற்கு கண்டு கொள்ளாமல் வந்திருந்தாலோ, இல்லை அவளுடன் சண்டையிட்டு வந்திருந்தாலோ, இன்று இந்த வேலை முடிந்து இருக்குமா... கோபம் வந்து பயன் என்ன... ஏதோ கொழுந்தியாள்தானே என்று நான் விட்டுக் கொடுத்து வந்ததால் லாபம்தானே... பொருத்தவர் பூமி ஆள்வார் என்பது எவ்வளவு உண்மை பார்த்தீர்களா... ?

// மற்றவரைத்தாக்கி வீழ்த்துகிறவன் வீரனல்ல கோபம்

வரும் சமயம் அதை அடக்கி கொள்பவனே வீரனாவான் //

எங்கோ எப்பொழுதோ சுவற்றில் எழுதியிருந்து நான் படித்த வாசகம் என் மனக்கண்ணில் வந்து போனது 

CHIVAS REGAL சிவசம்போ-

இதே ஆம்பளை ஒருத்தன் மீசையை இழுத்துப் பார்த்திருந்தால் ?

சாம்பசிவம்-

இழுத்தவன் கையில கோடரி வெட்டுதான்.